DIsce novos doceat quid nam Rosa florida sponsos;
Pulchrior ô roseis pulchra Rosina rosis.
Regina est florum Rosa: taedae ante omnia regnant,
Primus hic est louâ sic statuente status.
Armat spina Rosas: et habent connubia spinas,
Exercet quoties crux inimica torum
Utque propinqua Rosis urtica innascitur agris:
Sic mala mixta bonis fert socialis Hymen.
Mane Rosae florent, sed sero vespere languent;
Et forma est fragilis, fit minor inque dies.
Est pulchrum spectare Rosas ex ordine textas.
Ex omni nitidum eingere parte capur.
Pulchrius est spectare suos ex ordine natos,
Exque omni plenam cingere parte domum.
Obscoenam abstergit facie Rosa perlita lepram;
Tam foedos morbos una medela fugat.
Coniugium impurae medicina libidinis una est:
Ureris? uxorem ducito; tutus eris.
Iamne Rosina, Rosae dedicisti in imagine taedas?
Pulchrior ô roseis pulchra Rofina rosis.
Fane cui in thalamum iam tertia ducitur uxor,
Iane cui numerus gaudet adesse triplex.
Sit mihi fas arca de triplice quaerere, triplex
Quando tibi vinclum pronuba Iuno ligat.
Dic mihi sint quales, quas sa cra volumina ponunt,
Tres arcae: vates et mihi magnus eris.
Signa tibi dicam tu cetera collige mente:
Collige sunt sacris haec tibi lecta libris.
Lignea prima fuit, fuit altera structa metallo
E nitido, neutrum, res nova tertia erat.
Octo prior tria posterior ceimelia servat,
Unum sed maius tertia condit onus.
Primam aequor vexit, tulit at sacer ordo secundam,
Vector postremae spiritus almus erat.
Dic iam sponse mihi, non sunt in debita taedis
Talia dic quonam nomine quamque notes.
Sic tibi perpetuo se claudant obirce lani,
Iane, sores thalamo et pax tibi sera cubet.
Sic blando adspiciat te triplex gratia vultu;
Numine sic triplici te Deus usque iuvet.
Sic tria perpetuo in clypeo tibi illia vernent,
Lilia non ullo marcida facta die.
Quam Cleopatra sua quondam suspendit ab aure
Margarin, eximii nominis usque fuit.
Non illi similis pretio fuit altera gemma,
Quotquot habet Ganges, quotquot et indus habet.
Hac Cleopatra, parans convivia regia, vicit
Antonli luxum magnifi casque dapes.
Namque liquefactam tristi dum sorbet aceto,
Visa est mille dapes exsuperare Ducis.
Iudicio Planci pretiosior haustus aceti,
Quam tota Antonii mensa superba fuit.
Margarides aliis placeant, Indique lapilli;
Sponse tibi ante alras Margaris illa placet,
Quam tibi nunc mystes sacram despondet ad aram,
Et propriam Divum munere habere iubet.
Haec tibi non solum grata pendebit ab aure,
Suavibus admiscens mellea verba io cis:
Sed torquem faciet, collum complexa mariti,
Mille hederam vincens nexibus una suis.
Quod si etiam potum tibi propinabit amarum,
Et crux se vestro iunxerit arra toro:
Vinces, cen vicit poto Cleopatra liquore,
Fortiter exsorbens si patiare malum.
Hoc thalami sors est; melli fel semper adhaeret.
Dulcis amor numquam fugit amariciem
Care mihi, Melior, sate sub melioribus astris,
Quo non est melior candidiorque mihi:
Sit tibi coniugium coeptum melioribus annis,
Et faustum et felix a meliore Deo.
Inque dies semper melioribus utere fatis,
Dum vita Christus re meliore beet.
Hoc tibi fert votum Mylius, cui nullus in orbe
O Melior, melior notus amicus erat.
Sacra de lauru nomen Laurentius atque
Weidmannus pasto de grege nomen habet.
Utrumque impluit Laureus Weidmannus, utrumque
Disponente Deo nomen in omen iit.
In terris verbo nam Christi pavit ovile;
In caelo parta est Laurea digna viro.
Cedite ves vates, in quorum vertice nexa
Terrenis manibus laurea serta nitent.
In caeli, nullo pastores marcida seclo
Nexa Dei manibus laurea serta gerunt.
Sidera, Sponse, vagi scrutari desine caeli:
Vis caelum? caelum iam tua sponsa tibi est.
Nosse cupis Phoebique vias Phoebesque sororis:
Intuitor sponsam candide sponse tuam.
Illa oculis geminis semperque sequacibus errat.
Quo tu cumque tuos fersque refersque pedes.
Luciferi si te delectat amabile sidus;
Intuitor sponsam candide sponse tuam.
Moribus et virtute pia supereminet una
Luc feri vultus, Hesperiumque inbar.
Cernere vis gemiocs, caelestia sidera, fratres?
Intuior sponsam, candide sponse tuam.
Pectore turgidulo fratrantes namque gemellos
Servat amans uni molliculasque genas
Quid moror? in sponsam totus se fudit Olympus,
Hanc cerne, et cernes sidera cuncta poli.
Martius est violis fetus: tibi Martius idem
Vitales auras et dedit et rapuit.
Quam pulchrum est, et quam tantis virtutibus aptum,
Et nasci in violis, in violisque mori.
Ex limo fabricans mortalia membra Prometheus,
Pro lympha lacrimis imbuit auctor opus.
Ne quaeras la crimis cur sint mortalia plena;
Qua constant homines lacrima ftillat adhuc.
Auspiciis exstructa Ducum sacra atria templi
Illustres vitreus qua lavat Ola domos,
Anna Maria tibi primas baptismatis undas,
Et rursum praebent prima sepulchra tibi.
Ceu tua vita fuit nova et expers criminis acti;
Sic decuit puro marmore membra tegi.
Sed velut est dubium an Phaethontide condita gutta
Musca, decus gemmae sit, lapis anne ferae:
Sic dubium est, num se servato funere iactent
Templa magis, templis anne sepulchra magis.
Hoc certum est, alia domus haud magis hospite gaudet:
Haudque alia melius mortua dormit humo.
Regali sese iactet Cleopatra sepulchro;
Anna Maria loco nobiliore cubat.
Sunt duo quae duo sunt, et sunt duo quae duo non sunt;
Dixit quis veterum, thalami de sorte locutus.
Bina unum fiunt, si sit con cordia sponsis.
Contra unum duo sunt, si sit discordia sponsis.
Et vos este unum corde, ô par nobile, sponsi:
Ipse unus Deus est: unus sol omnia lustrans:
Una est quae reparat seque ipsa resemina: ales:
Una fides, unus baptismus spiritus unus.
Quod si vos numerus delectat in ordine mior,
Sit Trias inter vos, quam septimus asserat imber.
Haec est illa Trias. quam mater gestat in ulnis,
Quam pater amplexu fovet et quae vincula firmat
Coniugii aeternis non dissoluen da diebus.
Quam bene picturis expressit docta vetustas,
Quae veniant sacra pace profecta bona?
Stat Pax effulgens auro rutilantibus alis,
Pax pia, qua fasces, ara, socusque vigent,
Haec cordi appressum, gremio gestarque fovetque
Plutonem, largas qui dare fertur opes.
Attende, ô sponse, et tu formosissima sponsa:
Pax Plurona gerit, pax pia portat opes,
Et vobis seu pax fuerit, seu proelia gliscant,
Quod speretis erit. quod metuatis erit.
Dum bellum totus crepat orbis; tu quoque bellum,
Sed bellum innocuum bellule sponse paras.
Bella ea sunt, sponsam quibus optas vincere amore;
Bella quibus superes taedia mille tori.
Bella quibus Iovae placeatis moribus ambo:
Beila quibus merces vita perennis erit.
O maneant inter vos haec tam prospera bella,
Bellaque digna toro, bellaque digna polo.
Ceu gemit ingenti victrix sub pondere palma;
Ceu submersuris uter perfunditur undis:
Nec tamen ingenti sub pondera palma fatiscit,
Nec tamen infida submergitur uter ab unda:
Vincit aquas uter, vincit trabs palmea molem?
Sic remor ipse quidem, sed non tamen opprimor: in spc
Auxilioque Dei inihi stat victoria cuncta.
Urbs qua nostra dedit Peucero nocte quietem,
Insolitum tellus Gorliciana tremit
Vis causam rari et mirandi nosse tremoris?
Hospite Peucero gestiit illa suo.
Teutonibus Maria est Iamar, vox plena doîoris:
Hebraeis tristem signat amaritiem.
Hanc Marioam mystes quoniam tibi iungit ad aram;
Te thalami aeramna; ducere, sponse, puta.
Omni coniugio, quantumuis adfluat illud
Deliciis, Mariae tristis amaror inest.
Ante diem Trivias didicisti haud segniter artes:
A ludis remeas doctior ante diem.
Ante diem commissa tibi formanda iuventas:
Ipse chori rector factus esante diem.
Ante diem in thalamum culta est tibi ducta puella:
Atque urbis membrum census es ante diem.
Ante diem legeris pars commemoranda Senatus:
Scabini officio fungeris ante diem.
Ante diem quia cuncta tibi decurrerit aetas;
Nunc quoque mors properans te rapit ante diem.
O vere ante diem! quae tum fatlia rumpit
Stamina, quando rui maximus usus erat.
Taedas quae faciunt beatiores
Sponse ô inclite Friderice, sunt haec:
Sponsorum pietas precumque feruor;
Crux notum subiens subinde limen:
Quae situs vigili cibus labore:
Ardor mutuos a sacra profectus
Aura bona ligans amica corda.
Lis numquam thalamum pium fatigans,
Idem sorte in utraque velle nolle.
Mariti imperium ferens marita;
Maritae imperium ferens maritus.
Defendens sociam tori maritus:
Praestans auxilium viro marita
Uxor quae faciat virum parentem:
Nati qui positas dapes coronent,
Ceu vitis latus aedium coronat,
Ceu pingues oleae nemus coronant.
Haec sunt inclite sponse Friderice;
Quae taedas faciunt beatiores.
Iudaeos sponsis, cum pocula prima bibere,
Vitra allisa solo frangere moris erat.
Scilicet ut sponsus reputans vas debile sponsae,
Tractaret cauta vitrea vasa manu.
Tale tibi vitrum ad sanctam committitur aram,
Aemule virtutum patris avique tui.
Depositum sancte serva, vitreamque maritam
Gesta, qui gestas vitreus ipse vitrum.
Ne iacta, Viteberga, tuum sine fine poetam:
Est etiam nobis nomine reque Maro,
Ioannes Maior, qui si perrexerit, olim
Non solum magnus, sed quoque Maior erit.
Viderat Uranie parua descripta papyro
Astra, Tycho studiis rectificata tuis.
Viderat aethereos quibus indaga sse dioptris
Es solitus gyros, structa que tecta polo.
Viderat, et dixit, non haec sunt mente profecta
Mortali: Deus hoc ipse peregit opus.
At faciem cernens, hominique simillima membra,
Divinique animi munera:
Iam non dixit eris mihi mortalis ve deusue;
Sed, me vis verum dicere, Semideus.