December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 80, image: s104

ARCHE est morbi initium, ab a)/rxomai, incipio. Vide Acme.

ARCHEVS est (ut Chymici quidam loquuntur) summus, exaltatus, et invisibilis spiritus, qui separatur a corporibus, exaltatur et ascendit, occulta rerum virtus, generalis omnibus artifex, et medicus. Item Archiatros, supremus rerum medicus, qui rei cuique suum archeum peculiarem, et membro cuilibet occulte per aerem distribuit. Item Archaeus primus in rebus, vis est occultissima res omnes producens, ex Iliaste, divina virtute nimirum suffulta duntaxat: vocabulum est Helmontio frequentissimum. G. Fürnehmste Krafft, vel subtileste Geist.

ARCHIATER est medicus supremus; vel qui caput et dux aliorum medicorum est: ideoque primarius vel senior dicitur. Ita principum et magnatum medici kat' e)coxh\n archiatri vocantur. ex a)rxh\ principium et i)atro\s2 medicus. G. Stadtartzt, fürnehmster Artzt.

ARCHIGENI MORBI, seu acuti, ab a)rxh\ principatus, genna/w gigno; quod nempe imperium in sanitatem teneant: vox male composita, et paucis probata.

ARCTOSCORODON est allium ursinum ; ex a)/rktos2, ursus [correction of the transcriber; in the print ursu], et sko/rodon allium. G. Waldknoblauch, Hundsknoblauch.

ARCTOSTAPHYLOS est ursi uva, seu vaccinium rubrum, ex a)/rktos2 ursus, et stafu/lh uva.

ARCVALIA ossa, dicuntur aliis ossa syncipitis , aliis ossa temporum : hinc sutura arcualis est eadem, quae coronalis.

ARCVATVS MORBVS, vide Icterus.

ARDEA penult. corripit:

Urbis et ipsa suis deplangitur ardea pennis.

Ovid. Met. 14.

Ardea avis, est species avis aquaticae, fissipedis. G. Reiher.

ARDENTES FEBRES [note of the transcriber: in the print: EEBRES] sunt, in quibus praeter alia symptomata, magnus aestus, ardor et sitis deprehenduntur, ut in Causo et Lipyriis. vide Causus.

ARDOR seu aestus , est calor in corpore nostro intense auctus. G. Hitze.

ARDOR VENTRICLI, doloris ventriculi peculiaris species est, quae tamen simul etiam cesophagum molestat, quam tou= stoma/xou kau/swna, ardorem stomachi, et nonnulli ebuilitionem, ardoremque stomachi ebullientem, nominant: quibusdam soda, quando ardens quidam dolor in ventriculo et gula percipitur, qui urendo quasi molestat. Malum hoc sanis

page 81, image: s105

etiam saepe familiare est, tum cibum sumentibus, tum ieiunis: imprimis cum eructant,intus incluso quasi flatu igneo et erumpere non valente. Nonnumquam tamen et in febribus accidit, Causa mali est efferescentia quaedam a particulis oleosis aut biliosis, unde ebullitio, sive ardor ventriculi ebulliens, persentitur: vel potius ab acri quocumque sive acido sive aicalino, moleste os ventriculi afficiente, et saepe a defectu muci ventriculum obducentis. G. Hitze des Magens, Sode.

ARDOR VRINAE, vide Dysuria.

AREA [1] Celso arearum duo genera sunt. Commune utrique est, quod emortua summa pellicula, pili primum extenuantur: deinde excidunt, ac, si ictus is locus fuerit, sanguis exit liquidus, et mali odoris: increscitque in aliis celeriter, in aliis tarde. Peius est, quod densam cutim, et subpinguem, et ex toto glabram facit. Sed ea, quae a)lopeki/a nominatur, sub qualibet figura dilatatur. Fit et in capillo, et in barba, Id vero, quod a serpentis similitudine o)fi/asis2 appellatur, incipit ab occipitio; duorum digitorum latitudinem non excedit: ad aures duobus capitibus serpit; quibusdam etiam ad frontem, donec se duo capita in priorem partem committant. Illud vitium in qualibet aetate est: hoc fere in infantibus. Illud vix unquam sine curatione, hoc per se saepe finitur. G. Ausfallen des Haars.

AREA [2] est inter musculos, glandulas etc. quaedam intercapedo seu spatium, a circumiacentibus partibus relictum. G. Zwischenweite.

AREGONpenult. prod. [abbr.: paenultimam producit] Aregon, est ungentum aliquod resolutivum, relaxans et attenuans, ab a)gh/gw auxilior, opem fero. Inter quatuor unguenta calida primum locum occupat.

ARENA in corpore humano, res est toto genere aliena ab arena terrestri, nam illa est ex plurimo sale volatili, pauco oleo et terra, genita; ex qua saepe calculi concrescunt. Gr. *ya/mmos2 et *)/ammos2. Etiam sabulum dicitur. G. Sand, Grieß.

ARENARIA est Coronopi species, sic dicta, quod arenosa loca amet.

ARENATIO, est species balnei sicci, cum aeger pedibus arenae calidae insidet: ut in hydrope fit. G: Sandbad.

AREOLA PAPILLARIS vocatur circulus papillam ambiens. G. Der Wärtzleinkreiß an der Brust.

ARESTA BOVIS, vide Anonis.