December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 202, image: s226CLINICVS, est medicus, qui diaeta aut medicamentis, succurrit hominibus aegrotis lecto decumbentibus. A kli/nh, lectus. Quin et ipsi aegroti vocantur, et propriissime quidem, clinici, quando orthostadiam non amplius tenere possunt, sed decumbere coguntur. Sicque clinicus opponitur illis, qui cum morbo suo stare, ambulare et negotia obire utcumque valent, quos homines in statu neutro valetudinis versari dicimus.
CLINOIDES APOPHYSIS, Gr. klinoeidh\s2, a kli/nh, lectus, cubile. Quod haec ossis protuberantia sinum parvum habet, qui lectum refert. Uti scapulae apophysis, humeri os recipiens, etc.
CLINOPODIVM, est planta, quae habet caules tenues, quadratos, villosos, longos: folia maioranae silvestris similia, sed minus odora, sibi invicem opposita, villosa, saporis saluiae: flores in verticillos densos, cauli circumpositos, aggesti sunt, galea erecta rotundula, bifida, barba tripartita: flori succedunt quatuor semina oblonga, tenuia, rubicunda, in capsula, quae flori tamquam calix inservivit [perhaps: inservit], inclusa: radix fibrosa: crescit in silvis: quibusdam Marum appellata, est proprie lecti pedunculus, quod folia habeat lecti pedibus simillima, a kli/nw inclino, reclino; unde kli/nh lectus, et pou\s2 pes. G. Mastirkraut.
CLITORIS, seu AMORIS DULCEDO, est velut penis muliebris, titillationi inserviens, genitalibus femininis appensus parte superiori. Constat, ut penis virilis, ex duobus corporibus nervosis, quae ab inferiore parte ossium pubis ortum ducunt, etiam in extremitate obtegitur glans praeputio; eius substantia spongiosa est, adeo ut a sanguinis maiori vel minori copia, effusa in cellulis cavernosis, tempore voluptatis intendi et relaxari possit, non tamen ut in viris perforata est. Gr. kleitori\s2, dicitur et nympha. G. Schamzünglein.
CLOACA, corporis immunditiarum est receptaculum. Dicitur a similitudine fornicatorum ductuum subterraneorum, qui Romae immensis sumptibus facti erant, ut per illos omnis aqua, omne immundum, in Tiberim subduceretur.
CLYDON, est fluctuatio assumptorum in ventriculo, ob laxitatem fibrarum eius, et vim minorem musculorum abdominalium, quam ut viscera contenta sufficienter comprimat, a klu/zw abluo, lavo.
CLYMENVM, est planta, simillima in omnibus lathyro, nisi quod folia plurima uni costae adnascantur, non modo duo, sed aliquando quatuor, sed vel octo ad eundem exortum: dictum scribunt ab inventore Clymeno Rege.