December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 122, image: s146

BISMALVA, sive ALTHAEA est officinarum vox barbara. Vult dici, quasi duplex malva, vel quae alterum tantum viribus pollet. Vel dicitur quasi malva ibiscum, vel malvaviscum. Vide Althoea.

BISMVTHVM, idem quod Marcasita.

BISTACIVM mutato B in P. fit Pistacium.

BISTORTA, est planta, quae habet folia ex radice erumpentia, longa, satis ampla, et acuta, magis viridia in superiori, quam in inferiori parte; ex his erumpunt caules rotundi, parva quaedam folia habentes; calix monophyllus, membranaceus, geminus, unus alteri suppositus, instar vaginae. Ex fundo huius pedunculus oritur, cuius deinde fini adnascitur flos monopetalus, in segmenta profundissime sectus, et staminibus octo praeditus, in densas et longas spicas congestus; in fundo huius floris invenitur ovarium triquetrum, instructum tuba longa, continens post maturitatem semia triangularia, et splendentia. Radix est carnosa, quasi tuberosa et geniculata seu nodosa, oblonga, pollicem crassa, in se contorta, capillitio donata, foris ex fusco nigricans, intus ex flavo rubescens, saporis austeriusculi, adstringentis, odoris nullius. Crescit in locis humidis. Voluerunt quidam illam esse Britannicam veterum, sed huius radix est tenuis, cum illa bistortae sit satis crassa, folia tamen utriusque satis bene inter se conveniunt: dicitur bistorta, ob radicem semel aut bis contortam: dicitur etiam serpentaria, colubrina et interdum dracunculus, vel dracontium. G. Natterwurtz.

BITVMEN, pen. prod. [abbr.: paenultimam producit]

Sparge molam, et fragiles incende bitumine lauros. Virg. Ecl. 8.

Bitumen, dicitur omne corpus, quod igni admotum facile flammam concipit, naptha atque petroleo spissius, lentum valde, tenacitate tamen primo adhuc diffluente; ab ignis calore liquescit, in aqua non subsidet nec miscetur; sive minerale, vegetabile, vel factitium fuerit, unde nomen generale est.

BITVMEN IVDAICVM, vide Asphaltus.

BLAESITAS, est depravata locutio, a vitio linguae, in conformatione aut obstructione peccantis. G. Lispeln.

BLAESVS, est vitio praedicto laborans. Item is cui pedes sive crura extrorsum vertuntur: vel cui dorsi spina anterius vel posterius icurvata est. Paralyticum quoque significat, a blaiso/w distorqueo.