Minister Peccans , Sive Tractatus De Peccatis Ministrorum Principis : Conscientiae Ipsorum Excutiendae Inserviens. - Editio Altera, Priore Correctior. Machine-readable text Fritsch, Ahasver Fritsch, Ahasver XML version, markup prototype, December 1999 Ruediger Niehl markup Camena
http://www.uni-mannheim.de/mateo/camenahist/ fritsch17 fritschminister.html s001.html fritschminister.xml fritsch17/jpg html Jenae : Typis ac sumptibus Joh. Gollneri, 1675.

Regeln fuer die Texterfassung 03/2001

not necessary

 30 May 2005 Ruediger Niehl markup typed text - structural tagging complete - no semantic tagging - no spell-check IN NOMINE IUDICIS AC VINDICIS DEI IUSTISSIMI! AHASVERI FRISCHI, MINISTER PECCANS, SIVE TRACTATUS DE PECCATIS MINISTRORUM PRINCIPIS, CONSCIENTIAE IPSORUM EXCUTIENDAE INSERVIENS.

Tu, qui sis, te ipsum interroga, nec conscientiam ac bonam famam neglige.

B. Parens. in Moral.

 EDITIO ALIERA, PRIORE CORRECTIOR. IENAE, Typis ac sumptibus IOH. GOLLNERI, ANNÔ MESSIANÔ M DC LXXV
AMPLISSIMO ANTECESSORUM IN CELEBERRIMA ELECTORALI-PALATINA ACADEMIA HEIDELBER GENSI, ORDINI VIRIS NOBILISSIMIS, CONSUL TISSIMIS, ET EXCEL LENTISSIMIS, DO MINIS, FAUTO RIBUS AC AMICIS SVIS PLURIMUM HONORANDIS, Salutem et Felicitatem perennem.

QUod, VIRI EXCELLENTISSIMI, Amplissimo Collegio vestro Libellum hunc sacrare decreverim, cumprimis me movit Vestra insignis erga me meaque studia benivolentia, quam superiore anno reapse contestari voluistis, dum in alma vestra HEIDELBERGENSI primariae professionis Iuridicae sparta, tunc temporis vacante, me prae aliis dignum iudicantes, adstipulante Serenissimo ac Potentissimo Principe Electore, Domino nostro Clementissimo, Collegam vestrum seriis votis exoptare, multisque ad spartam eam splendidissimam capessendam non contemnendis rationibus me impellere, non dedignati fuistis. Quamvis autem ambigua valetudo, ac tristissimibellorum motus aliaeque causae mihi in praesens mutationem dissvadere videbantur, nihilominus tamen singularis vestra erga me adfectio publicam grati animi tesseram optime promeruit. Accipite igitur, Viri Honoratissimi, hunc Libellum, quem, ut quale quale signum gratitudinis, Vobis offero, serena fronte, vultuque benigno, eumque contra invidos Zoilorum morsus patrocinio vestro dignamini. Deum opt. max. calidissimis votis precari non desinam, Halcyonia Pacis fere agonizanti Patriae nostrae Germaniae largiri, florentisfrmam ACADEMIAM HEIDELBERGENSEM, et in ea Amplisimum Ordinem Vestrum Iuridicum, pro communi Reip. Christianae salute fovere, sanctissimam Iustitiam contra Machiavellisticarum artes obtegere, Vosque omnes diutissime incolumes servare ac tueri velit. Dab. Rudelstadii è Museo. d. XIIX. April. Anni M DCC LXXIV.

Amplitud. et Excell. Testr.

indefessus Cultor

AHASV. FRITSCHIUS.

PRAEFATIO.

COnclusiones hasce de Peccatis Ministrorum Principis brevi ac simplici sermone conscriptas, inter concatenatas occupationes publicas, horis subsecivis natas esse, Benivolus Lector sciat. Contestamur coram DEO omniscio, eas eodem animo, quo nupere de Principum Paccatis, à nobis editas Conclusiones, solo scilicet pietatis, veritatis ac iustitiae amore, nos conscripsisse, spe non dubia, ex quali quali hoc sibello, si is sincerto, et a pavis adfectibus libero animo legatur, aliquam ex lectione ista in Christianam Rem publicam redundaturam esse utilitatem. Facile equidem est, (ut nonnemo scribit) Palatiorum mores carpare: et benigna materia est in vitia dicere. Multi etiam sunt, qui peccatis fieri convitium gaudent, nec in suam tamen conscientiam descendunt, latebrasque et receslus explorant, ac vitia emendant. Admittebant equidem, quin et postulabant nonnullae Conclusiones, heic brevissime saltim tractatae, et fere primis (quod aiunt) labris attactae, prolixiorem, magisque curatam pertractationem, sed animus noster fuit, omissa candidi Lectoris iudicio permittere, cui non difficile erit, si non mores et exempla depravatis simi huiies, ad panoleqri/an vergentis saeculi, sed aeternam et infallibilem DEI legem, pro noma habeat, ea supplere. Si quid forte nimis generaliter dictum deprehendatur, id forte excusabit frequens negotiorum intercapedo, corporisque aegritudo. Iustissimum DEUM humillimis precibus ac votis imploramus, Nos omnes, quibus partem aliquam Reip administrandam commenda vit, Spiritu suosanctissimo regere velit, ut nihil quidquam intendamus, nihil loquamur, faciamus, aut exsequamur, quam quod ipsius Numini gratum et acceptum, ac Reip. Christianae salutare. Faxit Ille, qui omnia potest, et sine quo nihil sumus, nihil possumus. Dab Rudelstadii, in Aula. die XVIII. April. Anni M DCC LXXIV.

SUlpitius prisci, nostri Cuiacius aevi FRITSCHIUS haec scripsit: Urbis et Orbis Honor: Roma Rudolphopoli submitte, et Gallia cristas; Ecce parem vestris, qui absque fuere pari!

fecit

IOH. LUDOV. HARTMANN, SS. Th. D. et Superint. Imperial. Rotenb. ad Tubarim.