March 2004 Ruediger Niehl
new TEI header; typed text - structural tagging complete - no semantic tagging - no spell check. Please note that texts from this anthology do not provide reliable copies of the original editions.

HENRICI DECIMATORIS GIFFHORNENSIS

Nuptiis Ludolphi Bolschenii.

DVm novus optato sociatur foedere sponsae
Sponsus, in Aonio fama celebris agro.
Dum nova legitimo sociatur foedere sponso
Sponsa, puellari splendida gemma choro:
Sic bonus ô felix novis Deus optime sponsis,
Optima da fausto quaeque tenore cadant.
Mutua da iungat mentes concordia: turbet
Nulla querela domum, nulla querela torum.
Sponsa suum venerans adamet fidissima sponsum,


page 1081

Et Sponsus sponsae flagret amore suae.
Plurima depromat socialis germina lectus,
Grata futura solo, grata futura polo.

Nuptiis Ioann. Mulleri.

Dulcia dum socii praeclarus foedera lecti
Sponsus init, patriae splendida fama suae.
Dum placido sua colla iugo pulcherrima subdit
Sponsa, puellaris gemma decusque chori.
Iunge Deus dextras, animos Deus optime iunge.
Ne rixae possit forsitan esse locus.
Sed stabi is potius regnet concordia, quo sit
Velle duobus idem, nolle duobus idem.
Tristia quaeque fuga: resonent da Caelicolum Rex,
Gaudia mille domo gaudia mille toro.

Ad tumulum Phil. Melanchtonis.

Haec apis ex vario dum legit germine flores,
Ah misere a fucis undique laesa fuit.
Sancte Philippe vale: tua floreat urna rosetis:
Stercora sint fucis; sancte Philippe vale.

Decus et fortuna poetatum.

Vivus erit, vitam quamvis exhalat in auras,
Cui facilis numeros dictat Apollo suos.
Vivet Moeonides, celebris Maro carmine vivet
Dum Padus exonerans in mare voluet aquas.
Qui petis aeternae praeconia splendida famae,
Apta scias metricis iungere verba modis.
Carmine vivus eris; nihil est, cumulasse caducas
Divitias, nihil est: carmine vivus eris.

Amice ut hirundines

Aspicis, ut tepidi praenumia veris hirundo,
Teutonicae rediens gaudeat usque plagae,
Cum tepeta Zephiris dulcis spirantibus aer,
Blandque cum nitidi tempora veris eunt.
Ast ubi iam redeunt glacialis frigore brumae,
Occiduum repetit frigore pulsa fretum.


page 1082, image: delb1082

Sic ubi respiciet laeto te candida vultu
Sors cua sincero curret et axe rota,
Adiunctos multos tibi dinumerabis amicos:
Ad latus incedet magna caterua tuum.
Ast ubi praetexunt hiberni sidera Cori,
Et caelum piceis nubibus omne latet;
Nullus erit tristem qui consoletur amicum,
Qui lapsum relevet nullus amicus erit.

Temporis celeritas.

Tempora ceu fluctus numquam revolubilis undae
Praecipiti cursu non reditura, ruunt

Studiosa iuventuti.

Disce puer, volucri tempus fugit ocius Euro:
Disce, subit tacito lassa senecta pede.

Henrico Fabro.

En Aurora polo rubente primum
Henrici radians diem reducit.
Haec quid vincla velint, necesse sane
Non ulla reor explicatione,
Ponantur modo blanda dona Bacchi;
Soluuntur quia vincla missa vino.
Vivamus: sinuat nec ipse semper
Arcus, insidians feris Apollo.

Musica.

Musica blanda monet mortali sanguine natos;
Et superos ipsos Musica blanda movet.


page 1213