December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 74, image: s098APOPLECTICA, sunt medicamenta adversus apoplexiam.
APOPLEXIA, ATTONITUS STUPOR, MORBUS ATTONITUS et SIDERATIO dicitur. Est sopor in quo aegri subito concidunt, et iam prostrati, neque movere, neque loqui, neque si pungantur, quod sentiant, testari possunt, iacentcs supini flaccidis membris, ut in paralysi, cum respiratione parva ac difficili, sive anhelatione, stertentes ac si dormirent vel moverentur, palpebris clausis aut contractis; sed pulsus et faciei color remanent, nisi gravis sit apoplexia, iam deliquiis et morti manum po rrigens, sed ore etiam patulo, et hiante, ex quo humor, et spuma effluunt, aeris subsidium quasi petunt; deinde urina, alui faeces et semen solent exire, atque nisi in paralysin mutetur apoplexia, aut aliter solvatur, mors brevi instat. Quando cum respiratione pulsus magis magisque deficit, et extrema frigere incipiunt; facies quoque ruborem cum pallore mutare, et stertor, qui ab initio adest, primum maior fieri, deinde minui et cessare, actum est. Oritur a quacumque causa impediente spirituum animalium afluxum et effluctum ex cerebro per organa sensuum et voluntatis, superstite cerebello libero, ab a)poplh/ttw percutio. G. Der Schlag, GOtteshand [note of the transcriber: in the print: Der Schlag GOtteshand].
APORRHOAE, sunt effluvia sulpurea et vaporosa, per per corporis poros et spiracula cetera, exhalantia: ab a)por)r(e/w defluo. G. Aufsteigung der Dünste.
APOSCEPARNISMVS, est fracturae cranii species, quando pars quaedam ita ablata est, tamquam ascia aut dolabra fuisset resecta. Ex a)po\ ab et ske/parnos2, ascia, dolabra. Aliquando tantum significat os ruptum et divisum, sic ut in eo teli acuti vestigium sit relictum.
APOSITIA, est alimentorum fastidium, ex a)po\ de et si=tos2 cibus. G. Eckel, Unlust zum Essen.
APOSPASMA, nominatur, si partium organicarum et compositarum unitas solvatur et quae diversi generis, iuxta communem ordinem, inter se compacta sint, atque coaluerint, disiungantur, divisis et abruptis ligamentis, filamentisque illis fibrosis, quibus coniungebantur: Ut cum cutis aut membrana a musculis, musculus a musculo aut osse, atque omnio partes, quae prorsus inter se cohaerebant, disiungantur. *)apospasma/tion est particula avulsa, ab a)pospa/w detraho. G. Abreissung, Abtrennung