RUDOLPHOTTOCARUS: AUSTRIACA TRAGOEDIA NOVA: RUDOLPHI HABSBURGI SAECULUM ET RES GESTAS continens: adiunctis notis historicis. RUDOLPHIDOS LIBER: RES AUSTRIADUM A RUDOLPHO I. AD II. USQUE nostrum: pictura Streinofreidekiana subiciens. AUCTORE GEORGIO CALAMINO Silesio. ANNO MDXCIV.

 s010 HTML-Text

ARGUMENTUM Tragoediae.

ARG. Totius imperii sub interregno diuturno miseria, sublato Friderico II Caesare. Austriae status muliebri sub regno funestus, Caeso Friderico duce ultimo. Ottocari Bohemi Austriam ac Styriam occupantis fraus ac tyrannis. Bella Rudolphi Caesaris duo, Austriam et alia imperio requirentis.

ARG. Austriae proceres Ottocarum foventes: Caesari fidem servantes. Ottocari vis heredibus exclusis Austriam et Styriam prementis. nuptiae cum Margareta Austriaca: adulteria: nothi: divortium: sceleratae nuptiae. Accusati regis contumacia. Rudolphi bellum: pacificatio: affinitas mutua: Ottocari iuramentum. Dominandi libido, empta Carinthia cum ei coniunctis. Aliquae regis virtutes.

ARG. Res Rudolphi gestae acceptis imperii fascibus. Praeclara Ottocari facinora et tropaea; aliquo etiam Rudolphi adminiculo parta. Austriae status ante et post Fridericum primum Caesarem ad Rudolphi usque imperium.

ARG. Miserum sine capite regnum: intestina dissidia proprii mali faber. Votum de unico Rudolphi praesidio.

ARG. Reginae de iuramento Caesari praestito debacchantis cum Ottocaro expostulatio. Qualiscumque regis purgatio. De reparando bello consilia.

ARG. Ottocari severa cum regni Camerario expostulatio. In imperatorem odia, et persecutiones. Regis confidentia. Variae quondam Bohemiae per Polonos et imperatorum bella afflictiones. Aulicorum exauctoratio.

ARG. Rescissa mutuae affinitatis foedera. Vita monialis grave virgini iugum. Filia in monasterium detrusa. Similium exemplorum expositio.

ARG. Femina infandorum malorum toto in regno auctor. Muliebris imperii ac animi in viro uxorio detestatio.

ARG. In rege pertinax Caesaris contemptus. Bernhardi in comitiis periculum. Honesta eius suasa. Congrua septemvirorum electo Rudolpho suffragia: eo coronato miracula: de capessendo huius imperio praesagia. Ottocaria Primislao: Rudolphi ab Austrasiae et Galliae regibus: vel ab ipso Franco descendentis collatio. Multa utriusque familiae; et Habsburgensi praesertim sanguinis memorabilia. Habsburgorum ex occidentali Austria in orientalem transitus, propagatio, et maiestas.

ARG. Feminarum potentia. Regni Bohemici insignia. De Ottocaro perituro praesagia. Caesaris contumeliosus in Ottocaro contemptus. Misera dominantium conditio. Praepostera mulierum regnandi cupidarum ratio. Lybussae ac Valassae imperia. Romani im perii aquila muliebri sub dominio biceps facta.

ARG. Gentium Ottocaro militantium enumeratio. Reginae ad persequendum bellum et supprimendum Caesarem stimuli. Regis sinistra ominantis ac reginae valedictio.

ARG. Austriacae Marchae fecunditas: vineta, croceta, montes frugiferi: pascua: flumina: lacus undecim, salinae, ferri fodinae, et alia commoda. Eadem Romanae legionis olim versus hostes statio. Ducalem ad dignitatem regiis Fridericorum imperatorum privilegiis exaltatio et eminentia. Varia sub ultimo duce bella: heroica eiusdem gesta: caedes denique Austriacis etiam funesta.

ARG. Rudolphi imperium in afflictum totius orbis statum incidens. Terrae sanctae miseria: veterum imperatorum ac principum in ea defendenda pietas. Domestica Germanici imperii mala: bellum episcopale. Provocata Rudolphi versus Ottocarum expeditio. Militum ab Imperatore per Regem seductio. Bohemi in Bavaros grassationes.

ARG. Caesari suppetias ferentium catalogus et vires. Iuliaci Ducis caedes. Ottocari post iuramentum in Austriam grassatio. Regionum Rudolpho iuratorum fides.

ARG. Bella Rudolphi sex domi ante sui electionem feliciter gesta. Fortitudinis laus ab ipsis hostibus ei data. Divinae gloriae et patriae fovendae ardor in Caesare.

ARG. Hungari auxilia Rudolpho adducta. Ottocari iniuriae Hungaris illatae. Tartarorum in Hungaros continua per triennium crudelitas: in Polonos etiam ac Silesios immanitas. Foederis inter Rudolphum et Ladislaum renovatio.

ARG. Portentorum passim visorum enumeratio. Nova Tartarorum in Poloniam ac Silesiam irruptio. Austria ab iis olim intacta: Ottocari vero iam praeda.

ARG. Ottocari et Rudolphi castra. Caesi ab Hungaris Bohemici. Capitibus resectis, et captivis allatis felix futuri proelii auspicium.

ARG. Copiarum utrinque dispositio. Regiorum sex in turmas: Caesareanorum quatuor in ordines distributio. Singulorum duces. Utriusque exercitus vexilla. Rudolphi solo in Deo fiducia ac pietas. Votivum Deo templum parta victoria struendum.

ARG. Caesaris de leonis et aquilae pugna somnium: eius ominosa et minax Ottocaro interpretatio. Regina sero resipiscens.

AGR. Alia somnia quatuor, Ottocaro necem Portendentia.

AGR. Proelii locus. Equites aurati a Caesare creati. Symbola militaria. Anceps pugna. Austriacorum vexillum Haslovio decidens seni: a Lichtensteinio rursus elevatum. Caesareanorum periculum. Rudolphus opem a Deo precatur. Equus sub Rudolpho caesus: Caesar in terra iacens alium in equum sublevatus. Caesareanorum stratagema. Turbatus Ottocari exercitus. Milotus regem deserens. Ottocarus cum quatuor sociis fugiens. Caesi Bohemici: capti: in fugam acti: fuga erepti: Ottocarus a duobus insequentibus ex vindicta caesus: inflictis octodecim volneribus nudus repertus: Laam delatus. Rudolphus Ottocari necem deplorans caesores suo conspectu arcens. Dies proelii. Bohemorum strages quanta. Iusta denique Dei vindicta.

RUDOLPHIDOS LIBER: RES AUSTRIADUM A RUDOLPHO I. AD II. USQUE NOSTRUM: pictura Streinofreidekiana subiciens. GEORGIO CALAMINO Silesio Auctore. s141 HTML-Text