December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 72, image: s096

APIVM, penult. corripit.

Et virides apio ripae, tortusque per herbam.

Virg. 4. Georg.

Tuus apii sucus leni sociatur olino.

Seren. tit. subit. dol.

Apium, est planta culinaria, quae habet caulem crassum, striatum, excavatum, et viridem: folia petroselini, sed maiora, viridia, splendentia, polita, sucum odoris penetrantis, et ingrati habentia, praesertim si folia contunduntur, saporis fortis et ingrati. Flos umbelliferus, albus vel luteus, cuius calix abit in duo semina striata, curta, crassiuscula, grisea, saporis acris et ingrati; radices edules, carnosae, crassae. Crescit haec planta in fossis et humidis locis, sed plerumque in hortis colitur. *se/linon a lunae dominio vocatur, Eleoselinum ab e)/los2 palus et *se/linon Apium. G. Selleri, Eppich, Epffig.

APIVM RISVS, vide Risus Apium.

APIVM SYLVESTRE, idem quod Batrachium.

APNOEA, est respiratio ad sensum, vel in totum abolita, ex a priv. et pne/w respiro.

APOCHYLISMA, SUCCAGO, ROBUB, ROB, et ROHOB est succi cuiuscumque ex vegetabilibus, cum saccharo aut melle, in duriusculam sapae consistentiam coctio et inspissatio, hinc Rob cerasorum, prunorum, rubi, mororum. Ab a)poxuli/cw sucum extraho. G. Conserf. Eingekochter Saft.

APOCLASMA, est partis cuiusvis in corpore abruptio, ab a)poxla/w abrumpo, defringo.

APOCOPE est partis abscissio, ab a)poko/ptw abscindo. Vide Exstirpatio. G. Abschneidung.

APOCRISIS, et APOCRISIA est id quod ex abundantia quasi e corpore eliminatur, ab a)po\ ab et kri/nw secerno.

APOCRVSTICVM, est auxilium constringendi et repellendi vim obtinens. Ab a)pokrou/w: repello. G. Zurücktreibend Mittel

APOCYNVM, est planta quae crescit ut arbuscula, dimittens ramos rectos ad altitudinem circiter trium pedum; folia habet oblonga, ampla, crassa, instar aloes caulibus adversa, alba, sucum lacteum continentia, amarum et acrem: flores nascuntur ad foliorum extremitates instar aristae, sunt campaniformes, quinquifidi, flavi; radix longa, fibrosa, fortis. Haec planta crescit in Aegypto, ubi vocatur ossar, et fructus eius, qui pugni magnitudinis est et oblongus, dicitur Beidel-sar, quasi Beidel-ossar, quod Arabice notat ovum ossar; in eius

page 73, image: s097

fructu reperitur lanugo, qua utuntur incolae ad inserendum inter stragula, et in culcitris. Haec planta omnes quadrupedes carnivoras, et praesertim canes, in cibum data necare traditur, componitur et a priv. significans ab, et ku/wn canis. G. Hundstodt. Latini vocant etiam brassicam caninam, cynocramben.

APODACRYTICVM, est medicamentum lacrimas excitans: sed aliis est collyrium lacrimarum effusionem desiccans et cohibens, ab a)podakru/w lacrimas excito.

APOLEPSIA, et APOLEPSIS est spirituum animalium et sanguinis interceptio. Vel est medius status inter apoplexiam et paralysin, vel est apoplexiae species, sive subitanea et fugax vocis interceptio cum sensus et motus omnimoda frustratione, ab a)polamba/nw intercipio. idem quod catalepsis.

APOMELI, Gr. a)po/meli est aqua mulsa, seu hydromeli dilutius: aliquando idem significat, quod oxymel, seu decoctum ex aceto et melle, ab a)po/ de, et me/li mel, quasi de melle coctum.

APONEVROSIS, est finis, cauda seu chorda musculorum; dicitur etiam tendo, ex a)po\ de, et neu=ron nervus; nec male, cum musculus totus constare ex nervis videatur, quorum finis est tendo. G. Spannader.

APOPHLEGMATISMVS, vocatur medicamentum, quod lentam, subalbam, pituitosam materiam, secretam ex membrana pituitaria, nares earumque ossicula, sinus frontales, maxillares, ossis cuneiformis etc. investiente, generat, dissolvit, climinat: sive id fiat specie errhinorum, gargarismi, masticatorii, collutorii, linctuum, vel fumi, hinc apophlegmatismus reducitur ad ptarmica sive errhina, et sialagoga, sive salivam moventia, quia haec omnia, quae pituitam educunt, agunt vel per nares eliciendo vel per os; hinc apophlegmatismus dicitur ab a)po\ ab et fle/gma pituita. G. Schleim austreibende Mittel.

APOPTHORA, est abortus, sive fetus immaturi in lucem editio, ab a)pofqe/w corrumpo. Vide Abortus.

APOPHYSIS, PROBOLE, ECPHYSIS, PROCESSUS, PRODUCTIO, PROIECTURA et PROTUBERANTIA est pars ossis non contigua, ut epiphysis, sed cum osse continua, et ultra planam superficiem protuberans. Ut processus pterygoides, mammiformis, etc. ab a)pofu/w produco. G. Auswachs, Fortsatz.

APOPLECTICAE VENAE, sunt venae iugulares; male ab antiquis Soporales dictae.