Schediasmata poetica Machine-readable text Schede, Paulus Melissus Schede XML version, markup prototype, December 1999 Martin Putzmarkup Camena
http://www.uni-mannheim.de/mateo/camena/ melis1 schede.html meli001.jpg schede.xml melis1/jpg html Paris: Sittart, 1586.

Regeln fuer die Texterfassung 03/2001 (bis auf Metrik)

not necessary

 29 June 2001 Susanne Mussmann markup line tags 24 July 2001 Susanne Mussmann markup TEI header PAULI MELISSI SCHEDII FRANCI MELICORUM LIBER SEPTIMUS. AD ELISABETHAM REGINAM ANGLIAE. AMOENITATEM marginis Benacii Mente mea quoties Absens recordor, o Dea, Recordor autem saepius: praesens ibi Degere mi videor, Totaque nocte somnio Colles apricos. Iam Salon, iam visui Garda iugosa subit; Iam Tusculanum, ad dexteram Lacus sereni ripulas legentibus Inter odora situm Vireta: iam ridens subit Peninsularum et insularum SIRMIO Pulcher ocellus; ubi Quondam Catullus post iter Bithynum onusti pectoris curam exuit, SCALIGERUMque genus Agri Tyroli principes Tutos recessus quaesiverunt, arduis Rebus ab imperii Omissiores. Quam virent Frundentque cuncta amoeniter! quam pectora Mirifice rapiunt Ad se comantes hortuli! Montes opaca vestiuntur Pallade: Vitifera in mediis Clivis Lyaeus regna amat. Imum occupavit Citrii nemusculi Fulgor, et aureola Poma, et frutex Lemonius, Et Punicarum silva densa frundium; Non sine lauricomae Vigore Daphnes, nec sine Myrto Diones. Limpidas ut Mincius Volvit erilis aquas Ad arta claustra faucium! Salvete quotquot haec Oreades loca, Et quot Hamadryades, Nymphaeque formosissimae Stagni tenetis laetioris ambitum. Tuque venusta meo Infixa cordi millies Napaea salve. Tale caelum in Anglia, Talis et aura tuis Contingat hortis apprecor, Flos virginalis castimoniae Dea. Rideat arboreae Stirpis propago: rideant Et viva sepimenta, et omnis seminum Progenies, Zephyri Demulsa leni flamine. Tuque o ELISA masculae in Lauri modum Germine perpetuo Floresce sospes, et vige. AD IO. CHRISTOPHORUM FUCHSIUM, NOB. FRANCUM. VER adest, anni geniale tempus, Et serenatus rediens Olympo Mitius spirat Zephyrorum apricae Halitus aurae. Quis domi invitum teneat Melissum? Quo mihi lentos remorante gressus, Norica (BRUMAM SUB UT ACRIOREM) Claudar in urbe? Liber excurram, socio viator Unico stipatus, ad usque notas VILSII ripas, et ad his propinquam Principis arcem; Te salutatum generose FUCHSI, Qui Palatinae praees altus orae, Grande Musarum columen, decusque Nobile vatum: Cui neque ex voti digito pudori est Sobrium vixisse, neque indecorum Saeculi nostri temere usitatos Spernere mores. Fallor, an pacti melioris ergo, Ianuas vestras mihi iam patentes Sponte, et interni penitrale cernam Cordis apertum? Ne, receptatus Lare luculento (Quae tua est virtus, niveaeque candor Mentis) haud vani tacita experibor Signa favoris. Nam nec aversum tua pectus a me MURACEISone or two illegible letters between 'MURAC' and 'IS', matrona gravis decensque, Spero gestabit; mea nec Sabino Lumina vultu Intuebuntur tua cura natae: Gratias blande magis aemulantes, Ut quibus linguae studium Latinae Corda polivit; Ob tui, sincere, faces amoris Mutuas in me, patrios et ipsae (Qua licet) nolent patienter in se Stinguier ignes. Quin et ALBERTUS, minimusque natu Frater, heredes animi paterni, Me probe ascitum sibi copulabunt Duplice nexu. O ibi Maias hilarus calendas Exigam, quo me tacitas per umbras Dulcis imago Ducit immissa requie soporum, Sistar insomnis; vigilique tandem Fronte perlustrem loca FUCHSIANIS Grata Camenis! Hanc ubi invectus niveo iugali Phosphorus lucem mihi portet almam, Qua tuos praesens venerer decoro Poplite vultus: Ilicet faustas ego deputabo Annuis stellas utriusque fastis. Hora natali veniet mihi illa Carior astro. AD IACOBUM MONAUIUM. "NON semper aptum est ingenium ad bonos "IACOBE versus, nec digitis lyram " Quamcumque in omni re locove " Attigeris, eademque plectra. "Diversa euntum momina temporum, et "Eventa rerum atque ambiguae vices, " Frequenter in diversa mentem " Propositoque aliena raptant. 'Cum saepe sumpsi materiam meis 'Modisque et ipsis rebus idoneam, ' Psallensque concinno sonora ' Pollice fila movere coepi: 'Non id, quod arguto ore, et eburneo 'Praemoliebar pectine, me melos ' Camena inaudit cantitantem; ' Verum alia immeditata sese 'Labore nullo subiiciunt, et in 'Aptos ligato carmine gestiunt ' Venire nervos. iamque Chloris, Iam Dryades, nemorumque Fauni Tutela frundentum, et Satyri leves In antra seductum obsita caespite Muscoque vivo, me redurgent Nescio qua fide murmurare Agreste carmen; Panaque montium Custodem, et altas, robora fortia, Sonare quercus ilicesque, Abietibusque nigris cupressos Conferre pullas. Sola sub aviis Clangilla ramis accinit: accinunt Aves peregrinae Latinis Auribus, insolitusque grillus. His nempe silvae deliciis fruor, Curis solutus: prae quibus aulicas Sordere pompas comperibis, Frete opibus modicum MONAUI. Has ipse porro delicias canam, Meamque lentis corticibus RHODEN Insculptam olorino trecentos Carmine perpetuabo in annos. IN MAIUM. MENSIUM flos intemerate, seu tu Verna maiorum genuinus audis, Sive CyllenI tibi matris aptum Nomen inhaesit; O tuis salvo mihi sit Calendis Lesbias vivis animare chordas Vocibus, seramque hilari canore Ducere noctem. Te patrem florum, nemorumque dicam Principem: te purpureae maritum Chloridos prodam, Zephyrique adulto Vere potentem. Tu serenatum sine nube Solem, Pendulisque umbras foliis reducis; Tu Iovis grati vegetante gaudes Spargier imbri. Te sui cantant homines avesque; Te soli salique greges adorant: Cuncta cunctarum te elementa rerum Laeta salutant. Cras tuas festis itidem triumphis Ferias, sollemne sacrum, secundis Plausibus iucundus agam, solutus Duplice cura: Namque me dignum fore iudicavit Hoc die, cui perpetuum virente Caesar ornaret cava FERDINANDUS Timpora lauru. Tertiam dehinc niveis sacrabo Gratiis lucem, Venerique pulchrae Septimam; nonamque novem Camenis, Non sine voto; Floribus postes redimire largus, Et sacris libare focis odores. Moris hoc servabo memor quotannis. Nunc mihi suave Susinum, stillansque liquor rosarum Imbuat crines volo, nunc sodales (Si velint) tincti balano nitescant Malobathroque: SCALIGER IulI generosa proles, DOUSAque et puri GISELINUS oris, Et vetustatis catus aemulator LIPSIUS acer: Tuque LERNUTI, prope sideratus Ictibus crebris oculorum Hyellae; Tu MODI, tuque o MARIVORDA, tuque Sedule COLVI. Assit hic dulcis Iocus et Cupido; Assit et sacer Genius, Leposque Comis, argutusque nepos Atlantis, Cum duce Phoebo. Lis, et infestae rabiosa litis Auctor exesto mala lingua. nemo Lividum spiret, careatque dignis Nemo corollis. AD IUSTUM LIPSIUM. DISERTE LIPSI, Romulidum decus, Et litterati gloria saeculi; Quem lectitantem seu docentem Pieridum chorus obstupescit; Quem scriptitantem luxurians viris Europa doctis ob veterem stylum Miratur, in summisque ponit Praecipuum mihi sidus astris: Quid me Poetarum (ah pudet) optimum Non erubescis dicere, in aurea, Quam nuper huc misti, papyro? Haec potius tribuenda magno Laus magna DOUSAE; vertice cui sedet Capace Pallas daedala, candidae Linguae repertrix, artiumque Nobiliore loco vigentum. Ille entheato spirat Apollinem (At quem Deum?) de pectore, callidus Antiquitatem, et prisca nostrum obviously, the page number '140' is a misprint Verba perappositasque lexes Reduxe in aevum, barbaraque extimas Ultra relegasse Orcadas, et novem Suum Camenis, haud sine aequo Numine, restituisse honorem. In quo laborum IUSTE quis est modus? Quae meta cursus? quaeve remissio? Quae finis? Ut quondam Tyrannum, Civibus exitium luemque, Ex urbe depulsum et solio, solum Mutare cogit iure potentior Virtus, et extremas abactum Persequitur fremebunda in oras, Vinci aut domari nescia: non secus Vos aestuoso tenditis impetu Ex arce profligare Phoebi Barbariem, furiale monstrum; Plenisque velis huic et equis citis Uterque victor terga premit, fugae Commissa turpi. Proinde macti Este vigore, animoque forti: Sic laurea alter serta merebitur, Alterque palmam; materiem bonis Dignam (modo ipsi-met sinatis) Vatibus, Aonioque coetu. AD IANUM DOUSAM. RIDENTEM amica fronte Cupidinem, Et ore blando; crinibus aureis Insignem, et aurato monili Conspicuum, nitidisque gemmis: Myrrha calentem qui volitans super Aram Diones, ignicoloribus Libratus alis, tendit arcum Idalium, et nova tela vibrat, Cinctus pharetra, cetera nudus. Hunc Iam consecratum rite Cupidinem Cuinam sacerdos dedicabo? DOUSA tibi, tibi DOUSA mitis, Alumne Musarum, et Charitum comes, Queis albicantes cumque pedes choris Inferre gaudent. namque vatem, Cui lepidorum Elegos Amorum Uni inter omnes haud dubitaveris Inscribere, et dignam Aonio grege Sexcenta propagare in aevi Saecula non moriture famam; Honore, de te nil meritum prius, Ornare tanto, quantus Apollinem Deceret ipsum, maluisti; Quam tacitas sepelire flammas, Queis Ida raptum, queis Charitella, fax Secunda, et Aelis proxima detinet. O si per Europaea longe Dissita regna diu ROSINAM Multumque quaesitam innumeris locis, Tantumque amatam, quantum adamabitur Nulli puella, aut umquam amata est, Tandem aliquando mei misertus Daret fruendam his luminibus Pudor, Vultu retecto, et corpore vivido: Qualem per obscuram quietem Noctis (Olympiades ter ex quo Inauspicatarum a Remorum oscino Fluxere binae) Morphea sensibus Constanter obiecisse nostris Perspicua memini figura: Tu muneratus, praeter amabiles Vultus, abires insuper aurea Ioci venusti et liberalis " Effigie. simulacra quippe Formae, poetarum ilicet intimis "Dios vigores insinuant fibris, " Oestroque et instinctu ciere " Magnanimum iecur efficaces. Quin et iuberem cestiferae manum Praesto maritalem esse Libentiae, Exosculandam, non sine almae Cypridos eximia statura, Pomum tenentis. sed quid ineptio Nugarum amator? te potius tui (Nam dignus es) perenne honorent Aureola statua Batavi. AD IO. CHRISTOPHORUM FUCHSIUM. siccine Diis amicum, Tam diu, FUCHSI, nitidae frontis esse carendum, Quam videre gestii; Orisque, queicum colloqui disertim? Illius oris, inquam, Quod Camenarum liquidis imbuere fluentis Gratiae et Libentiae, Phoebi voluptas: illiusque frontis, Enthea cuius arcem Mens, Deo par, continuis some letters are illegible occupavit habendam Sedibus. Quis invidet Livor Melisso, quo minus tagace Stringere comprehensam Dextera dextram liceat, purpurans Amethystus Quam tenace vinculo Cinxit, modestae vota nuncupantem Nephaliae, sorori Euphrones? Hac consiliis nec sagacior ulla est, Nec salubrior fuit Dandis, ubi stet lance ponderandus Calculus aequitatis, Aut quid in primis ratio vera, causaque poscat Arbitris idonea Diiudicatu, nec nisi acriore et Vividiore sensu Praeditis cernenda: vigor qualis enitet in te In tuique similibus, Beate FUCHSI; quem nec ebriosa Turba dedere pessum, Nec Pholum nati sceleri immiscuere nefando, Nec putrentis ulcera Squarosa terrae polluere fungi. "Heu quibus implicatos" "Et quot immersos vitiis foeda colluviei" " Lama Mermeros tenet!" " Sic multus olim, depluente nimbo" "Plus nimio, superque" "Alveum exundante Sali, qua via est data, late" " Limus oblutans agros," " Obducta prata quercuumque silvam" "Et decus hortulorum" "Fine deformat misero. Flora maesta Ceresque" " Et dolens Hamadryas" " Caelum omne replent anxiis querellis." "Non aliter Lyaei" "Vim ferens flet Nephalia, sobrio comitata" " Vix sodalium grege," " Quandoque bacchans coetus abstinentes" "Ludibrioque risuque" "Excipit, damnoque gravi multat, utpote faecis" " Crapulantium unicos" " Hostes, meraci ruminisque parcos." "Ne, male sana potae" "Nil boni fert Ebrietas, nil boni tulit umquam," " Nil boni dehinc feret" " Germaniae. quin crimen ob probrosum" "Poena peculiaris," "Poena vix feris studio moris inveterati" " Expianda posteris;" " Ultore Iova has beluas manebit." Quod nisi tute quondam, O sacer vates, aliam prorsus a genere istoc Incitus Dei metu Mentem induisses temperantiorem; Quei voluisset illud Integris sese insinuans cordibus, penitrare Numen in fibras mero Vino tumentes? ast Hebraea sanctae Plectra lyrae, piosque DAVIDIS psalmos, numeris mente non alienis Redditos, Penatibus Teuto Latinis rite consecrasti. Nomine quo tuae pol Plurimum debet pietas restituta Minervae, Plurimumque familiae Nepos avitae; plus honor perennis. AD MATTHIAM ANOMOEUM VARISCUM. SENAS, ocellum dulcis Etruriae, Rivis amoenas et variis iugiis, Musisque amicas, incolenti Cum lepidis generosioris Sexus alumnis, me tibi nuptias Praedicere olim commemini; fore Verans, Gynaeceum ut modestam Suppeditaret erile Nympham, Forma elegantem, stirpeque nobilem, Tuoque dignam, qua caleas, toro. Evenit. omen namque vati Praecinuit cycnus auspicatum: "Cycnus poetarum ingeniis favens," "Idemque candorem ante alias amans" " Phoebi volucres. quippe fati" Consilio tibi destinavit Hymen pudico pectore CANDIDAM; Queicum quietae tempora transigas Vitae, recensitamque sospes Conspicias ANOMOEE prolem, Ritu virentis mitibus editam Ramis olivae: quae sacra Palladi, Tranquilla pacalis trophaei Signa det Idaliis columbis. Quam laetor, euoe, consimilem tuis Tandem puellam moribus, et parem Votis anhelis obtigisse, Non sine matre, domus regundae Gnara! Quid aptam quaerere coniugem Praecogitabas ad vada Neccharis Obliqua? an ingentem iugales Danubium tibi nesciebas Spondere tedas? Scilicet incluti Passi fuissent POLEMIDAE, foris Te post tot annorum labores, Post iter Ausoniis in oris, Post Galliarum atque ipsa Britanniae Lustrata demum regna, sine arbitro Quasi exsulantem sciscitari Nescio quos tripodas Melanthus? Ne singulari momine siderum Non unius te per maris insulsas Terraeque tractus divagatum CANDIDA in Austriacas retraxit Plagas, vel invitum, ut liquet. at libens Obtemperasti suasibus optimis " Prudentiorum; queis piaclum est" " Auriculas negitare lenes." Vive ergo laetus, vive age cum tua Concors marita: quas et Apollinis Artes, et hortenses Napaeas, Et studia excoluisse sana Gaudes; in illis sic, animo medens, Versator, ut ne spes Aganippidum Frustrere, neu te ipsum quiete, Abiiciens meliora, fraudes. AD IANUM DOUSAM NORDOVICEM, ET IUSTUM LIPSIUM ISCANIUM. DOUSA Musarum lepor ac voluptas, Possidens alti Genium SECUNDI; Tuque delicata medulla Suadae Candide LIPSI, Qui Menippaeae satyrae iocosum In modum oblectas sale somniato Corda: quid rerum geritis, Batavae Gentis ocelle? Ecquid in vestro memores Lyceo Estis ardentis studio Melissi, In sacrae sodalitium cohortis Sponte recepti? Aureos vultus quoties anhelo Cernere, et vivas iterare voces, Queis repercussas tenor irreprensus Mulceat aures; Ne mori sensim videor, tot ictus Anxii desideriis: et extra Se migrans heu mens animi dolentis Aegra fatiscit, More limacis calido perusti Sole; dum, Phoebo capitis sacrati, Ferreas capti manicas ROGERSI Duraque vincla Cogor invita procul abdicatus Aure inaudire, et tacitas per auras Surda Pegnessi vada lacrimoso Frangere questu. Cur mihi (quando nequeunt retentum Hae manus, seu vis mea liberare) Thessalas artes, magicosque rhombos Daedala Solis Nata, fascini genitrix, negavit? Cur potestates variarum ademit Colchis herbarum, subolem tyrannum Perdere sollers? Certe ego auderem patrios in hostes (Si licet) dignum facinus patrare, Teque telluri reducem Britannae Sistere vatem. O quis, et quando, mihi nuntiabit Esse laxatas hilaris ROGERSI Compedes, tandemque frui redemptum Aere aperto? LIPSII DOUSAEque mei tabellae, Nuntias si vos tuleritis ipsae Protenus; quonam benefacta vobis Munere pensem? AD IO. POSTHIUM. QUALIS sinistri Daulias aucupis Decepta sub dio insidiis, et hinc Inclusa septis, inquilino Praeda, silet taciturna, POSTHI, Canora quondam: sic ego retibus Obseptus artis invidiae gravis, Adversa Fortunae haud libenti Mente voro mala mussitando. At quamquam inani carmina gutture Non ulla, muta cum fide, personant, Modosque consuetos maligna Sors inhibet; tamen usquequaque Ne crede, grati pro meritis tuis Oblitteratas esse animi notas. Agnosco curam, agnosco dextrae In caput hoc bona POSTHIANAE: "Heri reflatus aut hodie malos "Expertus, haud cras atque perendie " Speres eosdem. mutat aura, " Mutat et aetherius volutos "Meatus orbes. Cernis, ut arduis "Anno futuro machina siderum " Minetur impendens tyrannis " Exitium, ducibusque magnis? "Numquam trigonos vanus Olympios "Frustravit error. numquam itidem vices " Iunctum planetarum fefellit " Agmen, inexplicitosve casus. "Non semper altae crista superbiae "Ferocem amabit tollere verticem: " Non semper audebit ferire " Dis inopem, tumidus remissum. "Quondam et minori, patre Philemone "Et matre nato Baucide, regiam " (Ut latus amnis fonte surgit " Ex humili) diadema cingit "Frontem, aut (quod usu saepe venit) sacer "Velat tiaras. Da spatium breve; " Da cursum, et invictos labores; " Da, quod habent dare Dii volentes: "Quid non vir ultro magnanimus queat "Praestare? quid non efficere impiger? " Punctum omne fert in hisce terris, " Cui mora non odio est Olympi. ANDREAE DUDITHIO, CAES. CONSILIARIO. PULCHRIOR gemmis et auro, Et quidquid uspiam nitet Pulchrius gemmis et auro; Antiquiore nobilis Gente, lingua, patriaque; Petenda vel centum procis, Squalidi captiva in antro Sedet puella carceris, Dura quam numella pridem Manus pedesque vinctam habet. Vinculis ARCHAEA ab istis Quei liberanda mi foret, Marte cum meo excitarer Tentare, quantum qui pote Plurimum tentare, quid fit? Obstas puellae DUDITHI, Meque deterres amantem; Anum subinde clamitans Obsoletam rancidamque, Pannis et annis obsitam; Quodque deflendum est, Megaeram Appellitans Mephiticam. Heu nefas! heu triste probrum! Heu sempiternum dedecus! Anne praestingues Melisso Acutiores scilicet Lyncum ocellis hos ocellos? Ultorem in has iniurias Invocabo Nordovicem DOUSAM, Iscanenque LIPSIUM, Quique de SCALA propages Docto parente doctius Nomen acquisivit, inter Praeclara saecli lumina. Concitabo saevus in te MODII furores entheos. In tuam instigabo noxam PALMERIUM et GULIELMIUM, Vindices Nymphae Latinae Unos et unicos. Dabis Ah dabis poenas, amice, Non unius culpae reus, Ni retractes ante dicta, Palinodiamque succinas, Supplicique depreceris Veniam ore, mente, pollice. O nimis crudelis! haecne Moriens tua ex libidine Carceri infami feretur Auctore DUDITHIO (malum) Mancipata? quin statim quin Aut tradis hanc litem arbitris, Aut Libonis ad severum Puteal referri postulas? Voce si recentiorum Damnatus hic causa cades; Quid Cato Terentiusque Varro superciliis velint, Ac quid innuant Quirites, Haud difficulter cernere est. Causa iam praeiudicata est Communibus suffragiis. At virago restituta Per iudices in integrum, Ducet extemplo triumphum, Unaque secum me vehet Ora per Romana ovantem, et Curru superbum eburneo Candidos Phoebi iugales Loris lacessentem aureis. Illa, ceu regina Iuno, Florem Deabus omnibus Praeripit, suoque cultu Plebeia vulgi suppara Risui ludibrioque Exponit, orarum tenus. Iamque, sublimi ruina Collapsa quondam, denuo Romuli Remique et Anci Instructa pandit atria. Tum sacella dedicata Phoebo, Camenis, Gratiis, Palladi, Cyllenioque, Et perpeti Victoriae, Iure sacrosancta prisco Sollerter instaurare amat. Cernis, ut redire pergat Aetatis aureae decus? Utque vilescant inani Protrita plebi compita? Ergo quid diu moraris? Quid oscitanter haesitas? Iam clienti dehinc patronos Parandum, et omnibus modis Id studendum, ne catastae, Quam sensit insons filia, Tute mancipere, dura Talos revinctus compede: Sed receptus obsecratu In gratiam sons ac fidem, Iudicum severitatem Sententiaeque lenias, Mitiore doctus uti Sermone linguae in posterum. Fallor, an (quod maxime opto) Te paenitebit asperae Iuris olim dictionis, Rigidaeque censurae in tuum Hunc amicum, illamque Nympham? Pro qua mihi tot bella sunt Anxie pugnata; pro qua Semper tuenda strenue, Nulla cura, nullus umquam Labos, opusque nullum eo Defatigavit gravatum, Ut quidquam ab hac molestia Mi remittendum putarim. Quin, fine laeto ut clauderet Incohatae texta chartae, et Ad umbilicos duceret, Saepe Persicam rogavi: Rogata votis annuit. Illa eodem te, precandum est, Tenore deducat favens, Ut (quod in primis avemus) Praefracta contumaciae Vis retundatur, tibique ARCHAEA concedat locum Mille votis expetitum. " Nam saepe longa, ut assolet, "Quos reluctantes diuque " Multumque conspexit dies; "Hice momento minuto " Perversa naturae exuunt "Optimis obtemperantes, " Aliosque mores induunt. At redempta tu Quirini Propago vindiciis meis Exsili laeta, ac triumpha Liberrimis in curribus: Liberali namque causa Te litterae manu asserunt. AD IOSEPHUM SCALIGERUM, IULII CAESARIS F. "MULTUM est, Latine scire loqui, et quidem "Bene ac diserte. plus, proprie loqui, " Nullisque vulgi more naevis " Ausoniam vitiare linguam. 'Per quinque iam me lustra vel amplius, 'Imbutum amoenis pectora litteris, ' Quas usque gusto, scriptitandi ' Assiduum cacoethes urget, 'Mentemque apertis illinere abditam 'Cogit papyris: et tamen (heu pudet ' Pigetque me vani laboris) ' Sentio discipulus manere, 'Rudisque tyro. numquam et-enim satis 'Mihi ipse feci, ne-dum aliis, quibus ' Pimplea cordi est, quosque doctos ' Prae reliquis amat ara Phoebi: Phoebi sacrarum praesidis artium Circum implicatis ara comis Daphnes Evincta, victurisque sertis, SCALIGERO ingenuo virorum, Haud abnuente id Numine, debitis. Nam te (fatendum est) omnia ad omnium Unum unicumque inventa rerum, Et variae cata disciplinae Magmenta, IOSEPHE, ingenii vigor Sic fecit aptum, fecit idoneum: Ut nil sit in toto Minervae Vertice pectoribusque postum, Quod non peraeque promere calleas, Ut ipsa, quodcumque in cerebro Iovis Rerumque natura retrusum Aut latet, aut latuit, dehinque Porro latebit. Dona quis o tuae Aequare possit maxima Pallados? Quis ampla linguarum tot inter Munera, queis opulens abundas, Edisserat, quonam ore potissimum, Scite exprimendo multiplices sonos, Facundus antistes? Facessat Ales Atlantiales, supernis Deorum et imis lectus ad Arcadas Interpres. Hic est hic meus ille amor Ardorque, Suadelae medulla, SCALIGER, Aonidumque mystes, Qui cuncta sermonum omnimodis tenet. Talaria olli nectite, et auream Donate virgam, quemque pennae Pileolum decorent volucres. Ne tu potestatem o fuge creditam, Caducifer; neve imperii novi Insigne detrecta repugnax Caesaride. Tibi cedet ensis, Magnus tibi ensis cedet Orionis, Seu fortis harpe, sanguine adhuc madens Argi cruento, et perpetrata Caede colubriferae Medusae: Ut hac vel illo fretus, hiantia Tu colla dirae Barbariae seces, Monstro tremendo, purioris Delicium geniale linguae Contaminare praecipiti; velut Qui virginalis purpureum ruit Florem pudoris vi recincta (Grande nefas) temerare cesto. Dignum inde tantis pro meritis tibi Canam triumphum. Si moriar prius Quam detur effectum; fac orbos Luce mihi hos oculos resignes, Iniurioso quippe animas sciens Ciere ab Orco. Spem sine postumam Hanc ferre saltem nos, amicorum O Coryphaee, nigras sub umbras. AD IOANNEM POSTHIUM. SEX mihi post annos iterum carissime POSTHIthe text has 'POSTH', but the form must be vocative A profectione vise Italica, o quantis mea pectora laetitiarum Reddidisti delibuta Roribus! o quanta cumulasti cor mihi rerum Spe repleto grandiorum! Dii faciant, eventus eat felicibus orsis Dexter, optatoque fine Sol auri, Luna argenti perfecta metalla Conflet: obsipatus ignis Noctes atque dies vigilacia lumina servet, Excoquens flavas arenas: Unde satur lucri silicem rimabitur Hermes, Partis et quintae medullam Eruet, antiquos inventa decentia Reges; Par quibus Gebar feretur. "Impervestigata latent quam plurima certe, " Mersa in obscuris tenebris. Quod si Dis locuples venas aperibit opimas, Teque causam originemque Naturae edoctum ac rerum, sic provehet alte Culmen artis ad supremum: Soli tu statuas Lunaeque locare memento Aureas argenteasque. Dignus hic ornari, digna est decorarier: "Nam Deos mens grata placat. AD MATTHAEUM SCHORERUM. EUGANEUS collis, Nymphaque vallibus Sese habens Etruscis, Persaepe nostros aemulando Gestiit ingeminare cantus. Testis erit PatavI docta Academia; Testis inclutarum Venusta Senarum corona, Harmonico sale delibuta. DUCA potens illic virgineo melo Mulcet audientes: FELICIANUS hic sonore Organico ferit aptus aures. Nunc eadem nobis Musa animum movet Ad Lyci fluenta, et Symphoniarum mirus ardor Cottidie magis incalescit Ac magis: optatas ut iuvenum solet Fervide cupire Amore captorum impotente Ignis Acidalius puellas. Aspicis, ut totis ad modulamina Pruriat medullis Utrique COLBINGER sodalis? Ecquis ei faculas, quis aestum Leniet? En haec est lux tibi propria, Annuo meatu SCHORERE quam Solis reducunt Faustiter auricomi iugales. Serta coronatas impediunt comas; Teque Musicorum Grex notus ambit. Pande sodes Pande fores, et amoena pulchri Limina caenacli; liber in obvios Qua situs et hortos Silvasque prospectus, proculque Aerias patet usque in Alpes. Ipse Lycus nostrum, et Virdo minor Lyco Audiat canorem; Nymphaeque festas explicatis Plaudere ament pedibus choreas. Fas mihi sit, tantum pascere lumina, et Dulce colloquentum Et suave ridentum intueri Labra, rosas imitata rubras, Aut folium florens arbore Punica. Tetrici Catones Absint, et exactum perinde Omnia censor agens ad unguem. "Laeta decent laetos. tristitia intimas " Conficit medullas. MATTHAEE tu prolixiorem Materiam cape gestiendi. AD IO. HAINRICHUM HAINZELIUM. AUREOS montes Aurei versus Si merentur, Ut ais, fidemque Tibi vis haberi: Ecquid age o lucelli Carmina nostra HAENZELI sperent Quae nec argenti Quae nec auri Speciem aut colorem Referunt. sed ut sit Aurea vena, sitve ar- gentea forsan; Ecquis hanc tanti Esse ducendam Aestimabit? Tenues profecto Tenuem videmur Instar araneorum Texere telam. Hacce tu pulchra Templa Musarum Et cathedras Redimire sumis? Vel eam, tapetum More modoque, circa Parietis oram Rite suspendis? Ne moves bilem Delioque et Clariae cohorti. Cave enim, cave, ne Praecipitem volutum Ex Heliconis Aureo me et te Colle deeurbent Numina. ah quam Gravibus ruinis Caderemus! ah quod Supplicium daremus Plumbea moles! AD LUNAM. Cum Ioanni Posthio nasceretur Erasmus F. NOCTIUM dux alma, comes dierum Luna, quae nixu teneras puellas Solvis, et laetos facis absque luctu Edere partus; O laboranti rudibus sub annis Mitis affulgens, uterum relaxa POSTHIAE, patremque diu cupita Prole beatum Redde: si vates medicusque sollers Rite Phoebeis operatus aris, Et dies noctesque tuo tuive Fratris honori Barbiton nervis habilem tetendit, Teque verbena viridique nardo Cinxit; aut frontem Clario Daphnea Frunde revinxit. Cui torum coniux sterilem relinquit, Orbus est eheu pater, ante funus Liberum, vivaque adolet rogalem Matre cupressum; Vota nequiquam geminans, precesque Ad Deum frustra calidas refundens. Nec dolor dispar, eademque Nympham Cura remordet. POSTHII Blandina ferax canatur, Ut Rudingeri facilis Creusa, et Estere Leii, lepidumque ridens Suavia vatis, Pura cui nomen dedit amnis unda, Unda Musaeo similis liquori; Quo tuos persaepe soles DIANA Tinguere vultus. Dum loquor, LUCINA piis parentes Anxios votis hilarans, in auras Mittis optatum thalami iugalis Pignus ERASMUM. Ferte sacratas cito ferte lymphas Mystici fontis, riguisque primum Editi fetus caput evolutum Spargite guttis: Mox et enixae genitricis ori Cinnamum costique boni fragrantem Fumulum insuffite, pia precati Voce salutem. Vivat extento diuturna vivat Saeculo proles tua, clare POSTHI; Donec in celso veneranda Phoebe Lucet Olympo. Eia sic dicamus, et usquequaque Prosperam partus referamus horam; Menstruos Lunae, memores, nihildum Fallere metas. DANIELI PRINZIO, ROM. CAESARIS AD MOSCHUM LEGATO. MUSIS amico quae nova PRINZIO Tedas paranti carmina sanciam? Quidquid canemus, sive tritum Cuilibet, e mediove carptum, Seu diligenti compositum mora, Limatioris testem operae, boni Facturus est aequique, censor Optimus ingeniique et artis. Sic spero sane: nil habeo tamen Promittere alti. Tendat in arduum REUSNERUS, et sollemne pangat Carmen, ut omnipotens Iehova Cum condidisset Daedalea manu Primaeva mundi exordia; caelibem, Manere, et expertem maritae Noluerit habitare Adamum; Sed dormientis de latere intimo Costam revulsam verterit ocius Fingens in humanae figurae Membra, Deorum hominumque matrem. Idem Philippus, cui patrio obtigit De MONTE nomen, concinat: aula quod Excelsa miretur RUDOLPHI Caesaris, Histricolaeque Fauni Frustra aemulari multifora invicem Tentent avena. Nos popularium Quod festa Nympharum, venustis Sueta choris, sequerentur ora, Psallendum amatae lumina ad URSULAE, PRINZI, iuvaret commodularier, Ipsaeque Fescennina mallent Ludicra, luxuriante versu, Quae Diva Cypri, quaeque Cupidines Nudi probarent, quam tetricissimas Dignasque morosis Sabinarum Ingeniis Patavinitates: "Verum, ut iubet lex, auribus est honor "Castis habendus. Casta Deo placent, " Rerum satori: casta mentes " Prae pietatis amore puras "Reddunt, et obscenum agmen in ultimas "Terras relegant, coetibus a probis " Exterminatum. sic Amyntas " Fidus oves scabie maligna "Exulceratas de grege separat "Sano, bidentes incolumes putri " Contage ne laesas queratur " Postmodo, sollicitus salutis. "O Castitudo, quam prope nullum habes "Locum ipsa, postquam legitimas Pudor " Metas coactus transsilire " Capripedes apud impudicos, "Iniuriosum persequitur nefas, "Tandem reponi dignus in integrum. Abite turpes in malam rem ilico; vosque pudiciores Adeste ritus. Tu quoque Puritas, Ornata velo candidulo caput, Praesens adesto, et cum sorore Castifica thalamos reserva Intaminatos. URSULA amet virum Ardore tanto, quantus amantium Nusquam exstitisse scitur ardor: Tuque pari vir ab igne flagres. Sic coniugati vivite. Nil prius Vestris, secundum nil sit amoribus. Felicitatis in supremo Cardine vos statuat benignis Fortuna pollens divitiis. Ad haec Vestros amores turba Silefidum Miretur omnis: vos beatis Annumeret LEORIS, quot umquam Sunt aut fuerunt, coniugibus, quot aut Erunt futuri tempore saeculi. Nascantur hinc sperata vobis Pignera cara tori, et nepotes Virtutem avitam, qua pote, fortiter Manu asserentes atque animi bonis. Quid multa? votis plura dona Iuppiter his superaddat aequus. AD ELIAM PREUSSIUM, MATHEMATICUM. "INTER innumeras conspicui DEI "Virtutes, rutilis sideribus locum " Quisnam supremum, sive partes " Praecipuas neget attributas? "Sunt tamen, quibus haec Democriti in modum "Irridere placet, sint quasi somnia; " Mezentiique more caelum " Temnere, opusque virile caeli. "Nil Dei digitus, nobilis artifex, "Frustra composuit; nil temere omnium " Rerum creavit. En Olympus, " Quanta patet spatia, hunc per orbem "Maximae loquitur regna potentiae; et "Multo pluria, quam sit ratio capax " Humana, divinae reperta " Continet ingeniosa mentis. Tu volubilium momina cardinum Indagare sagax, signaque verticis, Horoscopumque, scite PREUSSI, Fataque sortilegasque Parcas, Quidquid et varios per positus micat; Scis quantum valeat lenis ab aethere Seu torvus aspectus: quid ortu Conveniat, quid in occidentem Vergat, et medium quid deceat polum: Quae Fortuna aliquem divitiis beet, Quis casus affligat: quid illi Exitium ferat atque mortem; Huic statum innocuum, atque utibilem moram Vitae. scis itidem, quid premat obrutum Stellis sinistris, quidve tollat Adque gradus vehat altiores "Dexteris facibus. Certe equidem, ut libet, "Mecum sic statuam, sic ratiociner " Mecum necesse est: Fata mundum " Dirigere, ipsa Deo subesse: "Astra posse ideo plurimum in infima. "In fatis fuerit, me fore satrapam " Regemve; quis fatis repugnax " Gemmiferam impediet coronam? "Fata praecipiant, te fore praesulem "Seu Pappam, quid erit, quod redimicula " Negare portendat tiarae? " Perpetuas adeo usque sortes "Meta signiferae circumagit rotae, "Nunc huic nunc alii prosperioribus " Amica rhombis. Sint licebit, " Queis pudor est eadem fateri; "Non tamen proprias exserere abnuunt "Vires astra. suum cuique negotium est " Igni; nec umquam in Microcosmum " Robore languet agens potestas. AD FRANCISCUM WALSINGHAMUM, ELISABETHAE REGINAE ANGLIAE A CONSILIIS. UT ante septem plus minus messes tuae Misi legendam Heroidi Rhapsodiarum dapsilem farraginem, Satus iuventae parvulos: Sic nunc eidem grandiore mergites Spica replentes horreum Non extimesco missitare, exoticam In Albionis insulam. Hoc quidquid est aut qualecumque, se tuo Commendat, o WALSINGHAME, Dulci favori, gratiaeque mutuae. Occasionem commodam Nactus, fac istud ad manus pulcherrimas Venire Reginae queat, Oculosque ad ipsos siderum instar lucidos. Non illa proprias sibi Laudes, inexstinctaeque gloria decus Illustre dedignabitur; Neque attributa honoris alta encomia Dispernet ab sese procul, Quamquam profecta vate ab externo, tamen Illius haud certe minus Amante, quam si natus esset subditus Sceptris Britanniae aureis, Normaeque legum aequabili vestratium: Queis illa iustitiae tenax Pro singulari pectoris sapientia Paci studens ante omnia, et Tranquillitati, civium nutriculae, Regnique tutrici, Themin Conservat illibatam, et urbes floridas, Populique corpus integrum. Quid commoramur hisce sub plagis diu, Lycumque frustra cantibus Oneramus amnem? Fallor, an Thamesina aqua Iampridem oloris Francii Ad nota praestolatur adventum vada, Gratum inter alites locum Sedemque concessura candidissimas? Ibo, et relicto Teutonum Caelo, Britannas hospes Oceanum mare Transvectus auras imbibam. Fortassis istic, quod diu quaesivimus, Tandem repertum se dabit. AD ROBERTUM BEALUM, REGINAE ANGLIAE A SECRETIS IN CONSILIO. TEUTONUM mirus BEALE o amator; Ecquid ut Nicrum fueras ad amnem In Palatini celebratiorem Principis aulam Missus, ex illo memor es Melissi Tempore, et nostri retines perennem Mente sincera, quasi in aere puro Aut adamante Candido scalptam graphice, figuram; Quam tot exoptata colunt amici Turba, tot servant nivei irreflexo Corde sodales? Nos dies noctesque tuos avemus Cernere Anglorum in regione vultus, Quamque praesignem tibi comparasti Bibliothecam, Oppido ditem veterum librorum, et Arte cusorum omne genus recentum. Tam diu quid me fera bella tardant? O mora, quid me Tam diu differs? quid agor retrorsum? Stat tamen mitem BEALUM osculari Velle cum WALSINGAMIO stat ipsum CAECILIUMque Posse BROMLEIUMque videre, nec non Pectus HOVARDUM, reliquosque in aula Nominis magni proceres, ab alto Sanguine cretos. Numen in primis venerandum ELISAE Versibus cultis amo demereri, Grande laturis trifidum per orbem Pondus honori. Dii meos orsus, mea Dii secundent Coepta. Quod dilatum aliquando, quis scit An favor compenset iter mage amplo Munere sortis? AD GEORGIUM GILPINUM, REGINAE ANGLIAE AD COMITIA AUGUSTANA LEGATUM. GILPINE, cui fas nosse Britannicae Secreta Divae, quique repertus es Unus RUDOLPHI dignus aulam Caesaris, ad Lycii fluenti Sequi recessus, Vindelicum procul Findentis oras; quandoquidem nimis Diu feri interceptum ab hostis Saevitia gravis immerentem Custodit arte poena ROGERSIUM, Lumen Camenarum: annuis, an meos Repellis obstando rogatus? Annuis hercle, meisque votis Locum relinquis. Tu dabis entheae Mittesve Nymphae Pindaricum melos, Measque commendare perges De meliore nota Camenas. "Iam concitatis quindecies equi "Titanis acres Zodiacum ungulis " Percursitarunt, navus ex quo " Scribere, quae faciant decoro "Latinitatis, numquam ego destiti, "Politiorum scilicet aemulus " Rerum, elegantiaeque tersae. " Ecquid enim melius venustat, "Quam lima, carmen? quid mage verba, quam "Ars? Inter haec et laudibus inclutam HEROIDA exornare sumpsi, Oceani dominam potentem Et Albionis. quin etiam dehinc Plene absolutum versibus aggredi Opus sonoris cogitarem, Illius elogiis refertum, Praebente Diva materiem, et modum Praescriptum agendi. Tu precor interim GILPINE, quid Regina mandet, Quid iubeat mihi adordiendum, Felice penna significaveris. Me, quantus hic sum, devoveo illius Famae celebrandae, Britannorum Omnis ad obsequium paratus. AD IACOBUM ZELINIUM NOB. POLONUM. ERGO ibis, et nos tam cito deseres IACOBE, paucum vix tibi cognitos Ad tempus? ibis nempe, et oras Ausonias tibi, sive Gallas Lustrare mens est, sive Britanniam, Subiecta ELISAE regna viragini. AUGUSTA non tanti est, ut ultra Sustineat tuus hic manere Vultus, Camenarum obsequio diu Iam mancipatus? Vah, HELICONIO Tecum quoque abducto, gregales Colloquio meliore privas! Iucundus eius sermo, itidem et tuus, Mirum in modum nos exhilaravit, ac Mensae voluptatem serenam Attulit, officiosus erga "Quosvis. Ut aegrum est, pectora dividi "Aut separari (proh dolor) invicem, " In mente quorum, ceu decorum est, " Una fides, amor haesit unus! Ego hic RUDOLPHI Caesaris exitum Negotiorum, quidque boni ferat Conventus, exspectare lento Constitui pede, nec supinus Nec curiosus praenimis. Ilicet Matura paullo post abitum et mihi Suadebit Autumni ingruentis Hora, pari celeres diebus Noctes adaequans momine. Tu viam, Quo fata ducunt alitibus bonis, Ambage confectum brevi des, ZELINIAEque Iacobe gentis Virtutem adauctam, non sine gloria, Et stemma avitum cum patrimonio Seros propages ad nepotes, Aonisin decori futuros "Dehinc et ipsos. Quid magis inclutum, et "Famae perennis nomine dignius, " Quam si politorum Polonum " Nobilitas cluet erudita? AD ANDREAM DUDITHIUM. De clade, qua Turcae a Persis in Mesopotamia profligati sunt. Anno NUNC est ovandum, nunc lyra Lesbio Pangenda plectro: nunc popularibus Laudes Idumaeo Iehovae Dicere fas reverenter hymnis. Dextrae potentis robora, DUDITHI, Ostendit ille, et cladibus horridis Affecit infestos catervae Christiadum, genus acre, Thracas. Accepta Persis, ac socialibus Georgiani viribus agminis Ferenda palma est. Saevus Osman, Quo rigidis truculentiorem Vidisse in armis Massagetae negant, Tot copiarum ductor Amurathis, Hac strage bis vicena fertur Millia sacrificasse Diti, Suis ad unum scilicet omnibus Ferme peremptis turbine bellico: Magnamque Persarum maniplis Typhlida vi subita occupatam, Aurique onustos pondere maximo Captos camelos fama volans refert. Audacis Euphrates duelli Testis, Achaemeniusque Tigris. Quo te secundi numinis arbitrer Favore tantas res gerere, ISMAEL ' Sophi?dat exemplum supinis ' Teutonibus tuus ille Mavors "Hostes ruendi. sed timidissimas "Silvarum in antris sternere bestias; " Cornuque venatoris uncum, " Quam lituosque tubasque pugnam "Denunciantes, tutius est sequi: "Nec belluarum constat inermium " Tanti per hastas aut veruta " Fusus humi cruor, ac Gradivi "Fortes lacertos ense lacessere, "Ad sustinendas impare flictuum " Plagas, et arcendis minore " Impetibus, violentiaeque "Ferri retundendae haud sat idoneo. "Virtutis est, si Diis placet, imparem " Vitare congressum Gigantis, " Et fugere oppositas cohortes. "Ac praestat inter grandia Liberi "Deproeliari pocula, Rhaetico " Spumantia aut vino Caleno, " Rhenigenaeve liquore vitis; "Ut multus Hector sudat in Hectorem, "Udoque Achilles udus Achillei " Contendit urgens: quam sitisque " Impatiente famisque dirae, "Fatiscere aegro pectore languidum. "Porro quotusquisque est, Helenae in sinu " Tepente qui non malit ultro " Sic recubans, Paridis veterno "Torpere segni, deliciis fruens "Desideratis; quam sibi classico ob- " Strepente somnum turbulente " Rumpier in media quiete? "At praecavendum, ne vetuli modo "Canis Molossi pandiculantis aed " Fornaculae aestum, nos meraco " Atque sopore gravi sepultos "Et oscitantes hosticus opprimat "Furor Tyranni, terribiles Scythas Getasque Rhiphaeosque secum Odrysiosque truces trahentis "In nostra passim damna. Volucribus "Sit, rete tracto (nescio quis Midas " Obiectat) involvi capique; " Squamigerae pecudi, sagena "Circumveniri. Quis sapientiam "Sero excitatos quaerat apud Phrygas? " Hanc nationem non nisi ictus " Verberaque et tudites malassant. AD IOAN. MICHAELEM BRUTUM. AIN BRUTE meae chelyn Thaliae Spirare vivo carmine Pindarum; Et quadrare mihi modestiori Auram cycneam vatis Horatii, Praesentem ex humili solo, ut libebit, Tractus in altos tollere nubium? Ac te BRUTE negas alacriorem Sallustii mentem, acreque Livii Dulci cum Genio obtinere robur? Ne tu diserta callidus invicem Ambos conciliare quibis arte, Alter licebit forsan iniquior "Manes alterius ciere amarit. " Mi molienti grandia, non quidem "Indeses studium et virilis ardor " Desit: sed atri dira malignitas "Obstat temporis; obstat ipse vulgus, " Sese eruditis qui putat auribus "Ferre iudicium, ac nimis procacem " Agens Aristarchum, Ausonios modos "Damnat, et veteres Latinitatis " Voces. Dolendum est, usque adeo malam "Sinistramque viros opinionem " Doctos tueri mordicus. Est, ubi "Nonnumquam, ad lapidem velut viator " Incautus, offensum atterimus pedem; "Peccandi haud animo, sed evehendi " Ad dignitatem, quae cecidere nunc "Tot vocabula, si probaret usus, " Fandi magister. Res alia est, stylo "Velle perspicue exarare quidquam " Vinclis soluto: res alia est item, "Cogere in numeros tibi obsequentes " Antiqua linguae nomina Romulae. "Famam, qua pote quisque, consequendi " Flagremus aestu. Me mea FRANCIA Vixisse incelebrem negare possit Versu canoro, et pectine Musico. Tute BATTORIDEN peracer (at quem Heroa?) sumes BRUTE pedestribus Dicere historiis. In his quid obstat Crispum aemulando, non sine gloria, Senemque Euganeum, ut minus feraris Lecto repugnax cedere Caesari? AD IOANNEM LOESERUM PREZIUM, IO. F. LOESERE, clara nobilis a domo; Quem laetiorem, dic age, nuntium Beatioremque ab secundo Ferre mihi potuisset Albi Ter auspicato sidere Atlantius? Quae gratiori dulcis epistulae Comprensa signaclo disertus Gaudia, prolubio audiendi, Portare quisset MEZIUS? huc ubi Pegnessum ad amnem Noridos hospitae, Me delitescentem silenti Numina Deiphobes in antro Eventa rerum, atque innumerabiles Casus futuri temporis addocent, Regumque praesentes ruinas, Imperiique novas secures. Omnem superbis triste Bimembribus, Coniunctionem siderea in plaga Iovisque Saturnique magnam Magna pericla sequi necesse est, Vicesque miras. His ego dum vigil Intendo mentem, quaeque volubili Dehinc Planetarum recursio Fortior ad mala vis Trigoni Portendat, acri lumine metior, Perculsus imum cor gelido metu: En fausta de te sparsa Fama Coniugioque tuo, timorem Frontisque nubem dispulit ocius; Ceu taediosis nubila dividens Opaca nimbis, sana caelum Aura aperit Boreae serenum. Felicitatem non tibi gratuler? Natura quanto daedala, et artium Pallas repertrix te crearunt Corporis atque animi venustis Insigniorem dotibus; atque tu Te castiorem usque et mage sobrium LOESERE gessisti, probatis Moribus, ingenuaque vita: Tanto merenti pulchrior omnibus Puella Nymphis, atque modestior Oblata Fortunae favore est, Gente alacri sata PHLUGIORUM, Virtute praestans URSULA; non sine Amplo facultatum augmine, et uberi Opum affluentum copia. Tu Dignus es hac, eademque digna est Te coniuge. exin digna parentibus Nascantur aequum est pignera, patriae Flos stirpis almus, MISNIAEque Grande decus, columenque rerum Cum laude partarum. O utinam mihi Tantisper aevi ducere terminum Concedat exorata Clotho, Dum generi monumenta vestro Affinium quam proxima gloriae, Queis VOMER insigne est, sacer exigam Vates! Duorum nempe fratrum (CAESARIS alter habere nomen, Alterque nomen nobile IULII, Olborna cura ad Sequanicum Dubim) Recordor in primis; amicos, Gallica Marte premente regna, Expertus ambos. At tibi, candide Amice, quid non debeo? Quam meae Adesse praesto dignitati Te nihil erubuisse laetor: Praesente cum vel mille frequentia Et Italorum et quos amo Teutonum, Comes Palatinus crearer, Atque eques, Ausoniusque civis! Puram BOQUOLDUS nam chlamydem Holsatus, Et Francus ensem FUCHSIUS aureum, Calcaria auro tincta LOESER Misnius, empyriumque torquem Mi praeferebat GRYNIUS, inclutum Cui terra Pallatina dedit genus. Sed hoc parum aut nil forte vestrae ad Nobilitatis equestre lumen Conferre quisquam dixerit: attamen Grati relatum pectoris ergo sit, Se mune praebentis togato Carmine. Tu tibi gratulantis Vocem susurram, et Romuleum melos, Inter canoros parvam aliquam cycnos, Quos glaucus Albis, quos Elyster Vitreus amne suo canentes Arcere parcit, sponte tua sinas "Habere partem. Haud omnia possumus " Omnes. Tubarum inflare nervos " Inscius, hiscat oportet assam. AD TYCHONEM BRAHAM, NOB. DANUM. QUANTUM laboris, quantum operae, dies Noctesque fontanum approperans opus, Iussu senatus oppidani, POEMERIUS, meus ille Theseus, Vir consularis, nomine regio Exhauriendum sumpserit, exprimi Verbis (opinor) vix potestur, O TYCHO, nobilium columna, Danoque Regi consiliantium Statera. nam seu sculptilibus typis Quid praefigurandum e pyrastro; Sive polita, recente cera, Fingenda Nymphae forma venustulae; Seu candefacti pronus ab igneo Fluens catino rivus aeris Subter humum, simulacra venit. Obinduendus per nova: primitus Id (ne quis error post remorae foret) Delineari rite fecit Artificis sapiente dextra; Antiquitati scilicet hunc catae Habens honorem, ceu decet, ut nihil Non mutuandum digne ab ipsa Duceret. inde cava scatentum Lymphis susurris ora canalium Secrevit inter se variabili Proportionis aequitate; Eximiam ratus esse laudem Excogitando res superaddere Eiusmodi, quae tale opus incluti Herois ad trecenta saecla Postgenitis memorare pergant. At longiori te, BRAHA, ne morer Ambage; quid porro est, quod omiserit Vir ille, et in quo non abunde Omne suum studium approbarit? Effecit hercle, ut non modo ego ipse-met Conarer ad Regem insuperabilem Quiddam aemulari, ceu solemus, Pindarica gravitate dignum; Verum et sonoris harmonicus modis Concinna cantor exprimeret mele, Deleniendis apta vestris Auribus. Ergo bonas utrimque Concepimus spes, haud ita nos malam Inisse misso carmine gratiam Ab liberali in eruditos Principe, munificaeque dextrae. Quapropter, etsi magnificentior Per se futura est POEMERII satis Superque commendata vobis Sedulitas, animique nostri Ardens voluntas; cum tamen autumen Egere nostram lampada, quam vides, Illustriori Sole: tute Splendidus patienter addes Lumen, facemque ex te mage fulgidam. Si magnus ipse es Phoebus, uti pol es; Stellis minutis tute lucem Conveniet (puto) fenereris. AD NITHARDUM THYNGENUM, NOB. FRANCUM. NUNTIUM o gratum mihi, Posthianus Quem tulit cursu propero veredus; Iam locum THYNGENE tibi secundum a Praesule partum: Hic ubi Pyrgos virides amoeno Maenus allabens patrius fluento Radit, et pleno riguas Iaccho Sufficit undas. Suavior quaenam mihi dulciorve Icere adventu potuisset aures Aura? quae mentem mihi verberare Fama secundo Laetius rumore sonove quisset? Gaudio exsultat cor, et ima crebro Gestiunt, tentantque iecur fibrasque, Viscera motu. Testis ardorum locuples meorum Ipse Pegnessus, socioque quamvis Invidus Rhegnessus aquis remistis Nomina tollens. Euge, gratantem tibi perbenigno Respice o vultu, patiens vocari Numen, et vatum pater, et relictis Cura Camenis. AD IANUM GULIELMIUM. IAMDUDUM omissis deliciis Rhodes, Plectrum sonori mobile barbiti Abieceramus, GULIELMI Aeoliae fidis aemulator: Cum nescio quis me velut arbitrum Vocans Camenarum, impulit ad graves Modos, et heroos canores, Historicis opus incohandum Sublime textis. Mentior, an tubae Clangore doctum Calliope gregem Non solum ad ardorem canendi, Verum etiam manibusque et armis Pugnam virilem fortiter aggredi Excit lacessens? O mihi si dies Tot prorogaret lentitudo Fatiferae resupina Clothus, Quot finiundae sufficerent rei Stato tenori: quantus ab arduis Et ipse gestis, qualis alto Carmine gesta sonans cluerem! Suscepta nervis iuppiter omnibus, Totoque cunctarum impete virium, Per elaboratos Dynastas Sudor anhelus ad umbilicum Extremum, ut aiunt, munera duceret, Virtute partis non sine praemiis, Seros beaturis nepotes: Qualia promeruisse digne Miramur olim pulvere Olympico Heroas, acres quadrupedantium Cursu caballorum citato Palmiferam anticipare metam, Gravisque luctae flictibus impigros Domare congressu oppositam manum. "Sed hacce tempestate frustra " IANE oculis inhiamus aegris "Rerum potentes, queis veterem lyram "Audire amicum sit. quia desitum est " Laudanda patrari, pudori " Laudem alicui tribuisse habetur. "Ergo propinquum est, si sapimus, procul "Summatum ab aulis horridioribus " Secedere ad caulas, modosque " Bucolicos, humilesque avenas. "Campis apertis, rureque libero "Libet vagari, et nunc tacitum in nemus " Reptare, nunc lenem prope amnem " Herbiferis recubare in antris: "Aut mane clivos scandere montium, "Et vespere undas visere fontium, " Atque inter errandum venustam " Aemyliam, Aemyliaeque ocellos, "Et Sophroniscae blandiloquentulam "Sonare linguam, pulchraque Myrtilae " Labra, et Melissaeam ROSINAM " Candidula facie nitentem. "Hic nostra sunto regna, per avios "Silvae recessus; hic mea fistula " Faunis, verecundoque Pani, " Atque adeo Dryadum pudicisCertet choreis. Ardua praenimis "Tentare durum est. In mediocribus " Citra indecorum sempiternam " Glorier obtinuisse palmam. PRAETER Caesareum privilegium, quo auctori in annos septem cavetur, qui a die uniuscuiusque operis absoluti initium sumere intelligantur, etiam HENRICI III.. Francorum et Poloniae Regis privilegio sancitum est, ne quis Typogtaphorum imprimere, neu quis Bibliopolatum divendere audeat ante novennium Melissi lucubrationes: praeterquam ii, quibus ille annuerit; uti iam nunc ARNOLDO SITTARTO, in alma Parisiensi Academia Bibliopolae iurato, secundae huius Schediasmatum Poeticorum editionis curam demandavit Qui secus fecerit, libris et poena in sanctione aestimata mulctabitur, ut fusius Regio diplomate continetur; dato Parisiis, die XXX. Ianuarii, anno Christi M. D. LXXXV. Regni XI. Per Regem Iacobo Augusto Thuano consiliario, et libellorum supplicum in Regia magistro praesente. PERROT ssr.