December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 177, image: s201CEREA, idem quod Achor.
CEREBELLVM, sive paregkefali\s2 HEROPH. e)/gkranon GALENO e)pikrani\s2 POLL. o)pi/sqios2 e)gke/falos2, quasi parvum cerebrum, sub posterioribus lobis cerebri, inferiori cranii parte situm; figuram habet ad globosam accedentem, superficiem minus gyrosam quam cerebrum, sed quasi sulcatam, cuius sulci in medio maximi, at per gradus sensim minores, desinunt in processum vermiformem; dividitur in partem dextram et sinistram, substantiam fere eandem habet ac cerebrum, sed corticalis hic longe copiosior quam medullaris, quae arbusculae pulchre repraesentat, quarum trunci ita dictos pedunculos cerebelli constituunt. Nullae hic adsunt cavitates, ut in cerebro. In hac cerebelli substantia spiritus animals, actionibus involuntariis et mere spontaneis obeundis generantur. In homine, non item in brutis, exterius ex plurimis lamellis, sibi invicem incumbentibus constare videtur. G. Das Hintertheil des Hirns.
CEREBRVM vitalia capitis, PLIN. e)gke/falos2, leuko\s2 mu/elos2 SOPHOCLI. stricte sumitur pro parte anteriore tou= e)gkefa/lou, estque substantia sui generis, exterius tegitur pia matre, plurimis gyris anfractibusque dotatur, exterior substantia cinerea est, in qua spiritus animals generantur: interior alba est, sive medullaris, quae spiritus animals ex corticali recipit, eosque per corpus callosum et medullam oblongatam in nervos exonerat, a quibus actions voluntariae maxime dependent, Item, cerebrum est imaginationis, iudicii, memoriae et reminiscentiae subiectum. Ideae enim, seu species rerum ab organis sensuum externorum receptae, deferuntur ad sensorium commune, sive initium medullae oblongatae, deinde per corpora striata ac corpus callosum, ubi imaginatio et iudicium sit: verum in corticali substantia memoriae sedes dicitur; si ideae post aliquod rempus ex memoriae loco revocantur, reminiscentiae nominee veniunt, Somnus item fit in cerebo, de quo vide suo loco. G. Das Hirn, oder Gehirn.
CERELAEVM, est linimentum ex cera et oleo compositum, a khro\s2 cera, et e)/laion oleum. G. Eine Salbe von Wachs.
CEREVISIA MEDICATA, est cerevisia cui medicamenta, cuilibet morborum scopo convenientia, infusa fuerunt. G. Artzneybier.
CEREVISIA, CERVISIA, CELIA, est potus ex frumento compositus, qui ob egregias vires quasi Cereris vinum appellatur. G. Bier.