IMmanuel Tremmellius in Italia Ferrariae patre Iudaeo natus, linguae Hebreae peritissimus. Qui cum Lucam, itidem Italiae urbem, cum Petro Martyre Vermilio, et aliis, in occulto Protestantium doctrinae addictis, concessisset: Hebraeam ibi linguam aliquamdiu docuit.
Postremo Italio omnino relicta, cum ipso Vermilio et sociis in Germaniam venit: acprimo Argentorati domicilium fixit. Exinde in Britanniam, potiente rerum Eduardo VI. Anglorum rege, transmisit, quo mortuo Germaniam repetiit: et in schola Hornbacensi sub Volffgango Duce Bipontino, aliquandiu docuit, Hornbaco Heidalbergam, ad linguae sanctae professionem sub Frideraco, III Com.
Palat. Elect. evocatus, Syriacam ibi novi Testamenti interpret ationem Latinitate donavit; et postea novam veteris foederis ad Hebraicae veritatis fontes examinatam translationem molitus est, socio tanti laboris adscito Francisco Iunio Biturige. Qui post Tremellii obitum eandem editionem in opere alieno plus iusto ingeniosus recensuit, et additis multis auctiorem potius quam meliorem iudicio quorun dam reddidit.
Relicta postremo Heidelberga Diviodurum Mediomatricum, (ubi olim ex Italia veniens, uxorem duxerat) concessit: unde Sedanum, Bullionii Principum sedem, evocatus; ut in nova Academia linguam Hebraeam profiteretur, septuagenario proximus, ac de lingua sancta bene meritus, decessit anno Christi millesimo, quingentesimo, octogesimo. Magna itaque gratia, quod olim de Epicharmo scriptum, huic viro debetur: qui eam calluit et propagavit lin guam: quam, ut [Note: Lib.16.de eivit. Dei. c.II.] Augustinus alicubi, Patriarcharum et Prophetarum non solum in sermonibus suis: verum etiam in literis sacris custo divit auctoritas: qua sapientia omnis tam divina, quam humana continetur.
Scripsit Grammaticam Chaldaeam et Syram: edidit Novum Testamentum Graece et Syriace, cum geminatranslatione Latina, in cuius operis calce adiecta est Grammatica Chaldaea et Syra: item in Hoseam Prophetam interpretationem et enarrationem, una cum aliarum, tam veterum, quam recentium examine et iudicio: unde earum errores non modo facile possint animadverti, sed fontes ipsi, ex quibu fluxerint, certo inveniri, et penitus inspici a quovis queant. Idem, ut modo attigimus, cum Francisco Iunio Biblia sacra Veteris Testamenti ex Hebraeo transtulit brevibusque scholiis illustravit. Edidit etiam Martini Buceri praelectiones in Epistolam ad Ephesios.