Poemata Machine-readable text Balde, Iacob SI Balde, Iacob SI XML version, markup prototype, December 1999 Markus Scholzmarkup Camena
http://www.uni-mannheim.de/mateo/camena/ bald4 baldepoemata4.html s001.html baldepoemata4.xml bald4/jpg html Koeln: Busaeus, 1660.

Regeln fuer die Texterfassung 03/2001

not necessary

 19 May 2002 Susanne Mussmann markup TEI header added, structural corrections, suggestions: add metric, mark content, spelling of words (bad quality), include speakers in tragedy Agathyrsus I. AGATHYRUS ODE. CANTAMUS OSSA. Deditum Ventri genus, recede. MENS ALTA, Tu, quae Corporis Trangressa vilitatem, Prae ceteris, es Carcerem Sortita mitiorem; Agnosce Summi Iudicis Sententiam: Pepercit. IPSIUS AUCTORIS PARAPHRASES QUATUOR. II. Libertas, regale Bonum. TOt impedita vinculis, Quot membra sunt et artus; Cur nauticis rudentibus Vis insuper ligari? Corpus, quod hospes incolis; Testa lutoque factum: Iam Furis est et gastulum: Quid quaeris et Latronis? III. Pol! multis onerande canistris. IS, qui prior Tyrinthio, Coelum tulisse fertur; Gaudebat ATLAS sarcina Premente liberatur. Cur Mula clitellaria, Cur Mulio levari Recusat, et maioribus Saccis petit gravari? IV. Nolim incrustare dolores. NE fido LUNAE. quisquis es, Cum plena fratre turget. Habet suos, nil ambige, Naevos, suosque maneis. Expende curas PINGUIUM, Et sonticos labores: Disces profundis Ventribus Non invidere poenam. V. Nimium se vivere sentit. DIc: ANIMA cuius est adeps. Quam vivit ille vitam! Qui totus est tomaculum, Quam vivit ille vitam? Qui non habet spiraculum, Quam vivit ille vitam? NOLIM VEL AEGER VIVERE, QUAM VIVII ILLE VITAM? VI. Volucri pernicior Euro. AUdis? ut in suspiria Tardata flabra pulset! Anhelat instar bubali Reciprocantis auram. Credas equorum pulverem Olympicum bibisse; Aut concitatis essedis Primum subisse metam. VII. O Mors, hoc utere passu. SEd nempe gratis falleris: Vix movit e cubili. Primis hiulcos messibus Torrente Sole campos; Si tertium vestigium Asturco pansa torsit; Iam totus est axungia. Et colliquescit aestu. IIX. Choreis aptissimis Heros. FIt ergo longa fabula, Mimique sanna vulgi. Quacunque molem poplitum Attollit in volumen; Concussa, more Stentoris, Clamare TERRA possit: Tanto Parentem pondere ANTAEUS iste calcat! IX. Tali speculum monstretur Othonis. VULTUS TUMENS ROTUNDIS, AN VULTUS EST, AN ULCUS? Qui follibus praegnantior Tubam sonorus inflat. Vt nescias. an AEoli Sit natus in Caverna: Dum plenus Austris, unica Videtur esse struma. X. Misero quid denique restat? TAlem nec ulla tempora Solantur, aut Planetae. HYEMS et AESTAS displicent; Et MAIUS et NOVEMBER. Quas imprecatur PISCIBUS AQUARIOQUE Diras! Latrante torvum SIRIO, Fustem Cani minatur. XI. Amphion haec saxa trahat! ARENA crescit interim: Et obstruit meatus, Saevit tyrannis aspera Tortoris inquilini. Coactus intra viscera Parvum pati lapillum; Vae grande SAXVM Sisyphi Tergo rotare malit. XII. Neque Styx his tristior undis. ACcedit horror funebris, Lethaea vis Catarrhis Vespillo dormientium, LETHARGUS obstinatus: Et naufragos, in littore, Qui mergit albus Hydrops, Stillae tremendo frigidae Stupore sideratos. XIII. Furiarum quarta, reperta est. OMitto serram Bacchicam. Et murices acutos: Quibus repelli nescia Pedes fodit PODAGRA. O tristis uxor coniugis O Sacra Xanth tis-ippe. Te distraho: sed distrahis Et tu tuum Maritum. XIV. Auspiciis melioribus orti. AT non et illis impluit Haec ILIAS malorum: Queis absque limo sordido, Glebaque verminosa, Intaminata firmius Compegit ossa TITAN; Et vertebras Saturnio Formavit ex metallo. XV. Felices, quibus ista licent. SENSUS acutis excubant Ad tale Corpus armis, Vigent manus Prometheos, Sanctum ferentis ignem. Sanguis serenus scinditur A seditate tabi; Micantque venae castius Sinceriore metro. XVI. Perpetui sunt Veris in horto. HInc vita vere vivida, Iubarque temperatum: Et bullientis lucidum Sacrarium caloris. Raro caput circumtonat Tumultuosa nubes: Quae membra sternat saucia Vaporibus caducis. XVII. Non est haec fabula tantum. AH novimus (Dolor sine, Et deme frena linguae;) VIRUM DISERTUM novimus, (Nunc dormit in sepulcro) De cuius alto vertice Parnasio que colle, HASTATA forsan altera Potuit salire PALLAS. XVIII. Exemplis sapiamus, Amici. HIc corporis, non Ingeni, Quod pinguioris esset; Praesagus ipse fulminis, Ferale quod pavebat: Sui cerebri perditam Confessus officinam, HEU, saepe dixit, SENTIO, QUOS SENTIO CYCLOPAS! XIX. Dixit se vivere. Vixit. VAtes fuit vel Delphicis Oraculis verendus. Qua nocte, nullus argurum Praesensit ominantum. Cadente stilla percitus, Vita repente cessit: Quam plurimi vel Attico Redemerant Talento. XX. Quota, dic, est Femina mitis? SED PARCA NESCIT NUNDINAS, NEC FILA VENDIT VLLA. Vir dignus annis aureis, Ex ferreis abivit. Nos lacrumis rotantibus Dum spargimus cupressum; Clamamus, o Cyclops, Cyclops: Quem dire sustulisti! XXI. Ten' his considere monstris! QUisquis redundat phlegmate, Hic dives est malorum, Assem paternum dividat Herede nominato; Septemque Testes convocet; Addatque Codicillos: Et Liberis, et Coniugi Suprema verba dicat. XXII. Tibi cur blandiris, Avare? PRaedico: vota contrahat Cervina: vix senescet. Emat pheretrum, lintea, Lessumque mortualem. Conducat atras praeficas, Et praeparet trientem, Dandum Charonti navitae. Brevi, brevi migrabit. XXIII. Invidia dignissima Vita. FElicioris SICCIOR Viam capessit AEvi: Quandoque visus secula Cornicis aemulari. Non Fata, non durissimo Accusat ore Divos. Non indiget medentibus, Sui GALENUS ipse. XXIV. Pereunt ad pascua missi. SEcurus a securibus Est bos laboriosus. Cui nulla stant palearia, Prono ferenda collo. At, qui torosus integrum Distenditur per arvum, Immugiens, velocius Raptatur ad macellum. XXV. Ad Brasilos cum pinguibus istis. I nunc, sagina putidum Et turpe carcinoma; Dicanda morti victima, Vt anser et coturnix: Et, in Foro porcario, Qui glandibus replentur: Sus alba, quam Phryx viderat, Praecessit: hi sequentur. XXVI. Utinam facies tunc planior ovo. Cum feculenti sanguinis Trimalcio recumbit: Tantum catharma palpitat, Sentina quanta navis. Fetore vivus enecat Astantium pudorem; Magnamque stragem narium Loco movendus edit: XXVII. Tanti est spumare Gigantem. COLOSSE farte sumine Quid vasta membra iactas? Iactat Camelus iugerum Dorsi, iugumque gibbi; A metiendam funibus Turrita Maura molem: Has machinas irrideat Praetervolans Alauda. XXIIX. Invitat te purior aether. SIt singularis vilium Laus ista belluarum: Propter culinam vivere: Lardo fugare Verpos. Homo Choragus siderum, Caeli futurus hospes; Is Porcium non aestimat, Sed aestimat CATONEM. XXIX. Eadem est sententia Martis. SIn fortis HECTOR quaeritur, Robur Milonianum: Ad nostra spectant agmina, Qui praevalent lacertis. Thebanus ille Marspiter, SCUTUMQUE MILITARE, Omneis Obesos expulit Castris EPAMINONDAS. XXX. Ipso gladii frangantur in hoste. VIros GRADIVUS expetit, Viros amat GRADIVUS: Bellique nervus, nervus est; Non pulpa, non omasum. MACER STAT INSTAR CLASSICA, VELUT MARINA RUPES. Status globosi corporis Manu movetur una. XXXI. Arbitrium sit, Roma, tuum. COnfer tuos Vrbs Dardana Maior, Minorque, Cives. Tam, qui manu, sub Porsena, Haustum bibere Tybrim; Quam qui natarunt citreae Vncti liquore mensae. Si proferes, quam praeferes O ROMAE factionem? XXXII. Est sane lepor, ista tueri. HInc Caesarem Vitellium, Vitellium Suillum; Illinc tremendum Gallicis Praedonibus CAMILLUM. Hinc marcidum Caligulam, Quantum lavernionem! Illinc vibrantem lanceas, Et peila SCIPIONEM. XXXIII. Paupertas trabeata micat. O digna non vulgaribus FRUGALITAS Camenis! Quae traxit a ligonibus Macros ad Orbis Ostrum: Et purpuratis ensibus Scutisque sublevatos, Excelsa sicut Pyramis Evexit ad Curules. XXXIV. Tanto est iam gloria maior. TUnc BRutus ad praesepia, SERRANUS in novali, DENTATUS inter ilices Rem publicam regebant. Fasces iacebant proximis In vepribus saligni: Consulque cum lictoribus Prandebat, et metebar. XXXV. Gracileis arcete Ministri. Caium stupes Iulium, Pharsalicum Monarcham. Hic ille Fortunae suae Tyrannus invidendus, Et quem timebant caeteri, M acrum tam en timebat. Sit fas, tacere nomina: MACROS TAMEN TIMEBAT. XXXVI. Video portenta: sed odi. HUic comparetur FLAVIUS, Muscis tremendus hostis! Ructans vomensque grandia Mullisque mista Cete! Aut CARACALLA latior Decempeda Mimantis! Aut Caldius Biberius Mero Modimperator! XXXVII. Si virtus grave pondus habet, etc. AMilcaris fax, HANNIBAL, Poto flagrans Sagunto: Qui ventilavit Italos, Ceu milvius columbas; Summasque Tarpeii Iovis Sub tegulas coegit: Carnis stetit sex unciis Appensus in bilance. XXXIIX. Distabant ultima primis. TRansmitto Transmitto cana secula, Ad nostra transiturus. Rex Liliorum CAROLUS, Sago togaque felix: Ab cuius ense praelium, Et pax pependit ore; Minora gessit nomine, Cum Crassus esse coepit. XXXIX. Circumtonat unda Maleae. CRassi minacis nescium Vitare Mortis ictum. Crassos pudendi deiicit Aqualici gravedo. Crassos eunteis impedit Urso repleta funda. Crassis nocet torpentibus Ingens saburra ventris. XL. Quem quaeritis, Hic est. MIrare MAGNUM TILLIUM, Victoriae maritum. Caeso redux Turlacio, Mersis cruore Cimbris; Post busta Magdenburgica, Germaniae triumphos, TOTUS CADEBAT OSSEUS IN GLORIAE SEPULCRUM. XLI. Facies se ulciscitur ipsam. MActi, quibus profundius Os fugit in recessum: Maxilla pendet scrupea, Naresque porriguntur. Sic itur ad fastigium Martisque, Palladisque. Vtrique seruit diruta, Exesa, scabra forma. XLII. Pingues exeste profani. PHOEBUS subit praecordia, Quae fere puriora, Et apta sacro concuti Apollinis furore. Testatur istud MANTUA Tuba Maroniana. Idemque cantat UMBRIA Chely Propertiana. XLIII. Tantum a ventre Caput distat. QUI CRESCIT UT CUCURBITA, DESPERET ESSE LAURUS; Si non suo rigaverit Horatius Falerno. Quin ipsa, (quod mirabile) Cum pinguis est Minerva; Absurda, barda, degener, Nec amplius MINERVA est. XLIV. Rubigo venerabilis aevi. VIs intueri PORTICUS Famae vetustioris? Stoam, Lycaea, pulpita, Et Ambulationes, Antiquitatis lineas, Et circulos Sophorum, Cavis refert et exprimit Insculpta ruga buccis. XLV. Sic oculos, sic ora, manusque. HOc ore visus est SOLON, THALESQUE cum CLEANTHE. Et quem cicuta sustulit, Ceu Massicum bibentem. Et mobili qui Dolio Indormiens, ut Aulae, Contemsit omneis Regias, Tuumque, Pella, Regem. XLVI. Ex pumice flumina quanta! HOc ore MARCUS TULLIUS Processit in Senatum: Vt proditori diceret; Quousque Catilina: Aut in truces Antonios, Et Fulvias feroceis, Philippicas facundia Tonante fulminaret. XLVII. Forma Viros neglecta decet. SEd nulla Macros gratia Venusta comit: esto. Hanc pusiones ambiunt, Spernit virilis horror. Quid ingemiscis, pallido Genas colore tingi? PALLOR, Thaliae; PALLOR, est Color Scientiarum. XLVIII. Da simileis: vel, Obese, sile. MACER fuit, qui plurima Locutus est tacendo: Qui pro Figura, REPPERI, Centum boves dicavit. Cuius LUCERNA fictilis (Audite Curiosi) Servi supellex, vaeniit Fulgentibus smaragdis. XLIX. Hominis mirabile frustum. MACER fuit, qui vitreo Excussit orbe naves: Qui primus hausit circino Volubileis arenas: Qui vasta coeli corpora Strinxit duabus ulnis; Lunamque fratri Cynthio Ad osculum reduxit. L. Tres, totidem sprevere tyrannos. MACER fuit, qui Litera Famosus a Canina, Pernox suos ad Lampadem Elucubravit astus. MACER fuit quem Corduba Diro dedit Neroni: PLATO fuit macerrimus, Quem conferes Platoni? LI. Ignis edax alimenta petis. NUtrix, CARO, libidinum, Sororque lena somni; Quas non dedit tragoedias In omnibus theatris! Postquam Voluptas exuit Tuburcinata Soccum: De pelle convivantium Scindit sibi COTHURNUM. LII. Quid tu Veneris teterrime Bubo! ALes, CUPIDO, Cyprius, Effeminatus Ales, Ledaeque notus Doricae, Plumas gerens oloris; Vix ponit in maceria Nidi salacis ova: Sed ponit in palatiis. Et pinguium taberna. LIII. I nunc, et confice classem. Quod conflagrarit Ilion Fumantibus ruinis: Quod Xanthus exundaverit Rubentibus procellis: Debetur uni Remigi, Quem paene nominassem. Sed ille Remex dicitur Pinguis fuisse pastor. LIV. Quid vultis? sic Secla ferunt. UT quisque semper optimus Mentisque cultioris, Ab Orbe vixit condito Vrbisque Condito re: Sic osseus, sic corneus Magis, macerque vixit: Minusque Bombo machides GRACCHUS, minusque BACCHUS. LV. Magno quoque maxima constant. HOc SICCITATIS utile Vt munus impetrarent; Quot ambularunt millia In pellibus caprinis? Qui victitarunt dactylis Tribusve, quattuorve: Et his quidem sub Vesperam, Ne Sol videre posset. LVI. Cum ferrent numina silvae. NOn ad Senatum cedrinum Palmasque consulares, Sed populum nunc provoco, Et arbores Eremi: Quae frondeo sub tegmine, In saxeis grabatis, Se praebuerunt hospites Frigentibus Colonis. LVII. Elysium terrestre nemus. LOquatur una THEBAIS, Et curva ripa NILI: Quacunque septem brachiis Amplexus egit undas; Mirum genus Mortalium Fundi per arva vidit. Interque silvas buxeis Expalluisse labris. LVIII. Dii tales, qui oracula fundunt. PRodite mandris squallidi PACHOMII reclusis. ANTONII, PAPHNUTII, ONUPHRII, GEROLDI. Amica tesquis Nomina, Sed gratiora coelo: Qui, praeter ossa, corporum Nil extulistis antro. LIX. Ex rostro mensa pependit. VEstite palmat a toga Asceta, PAVLE, prodi; Cui Corvus, etsi pessimo Parente fure natus, Fidelis usque serviit, Suumque pai~re dixit: Non ausus unquam missilem Procrastinare panem. LX. Adhuc iuvenis celebratus Athenis. FAcunde prodi Cappadox, Et intimo recessu, Sortire nomen regium, Qui totus es CORONA: Fulmen Valentis impii, Terrorque Juliani: Virtute suppar montibus, Taatusque, quantus OSSA. LXI. Obstanteis sua fregit in ossa. PRodi specu doctissime E gente Dalmatarum. Quem Terra Bethlemitica, Et gens Togata novit; Rupesque nati Numinis Vagitibus canora, Instar Leonis audiit Per antra rugientem. LXII. Hos demum laudavero Ventres. PRodire, quotquot ANGELOS Eburnei coloris, Nutriverat radicibus Et hordeo polentae: Coelo sereno clarior, Et paene par Olympo; Princeps tuarum vallium BERNARDE, Clara Vallis. LXIII. Quod genus hoc hominum! HIs, NICOLAE iungere, O lumen Helvetarum! Quem laudo totis Ossibus, Frater saluto Fratrem. Quo fonte ducit gurgitem, Primaque mugit unda; Quando cibis te pollui Rhenus notavit ullis? LXIV. Hoc est occidere Carnem. NEc te tacebo, BORGIA FRANCISCE, Sidus Orbis: Qui funditus ieiuniis Exaruisse visus; Et quam nitentem lautiis Ex Gandia ferebas, Thoracis instar flaccidam Conduplicasse pellem. LXV. Quis enim contempserit istos? QUid LIPSIUM, quis LESSIUM, CORNELIUMQUE Belgas; LAINIOS, SOARIOS DREXELIOSQVE dicam? Quid mille narrem ceteros, Quos nostra vidit AEtas. Argute. stellas suspice, Et computare cessa. LXVI. Nec pudet hos, Matho, nolle sequi! TOt sunt, quot astra noctibus. Sudis citata currunt, Viaeque rivo lacteae Fulvos lavant capillos. Hos erudita Tuscia. Illos Britanna Nympha, Iberiaeque nobilis, Ferrugo decolorat. LXVII. Poterit Pandora videri. SAlve beata, et Persica Macies emenda gaza. Salve potens Inanitas Rei periculosae. Salve severa floridae Patrona Castitatis. Salve satis non cognita Tutela Sanitatis. LXIIX. Facit Experientia mecum. TE rara via equulei Arterias secantis: Te ratus urit calculus, Nigerve Candidusve. Te rara Pleias fletibus Suffocat, aut soporat? Non sternit imber turbinis: Non Scylla caeca sorbet. LXIX. Reges, removete culullos. TIbi Dynastae supplicant, Qui tympano laborant; Et erubescunt improbi Ventres, popaeque dici. Te pharmacis HIPPOCRATEE Exaequat, et MACHAON: Te donat AESCULAPIUS, Et anteponit herbis. LXX. Nam cur insultet amico? INstante LETO, scilicet MACER timebit arcum! Videns sibi simillimum, Et os ad os venire: Albisque Mortem dentibus Non imparem iacenti; Vel ante spondam sistere, Vel expedire telum. LXXI. Cadimus: sed quomodo; refert. Mors forte dicet. Adsumus. AMICE, qui valemus? Cupis resolvi? Ianua Sum destinata Vitae. NECESSITATEM DILIGE. CUM TALIBUS IOCAMUR. In pinguium cervicibus. Sum serius Thyestes. LXXII. Centauros concurrere credas. QUid exapescis spiculum Amore delibutum? ARUNDINES, arundine Defigo, non sarisa. Vastis bipennem quercubus, Ferisque sumtuosis; Apris, apris venabuli Latum reservo ferrum. LXXIII. Et caedes, non pugna fuit. HOc agmen, haec embammata, Has amphoras et orcas, Has spongias immobileis, Sevoque diffluentis Complector uncis arctius, Et exprimo liquorem: AEstate, quali cochlea Compressa pingit hortum. LXXIV. Votorum summa meorum. TU vade, nostrae mitius Sensure vim Sagittae. Tanget: nec ultra parvula Fibras acus recludet. NATURA TALE DIVIDIT ET BLANDA PARCA VULNUS. Quam tu subibis aleam, Dices fuisse ludum. LXXV. Actor hic, Angelus erit! ET sic quidem componitur A Morte vix notanda. Adhuc videtur vivere, Sed spiritu retento: Suoque Lectisternio Sopitus incubare. HOC UNICUM DISCRIMEN EST, ALTUM SILET VOCATUS LXXVI. Balaena in littore capta est. EFfer vicissim tauricum, Immane MAXIMINI, Effer cadaver tauricum: Effer, rogamus, effer. Quod Sole fetet unico Super toro relictum. Qui vel Sabaeus olfacit; Fit Simus a mephiti. LXXVII. Ursos imponite plaustris. DECEMVIRI fortissimi Sestertio coemti; Quandoque Centum, Si vices Mutare pondus urget; Vendunt labores Herculis, Et prostituta terga Succedit alter alteri: Euntque Vultuosi. LXXIIX. Humeri plectuntur Achivum. EFfertur ingens denique Magno tremore FUNUS Terram movere crederes, Et Insulas migrare. Onusta succollantium Cohors periclitatur: Fessosque Lecticarios LIBITINA triste ridet. LXXIX. Cilices mactabit et Indos. FRagrant sub axillis capri Portantium GIGANTEM: Et, quas Catullus oderat, Olidae moventur alae. Sudoris imber causticus Per calda membra stagnat. Pollinctor hac prae nautea Narcis fremens supinat. LXXX. Macris macra favet Lachesis. MAiore quanto gloria, Quanto minore sumtu. MACRO PARENTAT MORTUO EX OSSE FACTUS HERES. Solis vesa Duumviris Eliminantur ossa. Heic, inquit Vnus, sint sita, Et sub levi quiescant. LXXXI. Sed enim mox buccina clanget. AT non in aevum perdita, Humata putrefacta, Defossa sub caligine, Et anguibus latebunt: At non. erit volventibus DIES SUPREMA Fatis; Mundique summo penduli Vibrata stabit axe. LXXXII. Tumulata repullulat arbos. ANASTASIS, surgentium Regina mortuorum Formosa CHRISTI Filia. Electa Sponsa Divum; Clangore miro buccinae Sparsas movebit Vrnas: Et personans ad Iudicem Clausas citabit Vmbras. LXXXIII. Fecunda puerpera Tellus. IMmpulsa fetam Manibus Tellus resolvet alvum. Et suscitata Funera Os erigent in altum. I, FLACCE, porce de grege Harae voluptuosae: Ostende sis cuticulam: Lauda tuam ferinam. LXXXIV. Exitus Ossa probat. SCelesta tunc ABDOMINA, Et VENTER alliatus, Honore cultus numinis, Inunctus atque lotus: Et carnis Olla AEgyptia Imum ruentin Orcum. Callosa mittet aridus VIRTUS ad astra CALVAS. LXXXV. Tandem Macies invisa recede. TUnc OSSA primum celsius Prostrata se levabunt. Tunc OSSA dura mollius In nubibus cubabunt. Tunc OSSA sicca, gaudia Torrentis irrigabunt. TUNC OSSA, FLANTE SPIRITU, VT HERBA GERMINABUNT. L. ANNAEUS SENECA Cordubensis, Der weise Römer genandt/ dess Agathyrs Schatzmeister.

Fateor, insitam nobis esse Corporis nostri caritatem: fateor, nos huius gerere tutelam. nec nego, indulgendum illi; serviendum nego Multis enim serviet, qui corpori servit, qui pro illo nimium timet: qui ad illud omnia refert. Sic gerere nos debemus, non tamquam propter Corpus vivere debeamus, sed tamquam non possimus sine corpore HONESTUM EI VILE EST, CUI CORPUS NIMIS CARUM EST Ep. 14.

Cum voles veram Hominis aestimationem inire, et scire, qualis sit; nudum inspice. ponat patrimonium, ponat honores, et alia fortunae mendacia. CORPUS IPSUM EXUAT: Animum intuere, qualis quantusque sit, alieno an suo magnus. Si erectis oculis gladios micantes videt: et si scit sua nihil interesse, utrum Anima per os, an per iugulum exeat, beatum voca Ep. 77.

Stulta est enim, mi Lucili, et minime con veniens literato viro occupatio exercendi lacertos, et dilatandi cervicem, et latera firmandi. cum tibi feliciter sagina cesserit, et tori creverint: nec vires unquam opimi bovis, nec pondus aequabis Adiice nunc: quod maiore Corporis sarcina Animas eliditur, et minus agilis est. Itaque, quantum potes, circumseribe Corpus tuum, et Animo locum laxa. Ep 15.

Sapiens, assectatorque Sapientiae, adhaeret quidem in Corpore; sed optima sui parte abest, et cogitationes suas ad sublimia mittit. Vetas me caelo interesse id est, iubes me vivere capite demisso? MAIOR SUM, ET AD MAIORA GENITUS, QUAM UT MANCIPIUM SIM CORPORIS MEI. quod quidem non aliter aspicio, quam vinculum aliquod libertati meae circumdatum. Epist 65.

Nostri complures iuvenes, barba et coma nitidos, de capsula totos. nihil ab illis spera veris torte, nihil solidum NON EST ORNAMENTUM VIRILE, CONCINNITAS. Si nobis Animum Boni Viri liceret inspicere; o quam pulchram faciem, quam sanctam, quam ex magnifico placidoque fulgentem videremus! Ep. 115.

Non sentio in Animo aetatis iniuriam, cum sentiam in Corpore. tantum vitia et vitiorum ministeria senuerunt. Viget Animus, et gaudet, non multum sibi esse cum Corpore, magnam oneris partem sui deposuit. exsultat,

et facit mihi controversiam de senectute, hunc, ait, esse florem suum. Credamus illi: BONO SUO utatur. Ep. 26.

Ego unguentarios recipiam et cocos, et ceteros voluptatibus nostris ingenia accommodantes sua? quid enim, oro te, liberale habent isti ieiuni vomitores, quorum CORPORA IN SAGINA, ANIMI IN MACIE et veterno sunt. Ep. 88.

Quis sit vini, quis mulsi sapor, scis. Nihil interest; centum per vesicam tuam an mille amphorae transeant. SACCUS ES Epist. 77.

In Homine optimum quid est? Ratio, hac antecedit animalia, Deos sequitur. Ratio ergo perfecta, proprium hominis bonum est. Cetera illi cum animalibus satisque communia sunt, valet? et leones. formosus est? et pavones. velox est? et equi. non dico, in his omnibus vincitur. Ep 66.

Innumerabiles Innumerabiles esse morbos miraris? coquos numera. Dii boni! quantum hominum UNUS VENTER exercet! Epist. 95.

Quosque poscemus aliquid Deos, quasi nondum ipsi alere nos possimus? Quam diu sationibus implebimus magnarum urbium campos? quam diu nobis populus metet? quam diu unius mensae frumentum multa navigia, et quidem non ex uno mari, subvehen? Taurus paucissimorum iugerum pascuis impletur: una silva elephantis pluribus sufficit: homo et terra pascitur et mari. Quid ergo? tam insatiabilem nobis natura aluum dedit, cum tamen modica corpora dedisset; ut vastissimorum edacissimorumque animalium aviditatem vinceremus! Ep. 60.

De te ipso, Lucili gaude, et de tui optima parte, Corpusculum quoque, etiamsi nihil fieri sine illo potest

magis necessariam rem crede, quam magnam. vanas suggerit voluptates, breves, poenitendas, ac nisi moderatione temperentur, in contrarium abituras. Epist. 23.

Ventri obedientes, animalium loco numeremus, non hominum: quosdam vero ne animalium quidem, sed mortuorum. Vivit is, qui se utitur Qui vero latitant et torpent, sic in domo sunt, tanquam in conditivo. horum licet in limine ipso nomen marmori inscribas; mortem suam antecesserunt. Ep. 60.

Aves Aves quae conviviis comparantur, ut immotae facile pinguescant, in obscuro continentur. ita, sine ulla exercitatione iacentibus, tumor pigrum corpus invadit; et super membra iners sagina excrescit. Ita hominum Corpora, qui se tenebris dicaverunt, feda visuntur. Ep. 122.

Quidquid facies, cito redi a Corpore ad Animum:illum diebus ac noctibus ex arce. Ep. 15.

Cum tibi diem, summum Bonum, est infragilis Animi rigor, et providentia, et subtilitas, et sanitas, et libertas, et concordia, et decor: aliquid etiamnum exigis maius, ad quod ista referantur? quid mihi voluptatem nominas? HOMINIS BONUM quaero, non VENTRIS: qui pecudibus ac belluis laxior est. De Vit. Beat. cap. 9.

Sapiens scit in hoc natum Hominem, ut vita defungeretur, nec domum esse hoc Corpus, sed hospitium. quod relinquendum est, ubi te gravem esse hospiti videas. non autem videmus quam multa nos incommoda exagitant? quam male nobis conveniat hoc Corpus? nunc de ventre, nunc de capite, nunc de pectore ac faucibus querimur. alias nervi nos, alias pedes vexant nunc deiectio. nunc destillatio. aliquando superest sanguis, aliquando deest. hinc atque illinc tentamur et expellimur. hoc evenire soler in alieno habitantibus. Ep 120.

O ignaros malorum suorum, quibus non Mors, ut optimum inventum Naturae, laudatur! quae sive felicitatem includit, sive calamitatem repellit, sive satietatem aut lassitudinem senis terminat, sive iuvenile aevum in flore deducit, sive pueritiam ante duriores annos revocat: omnibus finis, multis remedium, quibusdam votum: de nullis melius merita, quam de his, ad quos venit, antequam invocaretur. haec servitutem invito Domino remittit: haec captivorum catenas levat, etc. De consol. ad Marciam, cap. 20.

Illud ante omnia memento, demere rebus tumultum. Pueri, quos amant, cum quibus ludunt, si personatos vident, expavescunt. Non hominibus tantum, sed et rebus persona demenda est. Quid mihi gladios et ignes ostendis? tolle istam pompam, Mors, sub qua lates, et stultos territas. Mors es, quam nuper servus meus, quam ancilla contemsit. Ep. 24.

Invitus inquis, relinquo officia vitae, quibus fideliter fungor. Quid? tu nescis unum esse ex officiis vitae, et MORI? Epist 77.

Considera, quam pulchra res sit consummare vitam ante mortem. Deinde exspectare securum reliquam temporis sui partem, in possessione beatae vitae positum. O quando videbis illud tempus, quo scies, tempus ad te non pertinere. Ep. 32.

Praeter navigamus, mi Lucili, vitam. In hoc cursu rapidissimi temporis primum pueritiam abscondimus, deinde adolescentiam, etc novissime incipit ostendi publicus finis generis humani. scopulum esse illum putamus, dementissimi! portus est. in quem si quis intra primos annos delatus est, non magis queri debet, quam qui cito navigavit. Ep. 70.

Si quid incommodi aut metus in hoc negotio est, morientis est vitium, non mortis. An quisquam hoc futurum credit, ut per quam nihil sentitur, illa sentiatur! Ep. 30.

Profice modo, et intelliges, quaedam ideo minus timenda, quia multum metus afferunt. Nullum magnum malum, quod extremum est. Mors ad te venit? timenda erat, si tecum esse posset. necesse est, aut non perveniat, aut pertranseat. Ep. 4.

Cum venerit dies ille, qui Mixtum hoc Divini Humanique secernat; Corpus hoc, ubi inveni, relinquam. ipse me Diis reddam. nec nunc sine illis sum, sed gravi terrenoque detineor. per has mortalis aevi moras, illi meliori vitae proluditur.