December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 271, image: s295DIPLASIASMVS, est morborum reduplicatio: item duo musculi brachii circumductioni inservientes, a dipla/sios2 duplo maior.
DIPLOE, est vas duplex, quod chymicis usu venit, uti quando vas continens alio vasi arena, cineribus aut aqua repleto imponitur. G. Ein zweyfach Faß. a diplo/w duplico. In anatome autem est cranii duplex tabulatum, paries, squama, seu lamina: sive potius est substantia cellulosa, inter utrasque lamellas, quibus constat cranium, interiecta, in qua continetur substantia medullosa cranii.
DIPLOMA, idem quod diploe. Sumitur aliquando pro linteo complicato, ptu/gma Aeginetae, ptu/gma r(a/kou di/plwma Hesychio, Plagella, Aurel. G. Eine Compresse, item Ein Distilierzeug.
DIPSACVS, est planta, quae habet caulem quatuor vel quinque pedes altum, ramosum, striatum, spinis quibusdam parvis cictum: folia sunt longa, lata, bina opposita, iuxta longitudinem caulis et ramorum in dorso et latere hirsuta. Flos est flosculosus, flosculis scilicet in capitulum quoddam collectis favis aemulum; capitulum autem componitur ex plurimis foliis imbricatis squamarum instar positis, et axi medio affixis, e quorum alis surgunt flosculi multifidi, embryonis parti supremae insidentes, et abeuntes deinde in semen plerumque striatum, quadrangulare, oblongum: radix laevis, candida, impense amara est. Est carduus fullonum. Eius folia ita constituta sunt, ut circa truncum alterum excipiat alterum, ita ut catini instar aquam semper servent, ac si truncus sitiret, ideoque rorem vel imbrem reciperet, quo velut ad abigendas sitis iniurias abutatur, hinc a diya/w sitio. Latinis Labrum Veneris, nempe a foliorum habitu, quae intra se humorem numquam non retinent. Carduus vero fullonis coepit appellari, quod ea rudes pannos velut echino quodam, expoliunt, detractisque floccis concinnant. G. Cartendistel, Weberkarten. Vide diabetes.
DISCRIMEN fasciarum species est, quae in frontis et temporum phlebotomia adhibetur.
DISCVTIENTIA, sunt medicamenta, quae liquidum in vasis, vel extra ea; sive stagnans, sive coagulatum subtilitate sua dissolvunt, dissipantque sine solutione sensibili continui in externis. G. Zertheilende Mittel.
DISLOCATIO, idem quod Luxatio.