August 2004 Ruediger Niehl
new TEI header; typed text - structural tagging complete - no semantic tagging - no spell check. Please note that texts from this anthology do not provide reliable copies of the original editions.

VALENTINI THILONIS SILESII.

De Nicolao Reusnero.

QUae prior imperio Reusneria regna teneret;
Feruida cognatas lis movet orta Deas.
Nobile nomen, ait Themis, est me praeside partums
Unde duplex luris nunc diadema gerit.
Ex me, Musa refert. lauri decora illa refulgent;
Quae meret Augusto munere sparsa comis.
Subdit Suada: meis ad regum vitibus aulas
Altior evasit: me nova regna manent.
Scilicet incassum labor ille erupit in auras,
Quo tot prisca tenet saecula? quarta refert,
Excipit has Pietas et quid contenditis? inquit:
Vos habeo famulas: hic ego sceptra gero.

In Monavii Symbolum: Ipse faciet.

Seu Rosa vere novo Paphiis beer aemula campis,
Seu sata Riphaea grandine tristet hiems:
Aequora seu Zephyri n: ctent pacata sub auris;
Carbasa seu Cauris Caupolus icta ferat:
Nubila seu denset. seu rideat aethere Titan;
Iris humum lustret, fulgure saxa tremant:
Factua: linque alios: temne orbem: suspice caelum:
Vive mori certus. fide, Deus faciete


page 690, image: delf0690

Eidem in mortem fratris Petri.

Tristia dum rerum versant ludibria terras,
Et plicat in torto sors vaga fune vices:
Erigar invictas ad caeli sindera mentes
Spes tacita, et puro mascula corde quies.
Para quies saluos dabit et solatia mittet:
Spes tacita in forti robore damna premet.
Sic maris et terrae Dominus, qui praesidet astris
Iova Deus sanctus, Dux israelis ait.
Tu quoque iam luctum, iam tristia signa, Monavi,
Iam gemitum ad clari funera fratris habes.
Erige concussam caeli sub sidera mentem;
Spes levet, ac firmet pectora iussa quies.
Ipse tuas faciet sortes, tua vita reponet
Fide: fide vinces tristia, laeta canes.
Funus foenus erit, vitae solatia luctus,
Spem caeli gemitus, gaudia maeror aget.