ANgelus Anglorum Te Dux in Regna supremus
Duxit: et Agnati Regis in ora Ducem.
Regibus orte Atavis Princeps. Dux inclute Gentis
Croyacae. Arschotti prima propago, veni!
Exspectata diu nobis haec nuntia. Felix
Una erigit populum nunc ea fama tuum!
Perge iuva sacros, ubi nascebare, penates
Consilio et Dextra vindice: parva mora est.
Nil miseris restat quam vita; Alimenta negantur
Patria ne pereat, Dux miserere! Redi!
ERNESTE Princeps spes decusque saeculi
De Te sibi congratulantur invicem
Hic Patriae Cives chorus viventium
Laetantur Urbes, subditi plaudunt sinu
Sibique gaudent: Nate Regum! Nobile.
Ter sanguen Hunnorum! Renascens gloria
Decusque Croyae gentis, Arschotti Ducum
Dux et Caput, flos, germen et spes unica.
Iam non erit delator ullus vel Gnatho
Mendax, nec immisericors tyrannus, ast
Clementiae Iurisque et aequi vindices
Honosque lausque deferentur maxime,
Et digna praemia et salarium Viro
Docto, pio, proboque, cordato, bono.
O Tempora! o optata vitae saecula!
Veni! veni Princeps! Veni! Mone! Rege!
De Te sibi congratulantur invicem
Hic Patriae Cives chorus viventium
Laetantur urbes, subditi plaudunt sinu
Erneste Princeps spes decusque saeculi.
DIscite Iustitiam Reges, nec Iura Deumque
Ludite; namque hominis vita fidesque Dei est.
Princeps es, reus atque necis? te poena manebit
Non minus ac minimi maxima poena rei.
Descendunt Ratione Status ad Tartara multi,
Decretoria et hos iudicat una Dies,
Paule sed o caute quam Tu regis omnia. Princeps
Sic tuus in stygiis non tolerabit aquis.
Caure at cordate, passim cunctimque peritus:
Marte regi dubium est; Tutius arte regi.
Tu Ducis es Ductor. Tu Dux es Principis: Isthoc
Tutus eris princeps cum Duce. Dux Comite.
Vive memor nostri, nos bello et peste perimus?
Actum est! Consiliis, heu miserere, Iuva!
Gallia nos fecit Comites quondam, oscula nunc me
Bella famesque tuis ferre iubent pedibus.
HOc Anagramma Tibi PRINCEPS Erneste, loquuntur
Numina. Numinibus Nomina Cura Ducum,
Ars decorat Reges. Regum Laus maxima: Marte
Imperitare Gregi Dux petis? Arte potes.
Et Pietate potes. Pietas Ars optima: Martem
Vincit ubi vincise quoque posse neget.
Martis Vita furor, Mors anceps cuncta minatur
Ducit in infernum Mars via lata locum.
QUam scite dictum! Sapiens dominabitur Astris
Hoc est, qui pius est. Nemo sapit a)/qeos.
E Pietate suum sumit Sapientiae fontem.
Desipit aeterno qui sapit absque Deo.
Flectuntur superi votis precibusque piorum.
Qui pius est, Caeli vincere Fata potest.
In quavis Aula verbum hoc demnabile primum est
Fide! Fides multis fit ea furca viris.
Fraude solet, si se fidum vocat Aulicus, uti:
Atque bonum, quando se simulat, malus est.
Naturam dant Astra homini, sortemque Animumque:
Et vitae et mortis Commoda, damna, modum.
Formant, inclinant, coguntque trahuntque. Rigorem
Hunc tamen omniscius mitigat Axe Deus.
Naturae domitor, victorque et vincere Fatum
Omnipotens, vinci se pietate sinit.
Exaudit Iosuam. Solem stare iussit, et actu
Tum stetit, atque Astris plus potuere preces.
Nobile vincendi genus est oratio. Vinci
Non aliter patitur quam pietate Deus.
QUi senis experti venit ad Certamina miles,
Miles is in fausto proelia Marte subit.
In Sene Virtutis latet Experientia, Magnus
Nec labor est iuvenem vincere posse seni.
Quicquid agit, prudenter agit veneranda Senectus:
At Iuvenem praeceps dextera saepe necat.
UNa Philippinum tandem spectare voluptas
Ursit et ad praesens sollicitavit iter.
Ergo sub Adventum: Salve Domus incluta: Salve
Sanguinis et canae Nobilitatis Honos!
HAc Charitum Suadaeque Pater Rhenanus Apollo
praesidet antiqua dexteritate, domo.
Nulla Philippino fraus est, candore reguntur
Omnia, ceu fieri per Iovis arva solet.
Ergo simultatis stulto qui murmure gaudes,
Atque dolo! pernix hinc procul omnis eas.
HAecce Philippinum domus appellatur. Iniquos
Pellit, et antiquos dexteritate, fovet.
HAec domus antiquo gaudet candore! proinde
Si bonus es, salve: Si malus hospes, abi.
Anne Philippinum, Phili Pindum an dixeris, unu est:
Nam velut in Pindo, magne Philippe sedes.
Nulla Philippino panguntur Carmina, quae non
Ipse Philo Phindi praeses Apollo probet.
ES merito felix generosa Stirpe, videris
Dum tibi dum Patriae te generasse DEOS.
Aeterno cultu pater est et nomine dignus
In cuius residet prisca fides liberis.
Aeterni cultus nati [(printer); sic: liberi] sunt nomine digni
In quorum residet nostra Parente salus.
EMinus Eximium nobis quodcumque videtur,
Cominus exili saepe valore iacet.
Ergo cur nostri laudas Epigrammata libri?
Tam parvi ut medio sex emis asse libros.
Purpura te cingat praetioso quae texta; mereris,
Zingrefi, Patriae fida Columna Tuae.
AUrea Zingresi te Iudice Carmina scribo,
Primus es, informis quem capit iste liber.
Me tamen ex nimio laudas, non aurea scribo;
Si dicas auro digna vel aure. sat est.
QUicquid habent Musae lepidi Veneresque leporis:
Quicquid habet belli Pindus, Apollo boni.
Omne id nectareo Puteanus prodidit ore,
Historia Patriae erimus et Eloquio.
Huicce peroranti Pater Heinsius assurexit,
Exhibuit Cultus Heinsiadesque sacros.
Haec est Barlaei facies: Patet obvia virtus,
Et Candor, fraudis nescius, inde micat.
Cetera scire cupis? Vatis lege Carmina, dices
Vix puto Maiorem mente fuisse Virum.
MAgnus Aristides Iusti Cognomen adeptus
Non quod erat stricte iustus? sed iustus et aequus,
Summum etenim dici Ius summa iniuria debet.
Primum est esse a)\gamon [Note: * D. Ap. Paul. Heb. 13. 1. Cor. 7.] tamen hoc cui fata negarunt
Scortator non sit qui Pater esse potest. [Note: Horat. 1. I. serm. satyr. 4.]
SIt tuus Ignis Amor. Sursum petit ignis, Amare
Terrenum scelus est, Zelus amare Deum.
Omnis Amor Caelo primum debetur: is omnis
Nam venit ex Christo traduce noster Amor.
IN Meritis te velle tuis tibi fidere, certe
Vera fides non est, Lentule, perfidia est.
Hostis adest! patriae misere plectuntur Archivi.
Iura iacent. Pietas deficit, Astra dolent.
O Deus, in quae nos servasti Tempora! Caelo
Descende et dextra vindice verte polos.
Adnue sancte DEUS! DEUS audi vota, resurge!
Surge! Veni! servos auxiliare tuos.
PAtronum, Patriamque, Patremque, aut quisquis Amicum
Aut Praeceptorem deserit, hic Niger est.
PAx Iucundarum rerum dulcissima, multis
Inferni poenas Interitumque parit.
Aversa pauci constantes sorte videntur:
Adde; at vix unus ferre secunda potest.
PEnnalem a penna quidam dixere, quod Ille
In sacco pennas portet ubique suas.
Poenalem a poena quidam dixere, quod illi
Poena sit in nostris perpetienda scholis.
Penalem contra quidam de pene vocant, quod
Futilis hic pars sit Corporis, Ille Scholae.
DaVo Boves, Diherque Domos, librosque Philander,
Bella Derand, Thomas pocula, nemo nihil.
Proh vanos hominum! quis non sapit? omne
Vult nihil esse aliquid, nemo sed esse nihil.
CAndorem in vultu geris, intra in pectore fucum:
Candidus ingenuum te negat esse virum.
CRimina dum crescunt augenda est portio poenae.
Mille mali species? Mille doloris errunt.
Corpora sunt ferro quae dam sananda, vel igne
Quae sanare quidem Verba vel herba nequit.
COrradat, rapiat, currat, fremat, ardeat, armet
Improbus: omnis inops est manus absque Deo
Terra movet, fera bruta movent, et proelia veuti,
Quicquid et a reprobis fit, maledictio sit.
Nempe iniustitia est ea vis: ut fistula quicquid
Advehat, ultoris tympana tacta fugent [(printer); sic: fingent] .
AD Sacramentum sacra mens, tum sacra manus; tum
Quae facit amentes, gens, sit amica min'
PRopria laus inquis, sordet, Blandine: videris
Si saperes, Laudes tu tacuisse tuas.
In proprias cum sis laudes tam dicere pronus;
Nae dici stercus laus tua tota potest.
AEQue Iuridici et Legistae auditis uterque,
Tu Tulli muti garrula Trulla viri.
Est diversa tamen vobis mi Tulle voluntas:
Tu leges [(printer); sic: legis] lecto non legis; illa legit.
Amborum spectata etiam professio dispar,
Iusque edis Uxoris tu, regit illa tuum.
Non Medicina malum pellit, praesigne Galeni
Recipe non ulla conditione Iuvat:
Ni prius adflicti Caelos Oratio pulset,
Sanctum agat, et sanum qui fuit aeger, aget.
Scire meum nihil est, si me scire hoc sciat alter.
Ni sciat hoc alter, scire meum nihil est.
SCripta viro nomen faciunt, Vitamque Poetis
Carmina dant! solus desidiosus obit.
Aita manet: Vati: vivunt post funera Vates;
Carmina nullius Mors nisi Martis erunt:
NIl dat Vogelus pauperi, est pauper tamen.
Nil dat Mercenario est pauper tamen.
Lymphum bibit cum cenat, est pauper tamen,
Nil creditori solvit, est pauper tamen.
Ius dicit, Aurum sumit, est pauper tamen
Fallit, Rapit, Corradit, est pauper tamen.
AErernum in terris nihil est: aeterna videre
Qui volet, in Terra non habet ille locum.
NArras in aurem semper, et cernis retro!
Sicut solent, censura quos vexat acris.
Sicut solent hi qui suae causae timent
Et qui vident saevum venire lictorem
Rides, doles, curris, petis, laudas, taces
Clamas, times, garris, spuis, potas, sitis,
E Flandria es Gallumque gallice laudas.
Permitte dicam quod videtur de re esse
Felix es nunc, Francisce, ut est adulator.
RUffus homo bardus: praesumens omnia: lentis
Passibus: et magna cum gravitate miser.
Nobilis in sese tantum. cui cuncta videntur
Esse nihil; tantum quod facit ipse probat.
Ruffus qui vitam miseris hic invidet: Et qui
Mundum ex Idaeis absque labore regit.
Ruffus homo parvus, superans at falce gigantes:
Vividus ad nummos, hastis ad in Numeros.
Facta quod hic eius sit mentio nulla queratur,
Ne forte, officii hoc signum et honoris habet.
Artes torque eius (quon dam ne nesciat ipsum
Posteritas) aram heic et monumenta legi,
VIta cadit cum Vorte, at non cum Morte resurgit:
Nec sine mente potes, nec sine morte mori.
NOn ea dem cunctis Mors est, tamen Omnib' una est:
Non eadem Lex est; Lex tamen Una, Mori.
QUi Merito Christi meritum superaddere tentat:
In merito merito Vir perit ille suo,
SAepe mihi fuerant facilis Metagrammata Lusus,
Sape etiam Ingenii Carnificina mei.
Causa utriusque liquet: superest si litera, vel si
Litera nuda deest? Nullum Anagramma bonu est.
VIta via est Mortis: Vitae Mors semita Plures
Semita fert; Vitae sit via lata licet.
OMnia muneribus praeter pia Numina cedunt.
Parrononi des munera, surdus erit.
Causidico ni des munera, mutus erit.
Hyppocrati ni des munera, mancus erit.
Cornuto si das munera, Caecus erit.
Praetori si das munera, tutus eris.
Omnia muneribus praeter pia Numina cedunt.
LIvius adsertos Romanae gentis honores
Vindicat, et Latium post sua fat a solum.
Et Tu, Germani Candoris gloria, IULI,
Tu prohibes Patriam post tua fata mori.
Livius es, quando Musae tua Munera pandis:
O tandem! ad spes est: Iulius esse potes.
EX Germanorum pauci Candore supersunt;
Qui niger est, Solido praevalet ille viro.
ZINGREFI, hic dolor est! At Tu,quia prisca reducis
Dicta Patrum, priscae es Dexteritatis apex.
O Fatum! O patriis tandem succurre Camenis,
Restet ut in misero libera lingua solo.
Ploratu, et plenis tempus consumere Mammis,
Infantum vere sunt ea signa duo.
Ad vitium flecti, Matremque focosque fovere:
Illa puerorum propria signa duo.
Fecundi Calices, furor immoderatus amandi,
Illa Iuventutis sunt mala signa duo.
Fortiter adversis rebusque obstare secundis,
Prudentis vere sunt ea signa viri
Morborum. Vortex, Amot immoderatus habendi
Illa senectutis pessima signa, vale.
Dominus aequus facit Ministrum fidum.
Ipsa suas hirundo domos et mus miser antrum
Tuto habitat? Nullum das mihi terra locum?
Sex liquere mihi sedes utrique Parentes,
Surripuere Dither, Mars, latro, flamma, Vogel,
Misili, Satis est! parvam tibi contrahe in Urbe,
Et nulli nimium fide! maneque domi!
Aut servi Domino fido,qui Numina Credit.
Iniustus miserum te faciet Dominus.
Sint placidi Domini! fidi promptique ministri!
Conservat servum Spes Dominumque Fides,
VIta quid est? Metus est. Quid Mors? Spes Certa futuri
Vivimus, at plures spe, morimurque metu.
UNa via est Caeli; tantum Una est Ianua Christus.
Deforis est, alius qui putat esse fores.
UT bene semper edam, gratos exopto Labores:
Tu requiem mavis, sed male semper edis.
Mh\ propnth\s ce/neteue: Ta/xist' A)podhmi/a sfa/llei.
Nh\ Di/a! tw=n mai/dwn e)/st' A)podi/a o(do\s
VOta, sed ad summum ducas prece supplice,quisquis
Doctorem Medicum Causi dicumque togas.
O quam difficile insontes offendere sanctos!
Vix bonus est, raro qui bonus esse potest.
UT bene sis, animi taceas secreta: Voluntas
Non cadit in plures Unius Una Viros.
Saepius innocuas premit aucta Calumnia Mentes,
Alterius non sis, sis tuus, ut bene sis.
MAtris hoc est, Nati parere, parare Parentis.
Sic facit officium doctus uterque suum.
VIvere Divitibus solis res grata videtur.
Divitibus solis omnia namque licent.
Caesareum rabido tracta Conamine Cultum.
Lude Deum: vives tutus ut aera dabis.
VIrtutem Virtute Deus, Crimenque repensat
Crimine:is ergo Deus quem facis esse, Tibi est.
VIta fugit Mortem: Vitam comitatur euntem
Haec; sequitur fumum Mors: timet illa NIHIL.
MAgnifacit Cuculos, sed raro amat Aula Cucullos:
Saepius Aula colum non colit Aula Polum.
Titulare (Titular-buch) suum extollens.
TU Titulare tuum legis ut sacra Biblia, Doctus
Nemo tibi est, cui non hoc Titulare sapit.
Vis,quid sit dicam? Titulos dum congeris istos,
Desipis; aut titulo tu tenus ipse sapis.
TItillor quoties dominum me, Paule, Magistrum
Doctoremque vocas, eximiumque virum:
Non ea vana puto! quis enim non optima de se
Crederet, aut quis non diceret hoc quod Ego?
Tanta inest Titulis vis internata, pruritus,
Ut capiant sanctos nomina vana viros.
URbice! quique rudi degentes rure beatos
Differis, in tuta falleris Urbe tua.
Quaeso veni nostras nobiscum vivere mortes;
Pace frui summum dixeris esse bonum.
Principium pacis Deus alme, et clausula! Pace
Da mihi in Urbe frui; nam satis orbe fui.
Mutavit mentem, caesas Philander aristas
Colligit, et Iuris lemmata Rure legit.
Interea saevis ardent nova proelia bellis,
Nullus et in totis est homo tutus agris.
Hostibus in mediis, inter gladiosque,necesque
Hac serit arva manu, qua gerit arma manu.
Tunc tua res agitur, Mulier cum proxima plorat.
Plorando fraudem cogitat illa novam.
Lilia mixta Rosis, Rosis ubi mixta manebunt
Anglia,quae stannum est, Aurea tota foret.
Rara placet miserae, quoniam capit otia, plebi.
Actio, quicquid agas, te facit illa pati.
CArmina sicca sient! biberent si carmina vinum?
Quis nobis ponet quis satis esse liquor?
Carmina sicca sient! vinum potare Poetae
Debent: Sunt Vatum vina falerna focus.
Est propter Vates,non propter Carmina, Vinum:
Sed propter Vinum Carmina facta putant.
At quia tam nitide vacuant sua pocla Poetae,
Fit bene ut aeternum Carmina sicca sient.
SIc velut in Regnis Reges, in Iure docentes
Pro Libitu Leges Collubituque legunt.
TE Ruffum quandoque voco,quandoque minorem
Nomino, ceu versus commoditate licet.
Ruffus es ut verbis summos superare thrasones;
Ut Virtute velis vincere, Ruffulus es?
NOn habeo Momum, non est mihi Zoilus ullus:
Nemo est qui miseris in videt ingeniis,
Ruffulus ille quidem fortunas, qua pote, nostras
Persequitur. Causam nescio. Persequitur.
Sed scio. magna sonat Ruffus pro more:ego sed quid?
Rideo,nil credo. Cur? quia verba dedit.
Vogelus egregie mendax, et crimine quovis
Perspicuus, famae lima strigilque meae:
Alter hic est cuius virtutem oppono flagellis:
Dexteritas vinci nescit, ubi domi est.
SIs Verax. Vinum vita. Reverere Parentes.
Dilige vicinos, et venerare Deum.
Haec summatim quinque Tibi Divinae Legis
Instar habe: si vis pluria? sume Decem.
Quod Regis Capiti aurea est Corona,
Id hoc Sponsa suo pia est Marito,
Casta sponsa Viri sui est Corona;
Viri est Imperium; Corona nullum
Regis Ius habet. Imperat Vir et Rex?
Sed Regina regantur et Marita.
SEu Vogelum voco te, seu te voco forte Vogelum?
Unum est, Vogelus tu mihi et es Fogelus.
Te quacumque coquat tandem Coquus arte Magister
Coctus es insapidus, Crudus es insipidus.
Qui vitiis tecum cuperet certare, Fogele?
Vincetur summo sit nebulone prior
VIta hominis poterit quaedam quasi Musica dici:
Vox, Miserere; Notae, Crimina: Pausa, Mori.
Post, Nova vita,novae Partes,nova Musica, Sanctus!
Sanctus! Ter sanctos Vox - Nota - Pausa Deus!
QUi novus est hospes, Blandini discito leges,
Si parcas auro, parcit et ille cibo.
Si careas nummis? peius divertere non est:
Aurum da laudes cantet ut ille tuas,
TE Contra Leges natum, Tonsoribus ipsis
Est nothum [(printer); sic: notum] : hinc natus diceris esse notus.
IN terris unum Terra generosius: Astra
Inspice, Terrenum dispice, tutus eris.
INtroitus Vitae labor est, dolor exitus; et quam
Vivimus incerta est totaque vita labor.
O miseranda hominum et Sors deploranda! Voluptas
Fellea! Mors vivens! Mortua vita! vale.
REgis ad Imperium sancti sit Regula Iuris,
Si Regit Imperium Rex Ratione suum.
Imperium sequitur, Ratio praecedit, haberi
Rex Cupis? Imperium stet Ratione tuum.
SOl solus pater est Naturae:immobile mater
Sola solum:Matris mellea Mamma salum.
Infantes,Nantes gradientes atque volantes:
Quae domus! aut Caelum aut Tartara. Mensa, modus.
SI patris aeterni [(transcriber); sic: aeteni] confiso lumine mentem
Cernis agit tecum, ceu pater esset, et est:
Si malus es! ne sic pereas, mox corrigit, et te
Morbo etiam vitii forte reducit ope.
Qui pater est, punit, raro connivet, Amorem.
Testantur Virgae, vis, dolor, Exilium,
AUla Deum raro, vel parum curat: in Aula
Qui vivit, raro Vir bonus esse potest.
Saepius in Caula plus est Pietatis: in Aula
Qui malus est, bonus est', qui bonus est, malus est,
Vis brevius dicam?nec longo Carmine? In Aula
Ille etiam malus est, qui bonus esse potest.
Illa ut de rebus praedicere falsa futuris,
Haec de praeteritis dicere vera solent.
Carmina longa velut farcimina longa refercis venundas,
Sed quae Muscerdam pro pipere intus habent.
Falleris: ingenuum Carmen non mole probatur,
Mica salis lolium vincit agreste tuum,
de Loly Hieroglyph. vide Pier. Val. lib. 56. pag. 538.
SI Certamen adest, trepidans ad pocula Curris,
Et vires Animo sic facis esse, tuo.
Egregie factum! Quod fas est quaerere,quaero:
Vires at vinum te facit esse Virum?
SI Venus orta mari? nobis ut Carmina dicunt:
Qui poterit dici quod siet ignis amor!
QUi prius insonti pomum interdixit Adamo
Malum, peccati noluit esse Malum. [Note: adde Horat. p. 498. a §. Providentia Dei. et fol. 498. §. sicut tu memoria et §. sicut tu quidam.]
CAna tibi Barba est, sunt Cani in fronte Capilli,
Et cum quo mordes os solet esse canum.
INdorum mos est, Unguis cui longior exstat,
Hunc Regno et Populis complacuisse Ducem.
Non ex mente probant, non ex virtute Monarcham,
Sed faciunt Regem Corpus et Unguis eum?
Unguis enim priscae signum Virtutis et Indis
Nobilitatis erat Militiaeque decus.
BArtole sta Iuri, si vis Iurista vocari:
Qui stat non aequa lance, is iniquus erit.
HEu quantum in terris dominatur Opinio! Multi
Dum laudare putant, conscelerare solent.
Titillare magis tituli quam pascere possunt:
Non titulando venit,Nomen, Agendo venit.
HOrrida torquentis transivit Noctis imago,
Atque redit Domino sic tribuente dies.
Terra Deum laudet! laudent Animalia Nomen
Numinis: applaudant aequora, piscis, aves.
Audi, Cerne, Nota, Numen qui spernis, ut ipsa
Mane Creatorem laudet Alauda suum.
Esto pius Domino. Sobrius tibi. et aequus in omnes,
Haec tria sunt animae pharmaca sancta tuae.
Fallor, an a Verbo nomen trahit Optimus opto?
Namque optare potes vix quidem habere bonos.
Germani aptabant olim ex albedine nummos:
A nummis hodie, discute, Candor abest.
Fortunae imperium, ceu numina sancta timetis.
O pecus! o tepidum, perdita turba, genus!
An fuit ulla umquam, ceu creditis esse, dearum
Sors? venit a solo sors tua tota Deo.
Totum infecta gregem inficit Capella,
Cum morbo et scabie gravi laborat.
In versu secus est: Quis improbabit
Ob duo vitia integrum libellum?
Certe non nisi filius Catonis.