EPISTOLA DEDICATORIA. INCLUTI COMITATUS SCHWARTZBURGICI UTRIUSQUE LINEAE, CIVITATUM ARNSTADII, FRANCOHUSAE, RUDELSTADII, SONDERSHUSAE, KÖNIGSEE, LEUTENBERGAE, ILMENAE, GREUSSENAE, ET BLANCKENBURGI, MAGISTRATIBUS SENATORIIS, OMNIBUS AC SINGULIS, FAUTORIBUS ET AMICIS SUIS COLENDIS, FELICITATEM PERENNEM!

COllegia opificum, Viri Senatorii, certis nixa legibus ac Statutis, quae iusta, aequa, commerciorumque libertati non contraria, in civitate rem esse tam publice quam privatim utilem ac salutarem, in confesso est lapud omnes; contra vero, si eadem aut penitus negligantur, aut ob frequentem abusum (ut non raro fieri solet) in pravitatem monopolicam degenerent, aut neglecta omni aequitate, temporumque conditione, contra superiorum ac statuentium intentionem, detorqueantur, rem esse per niciosissimam, nemo inficias ire poterit. Ea propter Magistratibus Ciultatum maxime incumbit, ut eiusmodi mala, ex abusibus statutorum Opificum nascentia, summa cura praecaveant, severe coerceant, ac sine mora, fremente licet turba lucri cupida, corrigant tollantque. Cum primis autem Collegia pistorum, lanionum, et qui circa curam annonae publicae occupantur, perpetuam ac fidissimam inspectionem exigunt, ne sub iis monopolae, propolae, Dardanarii, annonae flagellatores, similisque farinae homines delitescant, civesque misellam cumprimis plehem, pro libitu rerum pretia statuentes, premere et exhaurire audeant.

Cum igitur Vos, Viri Senatorii, Illustrissimi Comites Schwartzburgici, Domini nostri Clementissimi, Civitatum Magistratus ac Defensores publicae rei constituerint, vobisque curam utilitatis civium demandando, iniunxerint, ut statuta opificum atque artificum collegiis gratiose concessa, certisque privilegiis firmata, custodiatis, eaque ad a)uta/rkeian salutemque publicam omni ope dirigatis; Agite, agite, igitur, sanctissimam ac saluberrimam hanc curam suscipite prompti, et quantum in vobis est, eo laborate, ut vestrae vigilantiae et administrationi concreditae universitates floreant, vireant, vigeantque. Ea five Tractatum hunc de Collegiis opificum, horis subsecivis conscribere, Vobisque Viri Senatorii, consecrare, mihi visum fuit, ut in promptu sit consilium, si forte in una vel altera causa, hanc rem concernente, eo opus fuerit, simulque calarac stimulum in hac recuranda, Vobis addam. Quam curam meam, ut aequibonique consulete velitis, rogo. Faxit Iehova, Magistratuum omnium Auctor ac Defensor maximus, ut Regimen et Administratio vestra, in ipsius divini Numinisgloriam, totiusque illustrissimae Reip. Schvvattzburgicae salutem et incrementum, unice atque unice vergat. Dab. Rudelstadii, è Museo. Secundo die Martii, qui est Iullstrissimo Comiti Schvvartzburgico, Domino Alberto Anthonio, Domino nostro clementissimo, natalis vigesimus nonus, Anno Gratiae M CI CLXIX.

Vester Officiosiss. Ahasverus Fritschius. D.

Ad Benivolum Lectorem! PRAEFATIO.

CUm in multis civitatum iudiciis non raro acerrimae lites ac controversiae, circa iura ac privilegia, quibus opificum collegia gaudent, venti landae occurrant, operaepretium mihi visum fuit, sub secivis horis, quantum quidem per concataenata negotia publica licuit, breviter materiam istam utilis simam, iuxtausum ac mores Germaniae nostrae, examinare, Lectorietiam singularia quorundam opificiorum statuta ac leges fundamentales, ex Arcbivis publicis maximam partem productas, communicare, ut ex iis, quid in eius modi contro versiis pro qualitate rei ac conditione loci, fere iudicandum sit, aliquatenus perspicere liceat. Quam operam, ut benivolus Lector aequi bonisque consulere, et si alicubi forte errata occurrant ea, amice corrigere velit, rogo. Valeat in Domino nostro optime; Dab. Rudelstadii. die X. Martii. Anno Gratiae, M CI LXVIII.