Poemata selectiora. Machine-readable text Buchner, August Buchner XML version, markup prototype, December 1999 Sandra Ehmmarkup Camena
http://www.uni-mannheim.de/mateo/camena/ buchner1 buchner.html buch001.jpg buchner.xml buchner1/jpg html Dresden:M. G. Hübner

Regeln fuer die Texterfassung 03/2001

not necessary

 26 June 2001 Susanne Mussmann markup line tags AUGUSTI BUCHNERI XIII. PROPEMPTICA I. Ann. 1646. Iun. II. JOH. HÜLSEMANNO, D.Theo.WittenbergaLipsiam demigraturo, SCAZON. Ssertor acer veritatis aeternae Vatesque magnus, quem beatior proles Veteris Cayci, Frisii incluti, haud tantum, Cunabula quibus atque originem debet; Et noster Albis, primo ab usque quam fonte Diffusus undis caerulum agmen evolvit, Et Thetyn intrat, omnis et canit Saxo, Sed Sarmata ipse, frigorique damnata Miratur Arctos praedicatque, qua nostra est; Ille HÜLSEMANNUS, illud aureum caeli Rarumque pignus commodo additum terris, Quantum Camenis Albimontii nostri, Tot nunc per annos lumen et iubar praesens (Seu de cathedra docta funderet dicta, Et eruditae fingeret animos pubis; Pro concione sive verba quot sparsit, Tot mellea Siren, sed innoxia, undaret; Tot acria idem tela, totque ballistas In pervicacis corda mitteret turbae) Huc usque Solis in novi modum finxit, Et quemque nostrum rapuit ac sibi iunxit Inusitata comitate devinctum; Tantum doloris idem et asperae noctis Luctusque acerbi, gaudii loco, linquit Nostro revulsus ac remotus amplexu, Trahens Senatus et Patrum decus secum, Fulcrumque nobile, nostra quo stetit fama Innixa magna ex parte (quaalis invicto Fundata saxo turris eminet moles, Et omne ventis obicit latus tutum.) Quiesce fatis, quae mobere nequicquam, Et vertere retro postules, reluctari Qui tendat, hic lacesset et fatigabit Se pessime ipsum, et ni remittat, evertet: Quiesce fatis, Leucori, et recordare, Quos tot per annos hactenus tibi fructus Sinu uberante, tum pia manu sparsit. Hos tibi procella nulla temporis tollet, Vis nulla casus: quodque Lipsiae porro Cedet bonorum gloriaeque commune Omne HÜLSEMANNUS faciet inter utramque: Te, quia dedisti; et alteram, quod accepit: Soror, sorori si quid invidet, peccat. II. Ann. 1647. Cum Sereniss. Principes, CHRISTIANUS V. Electus Dan. et Norv.heredit. Princeps, Eiusdemque Coniux MAGDAL. SIBYLLASaxon.Wittenberga in Egranas Acidulas et Thermas Carolinas proficiscerentur, Ad easdem Egr.Acid. et Carol. Thermas, SCAZON. FOntes Egrani, vosque Caesaris Thermae, Queis saepe duri contumax furor morbi, Et victa cessit membra lancinans pestis, Variaeque febres, debilisque Chiragra, Et segnis hydrops, calculusque no segnis, Aut alia si quae viscera perimit tabes, Dulcemque saeva corpori rapit florem; Sic larga vobis semper uberet vena Aquae perennis, nec suas aquae vires Defecta tellus spiritu salutari, Medicisque succis, quos latentis infecit Semen metalli, aut liquida sulphuris flamma, Maligniusve denegaverit sidus; Sed copiam potentis auxili undantem Sufficiat usque non humus modo mater, Sed omnia animans masculus vigor caeli: Ut nulla lympha plus opis ferat fessis Aegrisque membris, quam relapsa de vestro Quae fonte manat cura inempta languenti; Non ad Lucrini stagna nobiles Baiae, Non Sextianae, quaeque balnea exsudant, Ubi foliis ventura fata perscripsit Insana Vates; fama quin minor vobis Aponi feratur, saeculis licet priscis Tot gentium illum studia, tot licet laudes Fecere morbis numem omnibus praesens: Quod Dania ingens, prisca regna Cimbrorum, Et aestuosa Balthici marisTethys, Vobis verendum pignus, o piae, credunt, Accipite, nymphae, totque gentium vota, Tot maximorum vota Principum ac Regnum, Servate in uno, valetudinis quassae Qui nunc medelam a fontibus petit vestris Longe profectus: recreate non firmum, Novumque robur vividae iuventutis Laetasque vires irrigate languenti; Ut ante paulo qui imbecillus ac aeger, Gravisque venerat; integer, valens, firmus Vestris recedat fontibus, piae nymphae; Vobisque, Carolinae, iure saeclorum Ventura series regium asserat nomen, Quibus salutem suam debeant Reges. III. Ann. 1649. Ad Nobiliss. Iuvenem. LUCAM de LINDA, Prussum, discedentem I, repete felix patriam, cuius bono, LINDANE, natus, quasque Leucoris pia Tibi cumulavit oppido pulchras opes, Augere perge. Nec te, ut auguror, sinet Quiescere umquam mentis igneus vigor, Patruusque magnus, totque familiae tuae Ingentia decora laude non una domi Forisque parta. Quae sequentem strenue, Sive Itala tellus, (quae vocat) seu Galliae Illustre regnum te videbit hospitem, Comitabor animo semper, et voto sequar, Virtutis aeque fautor ac praeco tuae. IV. Ann. 1654. M.Mart. EBERH. MÜLLERO, Reval.Livono, Collegii Philos. in Acad.Wittenb. Adiuncto, Cum peregrinaturus discederet, SCAZON. MUndus theatrum est: optime hic agit partes Mundi peritus, et suae sciens scenae, Tum fabulae omnis, cuius ipse pars certa, Quod, abire peraegre, nosse et exteros mores, Ut omnium peritus optima excerpas, Et, quod salubre noxiumve sit, discas, Quando unice expromittit: eia, MÜLLERE, Secundiore fretus alite i felix, Et post AthenasAlbidosque,Plissaeque, Nec non, bicornis unda quas lavat Rheni, I, rite Belgas, Italosque, Gallosque, (Forsan Britannos et lubebit haud linqui) Et quicquid illic cultioris est Musae, Sapientiaeque, sequere, collige et conde, In morem apis modumque, grata quae mella Labore multo stipat uvidas circum Vagata ripas, aut amoena pratorum, Qua thymbrae olentis, qua thymi nemus floret: Hinc repete patrios prosper, opto, Livonos, Multaque inunda Revalin tuam fruge, Civis decorus utilisque, nec vanus Prudentiae civilis et Sacrae Vates.