04/2005 Ruediger Niehl
Notes: Greek text only sporadically inserted; errata list at end of file not worked in; new TEI header; typed text - simplified structural tagging - no semantic tagging - no spell check


page 621, image: s651

TILEMANNUS HESHUSIUS.

HUius vitae perioduis inchota est Vesaliae ad Rhenum, sub annum
Christi, millesimum, quingentesimum, vicesimum sextum. Adolescens cum
ingemo esser ommum capaci, literis se humanioribus rotum dicavit;
inprimisque in divinarum rerum cognitione elaboravit. Haidelbergae
itaque, vir non magnae aetatis, et professor Academiae, et pastor
ecclesiae designatus; sacras


page 622, image: s652

literas publice pro eathedra scholae, et pro suggesto in aede Spiritus
sancti, explicavit.
Ibi inter ipsum et Guilielmum Clebitum, certamen infelix super cena
Dominica ortum est. Princeps itaque piissimus Fridericus tertius
Elector Palartinus ad Melanchthonem civem suum rem omnem perscribit:
simulque consilium eius exquirit. Melanchthon anno quinquagefimo nono
scripto, quod publice post mortem auctoris, contraque voluntatem eius
editum; exstat [Note: * In consil. Th. part. 2. p. 378.] , consilium suum et
confessionem diserte exponit. Heshusius itaque cum Lutheri de cena
sacra sententiam mordicus retineret ac propugnaret: a principe
Electore, ut finis esset conviciorum et insectationum in sua urbe,
dimissus offen susque vehementer iudicio Melanchthonis de se, acerbe
respondit, ac ne mortuo quidem et bene merito praeceptori pepericit.
Edidit et alia sub id tempus [Gap desc: Greek word] , in Ienensi
Academia: undein Borussiam invitatus Regiomontium venit: ibique sacra
docuit: donec anno Christi millesuno, quingentesimo, septuagesimo
sexto ingens inter ipsum et Wigandum dissidium fuit exortum, propter
Abstracti usum. Heshusius itaque et cum co ministri, qui Heshusium
damnare nolebant, cedere coactus anno septuagesimo septimo, Lubecam
cum familia appulit: unde statim Helmstadium est evocatus.
Anno octogesimo tertio, die decimo quarto, et decimo sexto Ianuarii,
habitum est colloquium Quedlinburgi in Saxonia, super Ubiquitatis, ut
vocant, dogmate: quod alii Maiestatis Christi specioso nomine
palliant: habitum est inquam, inter Theologos Electoris Saxoniae, et
Brunsuicenses. In eo praecipuae partes demandatae a Theologis
Brunsuicensibus Heshusio fuerunt: qui [Gap desc: Greek word] negavit
doma illud generalis Ubiquitatis (nam plura eius genera excogitarunt)
in sacrae scripturae canone haberi: neque indeposse demonstrari.
Acta illius colloquii edita sunt: et palam quid statuerit, docent. Sed
ut emblema quasi aliquod interponamus, argumenta illorum, Ubiquitatis
dogma propugnantium, iuvat afferre, quae haec fuerunt. Primum ad
Ephes. 1. dedit eum caput super omnia ecclesia: quae est corpus, et
plenitudo eius: qui omnia implet in omnibus. 2. ad Ephes 4. adscendit
super omnes caelos, ut omnia impleret. 3. ex Psalm. 8. constitues eum
super omnia opera manuum tuarum: omnia subiecisti sub pedibus eius. 4.
ab unione personali. 5. a dextera DEI.
Vitam in his terris finiit Heshusius in academia Iulia, anno christi,
millesimo, quingentesimo, oectogesimo, octavo, die vicesimo quinto
Septembris, aetatis suae anno sexagesimo secundo. Successit ei Daniel
Hofmannus Theol. D.


page 623, image: s653

Scripta edidit non pauca variis de argumentis: quorum tituli in
librorum indicibus recensentur.
Ex lib. examinis Heshusii a Boquino: ex chronico Borussia Caspari
Hennebergeri: Lavateri historia Sacramentaria, aliis.