December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 77, image: s101

AQVAE DVCTVS Fallopii, est foramen ossis temporalis proprium, inter processum mastoidem, et styloidem, portionem duram nervi auditorii transmittens.

AQVAE DVCTVS NVCKII, sunt continuationes vasorum sangiferorum scleroticam perreptantes et perforantes.

AQVA FLORVM OMNIVM, est aqua ex stercore bovis, gramine vescentis, destillata: sic dicta videtur, quod omnibus pratorum floribus pascantur.

AQVA INTER CVTIM, idem quod Anasarca.

AQVA PERICARDII, est liquor [correction of the transcriber; in the print linquor] serosus, qui in cordis sacculo colligitur; exigua plerumque copia, reperitur; videturque pro cordis humectatione, motusque facilitate (quiliberrimus hic requiritur) inservire; quod ne deficiat, in capsula sive sacculo hoc colligitur. Num a glandulis basi cordis incumbentibus is humor delabatur, ac per vasa lymphatica in ductum chyliferum relegetur, merito dubitatut, quia hae viae non demonstratae hactenus sunt, nec modus quo in ductum chyliferum deferatur; credendum potius ab extremis osculis arteriarum ibi stillari, et per vasa resorbentia introsumi rursus, et misceri sanguini. Dicitur et urina cordis seu pericardii et hydrocardia. G. Hertzwasser

AQVALICVLVS, seu INFIMUS VENTER idem quod hypogastrium et abdomen.

AQVEVS HVMOR, vide Humores oculi.

AQVIFOLIVM, rectius acuifolium, idem quod agrifolium , ab acus et folium.

AQVILA ALBA, chymicis est mercurius dulcis [note of the transcriber: in the print: duclis].

AQVILAE LAPIS, vide Aetites.

AQVILEIA, AQVILINA, vel AQVILEGIVM, est planta quae habent caulem exiguum, rubicundum, villosum, ramosum; folia chelidoniae maioris, lobata, profunde incisa, caulibus longis adhaerentia; florem plane anomalum, figuram aviculae repraesentantem, coloris cerulei, vel rubicundi; pistillum floris abit in multas siliquas membranosas, caput referentes, includentes semina exigua, compressa, polita, nigra, subrotunda; radix instar pollicis crassa, alba, fibrosa, saporis subdulcis; crescit in montibus et silvis. Nomen accepit a florum mucronibus aduncis instar aquilarum unguium, ut, Bauhino et Bod. a Stapel visum; non ab urbe Aquileia. G. Agley, Ackeley.

AQVVLA, idem quod Hydatis.