Poemata Machine-readable text Balde, Iacob SI Balde, Iacob SI XML version, markup prototype, December 1999 Markus Scholzmarkup Camena
http://www.uni-mannheim.de/mateo/camena/ bald4 baldepoemata4.html s001.html baldepoemata4.xml bald4/jpg html Koeln: Busaeus, 1660.

Regeln fuer die Texterfassung 03/2001

not necessary

 19 May 2002 Susanne Mussmann markup TEI header added, structural corrections, suggestions: add metric, mark content, spelling of words (bad quality), include speakers in tragedy CHOREA MORTUALIS SIVE LESSUS in Obitu AUGUSTISSIMAE IMPERATRICIS LEOPOLDINAE FERDIN. URBANAE, SERENISSIMORUM ARCHIDUCUM LEOPOLDI Com. Tyrol. et CLAUDIAE Medicae F. Caesari FERDINANDO III. Nuptae Anno M.DC.XLVIII. In Puerperio mortuae Anno M.DC.XLIX. VII. Augusti. Todten-Dantz: Oder Klaglied/ Gesungen/ nach dem klaglichen Hintritt/ Der Allerdurchleuchtigsten Kayserin Leopoldinae Ferdinandae Urbanae/ Weiland Leopoldi Erzherzogs zu Oesterreich/ Graff zu Tyrol/ etc. Und CLAUDIA Geborne GrossHertzogin zu Florenz/ allerliebsten Tochter: Dess unüberwindlichen Kaysers Ferdinandi III. etc. Einiahrige Gemahel/ So im Iahr 1649. zu Wien/ in der Kindelbeth gottselig verschiden ist/ Den 7. Tag Monate Augusti. DE SORTIS ET MORTIS IN HUMANAS RES IMPERIO: ARGUMENTUM.

Interfunebres taedas, ad modulatos UMBRARUM passus decantandum.

I. EHeu, quid Homines sumus! Vanescimus, sicuti fumus. Vana, vana Terrigenum Sors, Cuncta dissipat improba Mors, II. Exstincta est LEOPOLDINA: Frustra clamat a Lucina, Lacrymosa Puerperae Mors, Miseranda mulierum Sors! III. Hodie formosa, cras cinis: Nec est, alia Caesarum finis, Vide, quam sit instabilis Sora: Neque pareat Austriacis Mors. IV. Imperio clara Romano, Iam paret humata Summano, Dura nimis et aspera Sors, Seva, nimis et horrida Mors. V. Augustus Mensis Augustam Eripuit Piam et Iustam. Inimica Virtutibus Sors, Curat impia neminem Mors. VI. Cum falcibus ageret AEstas; Est et haec succisa Maiestas, Ah, Aristae purpureae Sors: Sic ne dira te messuit Mors! VII. Quo more vulgaris urtica, Iacet haec quoque regia Spica. Suo condidit horreo Mors. Brevi posuit angulo Sors. VIII. Ut Bulla defsuxit aquosa, Subsedit, ut vespere Rosa. Brevis omnis est Flosculi Sors, Rapit ungue celerrima Mors, IX. Quam manibus osseis tangit, Crystallinam Phialam frangit. O inepta et rustica Mors! O caduca Iuvenculae Sors! X. Ubi nunc decor ille genarum, Vbi formae miraculum rarum! Bina lumina subruit Mors. Caeca tenebras intulit Sors. XI. Ubi corporis bella figura! Ubi lactis ostrique mixtura! Leo effudit in cespitem Sors: Texit ostrum sandapila Mors. XII. Ubi rubra coralla sunt oris! Vbi retia, crines, amoris. Parcae rapuit forficem Sors: Scidit ista Caesariem Mors. XIII. Ubi cervix et manus eburna? Heu, funebri iacent in urna. Atra nives imminuit Sors, Colla pressit tam candida Mors. XIV. Quae pulcrior fuit Aurora. Hanc Caesaris Aula deplora, Vana species, lubrica Sors: Tetra facies, pallida Mors. XV. Non sola Vienna lugebit: Tyrolis uberius flebit, Ubi carior Patriae Sors; Et amarior Filiae Mors. XVI. Praecesserat Claudia Mater: Sed super est geminus Frater, Ferdinande, en flebilis Sors: Sigismunde, en lugubris Mors. XVII. Quis luctus, ah, erit Sorori! Isabella concupias mori. Ita nubere, dubia Sors: Ita parere, certa est Mors. XVIII. Ad Feminas vertimus ora, Quibus imminet citius hora: Vtque thalamos properat Sors, Ita tumulos properat Mors. XIX. Prima scilicet Genitrix Eva, Facta est praegnantibus saeva, Quia prole vel uterum Sors Vel exonerat anima Mors. XX. Quae vides has cunque choreas, Augebis et ipsa mox eas. Subitam movet aleam Sors, Certa rotat hastilia Mors. XXI. Huc prompta volensque ducetur: Capillis invita trahetur. Ducet inevitabilis Sors, Trahet inevitabilis Mors. XXII. Quod es, fuimus: sumus, quod eris, Praecessimus, tuque sequeris: Volat ante levissima Sors, Premit arcu vestigia Mors. XXIII. Nihil interest, pauper, an dives, Non amplius utique vives. Simul impulit clepsydram Sors, Vitae stamina lacerat Mors. XXIV. Habere nil iuvat argentum, Nil regna praetendere centum, Sceptra sarculis abigit Sors: Ridet albis haec dentibus Mors. XXV. Nihil interest, turpis an pulcra: Exspectant utramque sepulcra, Legit lappas et lilia Sors, Violasque cum carduis Mors. XXVI. Nec interest, vilis an culta, Trilustris, an maior adulta. Vere namque novissimo Sors Populatur et hyeme Mors. XXVII. Mors Iuvenes senibus aequat: Puellas et anus excaecat, Furit sine discrimine Mors, Manet eadem Principes Sors. XXVIII. Linquenda est Aula cum casa, Colligite singuli vasa. Iubet ire promiscua Sors, Ire cogit indomita Mors. XXIX. Ex mille non remanet unus, Mox omnes eritis funus Ite, ite: quo convocat Sors, Imus, imus, hoc imperat Mors. XXX. Ergo vale, o LEOPOLDINA, Nunc Umbra, sed olim Regina, Vale: tibi nil nocuit Sors, Vale, vale: nam profuit Mors. XXXI. Bella super et Suecica castra, Nubesque levaris et astra. Penetrare quo nequeat Sors: Multo minus attonita Mors. XXXII. Inde Mundi despiciens molem, Lunam pede calcas et solem. Dulce sonat ex aethere vox, Hyems transiit, occidit nox. XXXIII. Surge veni: quid Sponsa moraris? Veni digna coelestibus Aris. Imber abiit, moestaque Crux. Lucet, IO, perpetua LUX. FINIS.