Amphitheatrum Seriorum Iocorum: Libris XXX Epigrammatum constructum. Machine-readable text Barth, Caspar von Barth, Caspar von XML version, markup prototype, December 1999 Ruediger Niehlmarkup Camena
http://www.uni-mannheim.de/mateo/camena/ barth6 barthseriorum.html s001.html barthseriorum.xml barth6/jpg html Hannover: Biermann, 1613.

Regeln fuer die Texterfassung 03/2001

not necessary

 1 March 2006 Reinhard Gruhl markup text typed - structural tagging completed - no semantic tagging - no spell check except the preface and the dedication TARRAEI HEBI EPIGRAMMATUM LIBER XXVII. EPIG. I. Ad Lectorem. UNi scribimu,s omnibus minamur, Unus nam malus est, bonique mille. Sed tu sis bonus anmalus, videbis. Istinc quid iugules, probesve, dico. II. De Epigrammatis. AD summum series ab usque primo Est longissima taedioso amico, Est aptissima livido Legenti. Ille et quae bona, negligit probando, Iste et quae mala discutit notando. III. In Stoicos. VIvere quis lugere merum est, si risibus omnem Mactabunt orbem si lacrimis pereant. IV. De Notario. SCripto sufficit audiisse vestrum Pene tardius ista cogitamus. Dum nos quaerimus, iste verba pinxit. Optem tam cito posse me profari. Aure scribere si valeret, isto Scripturum puto tardius not antem. V. De eodem. TOrrentes linguae latices manus improba vincit, Fata notet, quae tum fiunt, dum Parca loquuta est. VI. In Ruffum et Statuam. RUffum si effigiem videre vultis, Ipsum Ruffum adeatis, in figura est. VII. In Lascivam. HUc illuc tremis illepido, Lasciva, tumultu, Inte stare queat nec, puto, Lampsacius. VIII. In Otrinium. ODisti nuptas, non quod sis castus, Otrini, Sed quod deceptas decipere adsoleas. IX. In Licinium. OPtima nox, inquis, tibi sit: si vera vovebis, Leno eris, o Licini; sed tibi furva bona est. X. In Popuntium. CRassus et exsanguis qua sis ratione, Popunti, Qua gravis es, dicat hoc tibi Stulticia, XI. In Glyceren. DUlcem se Glycere putat puellam, Lusco credat id Oppicus labello. XII. In Lippum. CAEcus es, et bellam duxisti, Lippe, puellam. In gremio sani sunt tibi, Lippe, oculi. XIII. Ad Lectorem. DIsticha delectant, delectis est opus illis, Mutua uti fiant delige, deinde lege. XIV. In Aufidiscam. UNa virgine gaudet Aufidisca, Illam diligit, omnibusque praefert, Peccem Grammaticae licet Magistris, Nonpeccabo tamen, scio, Poetis, Uno virgine gaudet Aufidisca. Quid nasum trahis, Orbili? iocamur Uno ut virgine gaudet Aufidisca. XV. De Henrico IV. EUropa luge, Christiana pars orbis Henricus obiit, hic tibi cano Lessum. XVI. Ad Cytherin. MImo nomine te cano, Cytheris, Gallum tu cave ne putes canentem, Germana tibi mentula minamur. XVII. In Scoppum. NAsoni novies Corinna paret, Laseivus novies parat Catullus, O saeclum magis aureum aureo omni! Hoc Scoppus putet ille cui Cytheres Est passerculus; ipse saecla dico Plusquam ferrea tum virum fuisse. XVIII. Zoili Epitaph. HInc taxique, et funereae, capita atra, Cupressi, Feralesque alii trunci oriantur ab hoc Marmore, funestum posuit quo Zoilus omen, Quo vitam adflavit dum fuit ipse, hominum. XIX. Lacteolae. IStic Lacteola est sepulta pusa, Vero nomine, nominisque vero Verax omine, candida est puella. Hinc pallet Rosa, nigricat Ligustrum, Flent ferrugineo nives colore, Lac pro purpureo nitore furvum est, Pulla est lux eboris, nigrumque marmor, Nigris lilia vestibus teguntur, Atrescunt cycnus, anseresque Ledae, Argenti color aereus videtur, Ex quo Lacteola est sepulta pusa, Causam quaeritis impii sepulcri? Lactis Lacteola Priapiani Adesiderio nitente caesa est. XX. ScoppI. GAudete vivi, mortuus perit livor, ScoppI sepulcrum vulturis facit venter. XXI. BonarscI. QUi dudum, sine morte, suo de Poste pependit, Quo fulcit foedis structa theatra lupis. Uncum ultro petiit, fessus pendere, Bonarscus; Sic homini obsceno est mors fera saepe lucrum. XXII. Sangae. SAngae prostibulum est in hoc sepulcro, Casti omnes fugite, heic quoque ille cevet. XXIII. Bavii. HEic miser exsucca Bavius sitit et famet umbra, Invita manes morte suos patitur. XXIV. Orbilii. URite flagra, nates exornent pilea, marmor Marmorei corpus molliit Orbilii. XXV. Stoici. DEcidit e caelo Lapis hic, compesce dolabram, Divinus magis est quo magis iste riget. XXVI. Cynici. LAtrando Cynicus viam peregit, Furum tu in numeros canem recense. XXVII. Academici. VIvere dum dubitat Academicus interit; illum Ne sepeli, dubitat mortuus interitum. XXVIII. Socratici. ARgute cupidus sophisticari, Quaere istum lapidem, dabit duellum. XXIX. Epicuraei. QUid sim, quid fuerim, vide: deinde De summo dubita Bono, Voluptas. XXX. Astrologi. PEndebam caelo, subduxit destina terram, Astra tamen nostri sunt rea facta rogi. XXXI. Geometrae. DUm speculor, mentisque inquiro pabula diae, Corporis invidit me mihi pauperies. XXXII. Musici. HArmoniae sobolem uraniam appello genitricem, Auribus atra, caret Mors, ideo taceo. XXXIII. Arithmetici. INnumeros numeros signantem in pulvere docto, Eripuit puctum me innumeris numeris. XXXIV. Dialectici. NEctenti tela invisa, ut quondam acris Arachnae, Mors sine Palladia non mihi fugit ope. XXXV. Rhetoris. APta quid exemplo verborum structa catena est? Rhetoris heic posuit mors sine mente animam. XXXVI. Grammatici. LItterulas docuit multo cum pulveris haustu, Vivus er at pulvis, mortuus ecce lutum est. XXXVII. Poetae. FIngere si facto est res proxima, die Poeta, Cur veram mortem non imitando, negas? XXXVIII. Priapi. TEnta terribilis Deus bipenni, Istic calfacit e rogo puellas. XXXIX. Furis. PEnderem, mihi fata si dedissent, Nunc Fortuna dedit sepulcrum, in hoc sum. XL. Alchymistae. REm sepelire igni Chymicum sit; vendere fumos, Quod didici dum rem prodigo; morticinum est. XLI. Medici. RIxatur cum morte furens in corpore vita, Ut tollat morbum, sustulit Hippocratem. XLII. Iureconsulti. VErterunt mentem verso mihi corpore, iura; Iurisconstultum dicere vulgus habet. XLIII. Equitis. NOn glomerat gressum, nec equum calcaribus urget, Qui iacet in tumulo hoc Trossulus; ergo perIt. XLIV. Militis. ATergo venit mors improba, fronte sequentem Quae fugit toties, nunc mea facta negat. XLV. Rustici. QUottidie mihi qui, terr am vertendo, sepulcra Feci, in eorum uno tamdem aliquando cubo. XLVI. Parasiti. VIx humus haec nostra est, sit vel Stygis illa Dynastae, Ut cedat nobis cogam Erebum Salibus. XLVII. Ebriosi. HOram unam potare mihi clausa ora negarunt, Nunc videor vere disperiisse mihi. XLVIII. Edacis. CUncta gulae debens, nisi sit gula condita mecum, Glutissem mortem; nunc quoque clamat: Edis? XLIX. Critici. BLattam, mors, sibi visa dum necare est, Clamat Grammaticus perire. Verum est. L. Notarii. SCivit, dicere quae, Patrone, velles: Chaldaeum puta in hoc latere saxe. LI. Patroni. VEndita duxerunt sub fato carmina noxas, Argentum mortis scit num er are Furor. LII. Amatoris. DIffluxit vivus liquido, puer acer, Amore, Adspectus Parcarum exanimavit eum. LIII. Fossoris metallici. HAbitavit Orcum semper, iste dum vixit, Domesticum recepit in domum Plute. LIV. Nautae. MOrtem, dum vixi, sum per vada salsa secutus; In portu moriens navigo, vita fretum est. LV. Aurigae. NOn audit currus Veneti vincentis habenas, Ad mortem pleno sic pede vita volat. LVI. Cycni. ANte obitum me deflevi mihi, parcite vates, Sic obit e vobis qui modo rite sapit. LVII. Coniugis litigiosi. ALtercabimur, ut putent beatos, At, coniux, ego te prior perivi. LVIII. Respondet illa. ALtercari ego nolo tecum: ab urna Vitae semina rixa dat recentis. LIX. Podagrici. CUm manibus pedibusque meis sine fine duelle Exhausi, mortem vel pede currit egens. LX. Scholastici. DUm disputat Scholasticus perit; recte Nec ne, videbit, non inultum habebit mors. LXI. Sani. SI pereunt sani, nil aegrotare nocebit; Demum hoc pacto non est homicida medens. LXII. Adulteri. PErmolere uxores non destitit hic alienas, Iumento accersIt sic sibi fata suo. LXIII. Caeci. INterii cum oculis; hominis ne busta putetis, Hic hominis posuit relliquias Lachesis. LXIV. Surdi. ME miserum! audivi numquam; vixisse putabo Ne me audire istic barbara fata pelint. LXV. Mollis. ILlecebris caret, ut memini me audire, senectus, Ne videam, illecebris intereo iuvenis. LXVI. Formosi et fastosi. CUnctae ambiverunt, exambivere puellae Tres me; cum nulla malim ego concubitum. LXVII. Formosi et facilis. NUlli dum nego, me negare cogunt Non omnes; modo tres puto puellae. LXVIII. Formosae. FOrmosarum omnium virgo lepidissima forma Heic iacet, ipsa istic Forma iacere putat. LXIX. Fastuosae. OCcidas sino, non fruare, Amator. Mecum tu quoque, scilicet, peribis! LXX. Facilis. SUmas quod dare gestio, vel istic Ut dans inteream, negare nolo. LXXI. Muti. MUtus cum loquor, interisse credo, Dixissem, Sequeris, tibi: nequivi. LXXII. Gloriosi. NOn gloriabor, sed tibi credam unicum: Praestantior me nullus Elysium colit. LXXIII. Timidi. DEfunctus rubet hic: Pallebat vivus. Utroque Frigore cum rigeat, cedit mors ipsa timori. LXXIV. Audacis. FUlmen perpetuum est in hoc sepulcro: Functum commoveas cave; Excitabis. LXXV. Litigiosi. COnductis opus auribus putassis, Miratur tumulus tacere captum. LXXVI. Placidi. OMnia sedavit qui proelia voce sequestra, Omnia commovit cum semel interiit. LXXVII. Meretricis. HEic urbanus ager; communis fossa iuventae In parvo, (mirum,) grande foramen habet. LXXVIII: Coci. QUi lingua dominigulam tenebat, Exstinxit dominigulam tacendo. LXXIX. Invidi. FOrtuna invidus occidit beata Atque illac aliena, in hac sepultust. LXXX. Infidi. OPtarunt omnes infido credere mortem, Nemo illi vivo credere quid voluit. LXXXI. Mendacis. MEndacem iuvat esse iam sepultum, Iurarit tamen interesse vivos. LXXXII. Longaevi. OCcidendo fides facienda erat huic quoque morti, Vivendo exstinxit pene necem superans. LXXXIII. Iuvenis. ANte diem nemo periit. Cum forfice plena Iam secuit Lachesis nascitur illa dies. LXXXIV. Pueri. LAudabis bene multa me minatum, Fecissem, puto: sed iuvat minari. LXXXV. Infantis. QUid dicis? taceo, rogoque, Lector; Nasci pene fuit meum perire. LXXXVI. Monachi. ELegi mundum, mundum dum spernere dico, Spernere me dicit Daemon, habere probat. LXXXVII. Monialis. QUod nequeo servare, ut possim saepe patrare Eiuro. Dolus est ex pereunte doio. LXXXVIII. Clerici. PRo populo precor, at pro me mihi pecco. Beatos Efficio multos, solus ut inteream. LXXXIX. Paenitentiarii. IMpono mulctas populo, sed me ipse reservo, Mulctarum populo mulcta suprema fui. XC. Architecti. DOctas dum exstruo domos, ego ipse Et tecto carui, et cubili in illis. XCI. Prophetae. NUsquam est patria quem probet, Propheta, Nusquam Patria non fuit Prophetae. XCII. Mimi. LUsi duplice, ceu Posta, mimo, Vivendoque et agendo; nunc probabor. XCIII. Diutis. NIl nummi mihi non fuere; nummis Nil contra ipse fui: modo alter omne est. XCIV. Pauperis. STrenue egere hominem viventis maxima laus est, Quippe mori malunt quam facere hoc homines. XCV. Patientis. NIl non devicigenerosus, cuncta ferendo, Fortunae moriens viva tropaea gero. XLVI. Anus. DE me nemo queri quit occidente, Vivens omne odium meum peregi. XCVII. Libri. INfelix liber, a malo evolutus, Mor tes quottidie quot interibis! XCVIIII. Lectoris. LEctori tumulum malo sacrabo, Libro funditus in bono peribit.