Rerum Germanicarum Scriptores aliquot insignes : Qui gesta sub Regibus & Imperatoribus Teutonicis [...] perpetua ferč serie, suis quique seculis, litteris mandata posteritati reliquerunt. Tomus [...] ; ex bibliotheca Marquardi Freheri [...] olim editus, nunc denuo recognitus, additis scriptoribus aliis antea ineditis; cum glossario, locis aliorum auctorum parallelis, notis ac indice rerum & verborum copiosissimo. Editio tertia, reliquis locupletior et emendatior. Curante Burcardo Gotthelffio Struvio [Struve, Burkhard Gotthelf; 1671-1738] [...}. - Argentorati : Sumptibus Johannis Reinholdi Dulsseckeri, 1717. - [Bd.] 1: [...] gesta sub Regibus & Imperatoribus Teutonicis, jam inde ą Carolo M. usque ad Fridericum III. Imp. [...]. Machine-readable text Freher, Marquard Freher, Marquard XML version, markup prototype, December 1999 Ruediger Niehl markup Camena
http://www.uni-mannheim.de/mateo/camenahist/rgs/ bd1 RGS_1_carmina_gratulatoria.html as001.html RGS_1_carmina_gratulatoria.xml bd1/jpg html Straßburg: Johannes Reinhold Dulssecker, 1717.

Regeln fuer die Texterfassung 03/2001

not necessary

 09/2007 Reinhard Gruhl markup typed text (list of contents only)- structural tagging completed - no semantic tagging - no spell check - no orthographical standardization RERVM GERMANICARVM SCRIPTORES aliquot insignes, Qui gesta sub Regibus et Imperatoribus Teutonicis, jam inde a Carolo M. vsque ad FRIDERICUM III. Imp. perpetua fere serie, suis quique seculis, litteris mandata posteritati reliquerunt. TOMVS PRIMVS. Ex BIBLIOTHECA MARQVARDI FREHERI Consiliarii Palatini, Olim Editus, NVNC DENVO RECOGNITVS, additis SCRIPTORIBVS ALIIS ANTEA INEDITIS. Cum Glossario, Locis aliorum Auctorum parallelis, Notis ac Indice rerum et verborum copiosissimo. EDITIO TERTIA, Reliquis locupletior et emendatior. Curante BURCARDO GOTTHELFFIO STRUVIO CONSILIARIO ET HISTORICO SAXONICO. ARGENTORATI, Sumptibus JOHANNIS REINHOLDI DULSSECKERI, ANNO MDCCXVII. PAVLI MELISSI FRANCI, COMITIS PAL. ET EQ. AUR. CIVIS ROMANI. CARMEN ALCAICVM. AD NOB. ET CL. VIRVM MARQVARDVM FREHERVM, Consiliarium Palatinum. ANTIQVA tignorum et veteres domos, Rimae ruinam sicubi praecipem Minentur, instaurare docti Cura sagax amat architecti, Hac parte et illā parietibus probe Statuminandis fulcra trabalia Rite oggerentis, nec periclum Non capiti graue submouentis. Resarciendis fragminibus librūm, FREHERE, vester non aliter labos Desudat, integrare sollers, Si qua lacuna dehiscat intus, Opemve quaerat historiis recens Textura priscis, gloria Caesarum Regumque Francorum, perinde vt Saxoniae quoque Sueuiaeque. Ducum potentum. Colligis vndique Scrutator vrgens, Vindelici ratā Adiute VELSERI Minervā Naufragii tabulas relictas AEuo priori, pluribus et retro Abhinc peractis ordine saeculis, Easque adunatim coassas. Quo studio, generose, quantum Inis disertorum a grege gratiam! Quantum fauorem concilias tuis Vindex dolabris asciisque! Praemia quanta faber mereris Argutus ille, et prae reliquis catus! Heroicorum non modo Manium. Manūs inaurari FREHERO Cuncta manus cupit et peroptat, Sed Teutonorum et daedala Principum Corona, viuos quos sua patria Adhuc adorat, suspicitque Praecipue, diadema dignum Fronte eruditā destinat, incliti Pignus laboris. Nos tibi nobiles Per hasce Musas, perque Phoebum, Nobile calcar et incitamen Ad clariorum post operum addimus Inventa vulganda, inuidiam citra Momique fastum, Zoilive Liuida puncta, Canisve taetrum Latratum hiantis. Perge age pergere Calle irremisso gnavus et impiger, Vt plura committas apertae Ingenii monumenta luci, Seu Marte fusim condita proprio, Seu pigriori puluere vel situ Neglecta, et abs te diligenter Eruta, peniculoque tersa; PITHOEUS alter ceu solitus, mihi Conuictor olim ad Socraticas dapes. Et contubernalis quietus Allobrogum vrbe in amoeniori. Nunc te minor, non inferior dehinc Laus consequetur; quanquam hodie tuum Fama ante chartis parta nomen Praepete vexit in astra pennā.

Anno M. DC. Mense Augusto. Myrtilleti.

 IN SCRIPTORES HISTORIAE GERMANICAE VETERES, EDITOS A MARQVARDO FREHERO viro nobiliss. et clariss. QVos tineae blattaeque diu rosere nocentes, Quos situs immundo puluere pressit iners, Quos niger aeternis liuor damnauerat umbris, Historiae auctores Teutona terra tuae; Illos dat luci patriae Lux magna FREHERVS, Non passus genti hoc lumen abesse suae. Quem potius laudem? an qui primus scripsit, an illum Per quem quae fuerant poene sepulta, patent? Magnus vterque labor! sua laus et gloria vtrisque Dum studia et pietas salva manebit, erit. Viue diu, vt viuant per te, quos viuere fas est, Communis patriae nate FREHERE bono.

HENR. MEIBOMIUS, in Iulia Academia Professor Poet. et historicus.