CAMENA Early Modern Latin Texts

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.

EMMENAGOGA, sunt medicamenta menses mulierum subsistentes, vel non satis fluentes, cientia, ex e)n in, mh\n mensis, et a)/gw duco.

EMMOTON, est medicamentum liquidum, quod penicillis vulnerariis vel linteo concerpto exceptum, pustulis aut ulcerum sinibus inicitur, ab e)n in, et moto\s2 linteum quod vulneribus inditur.

EMOLLIENTIA ab Emollire, seu malaktika\, sunt, quae calefaciendo, dissolvendo, dissipando et penetrando, partes solidas molles reddunt, a mala/ssw emollio. G. Erweichende Mittel.

EMPASMA, est pulnis astringens, halitum ex ore foetidum corrigens, vel qui nimium sudoris effluxum cohibet, idem quod Catapasma.

EMPEIRIA, seu EMPIRIA, est experientia in arte medica observationibus absque ratione innixa, ex e)n in, et pei=ra experientia. G. Erfahrung

EMPETRVM, est frutex, qui habet caules ramosos, flexiles, lignosos, repentes, valde extensos, cortice fusco rubicundo instructus: folia sunt parva, ohlouga, habitus ericae: flos mas, apetalus, staminibus constans: fructus alio loco plantae natus baccae similis est, fetus seminibus osseis et cartilagincis: radix lignosa, dura: Haec planta crescit in montibus et locis saxosis, ab e)n et pe/tros2 saxum.

EMPHRAXIS, est obstructio in quacumque parte facta, ab e)mfra/ssw obstruo. G. Verstopfung.

EMPHRACTICA, sunt, quae poros obstruunt, ab e)mfra/ttw obstruo. Idem quod Emplattomena.

EMPHYSEMA, est inflatio, ab aere hospitante in aliqua cavitate, ut in tympanitide, vel in cellulis panniculi adiposi ubicuumque loci, vocatur etiam Gr. *)empneuma/twsis2 ab e)mfusa/w inflo. G. Das Aufblasen, Schwellen.

EMPHYTON THERMON, Gr. e)/mfuton qermo\n est calidum innatum, seu calor ex parentum semine primo in fetu seminatus, qui postea, inchoata respiratione et fetu per se subsistente, sensim perit. Calidum hoc, cum philosopi tum medici spiritum insitum et nativum nominant, et ex tribus constare partibus asserunt, videlicet ex humido primigenio, insito spiritu, et calore. Unde Fernelius definit calidum innatum, quod sit humidum primigenium, insito spiritu, et calore undique perfusum.

Verum isthaec veterum nugamenta nihil ad nos pertinent: calidum enim illud, locum duntaxat habet in recens natis, atque inspirando et alimenta sumendo perennatur. G. Angebohrne, eingepflantzte Wärme.

EMPIRICA MEDICINA, vide empeiria. Secta olim fuit in medicina, cuius auctor fuit Acron Agrigentinus, iuxta alios Serapion; qui neglectis rationibus, posthabitaque rerum investigatione et anatome, solis experimentis nitebantur, et in incognitis morbis ad similis affectus et similia remedia confugiebant. Floruit haec secta potissimum apud Aegyptios, apud quos, teste Herodoto, singuli morbi singulos fere medicos habebant. Progressu autem temporis homines experientiae rationem addere studebant, et ita panlatim ante Hippocratem apud Cnidios, Rhodios, et Coos nova secta empiricis contraria, subnasci coepit, quae dicta fuit dogmatica seu rationalis. Ab e)mpeira/w, tento.

EMPIRICI, sunt medici, qui in curandis morbis experimentis solummodo continenti sunt, neglecta ratione. Vide empirica medicina. G. Ein Landfahrer, Quacksalber.

EMPLASTRVM, est medicamentum topicum, quod linteo vel pelli tenui inductum, cuti applicatur, eique tenacius adhaeret. Componitur vulgo ex oleis, aut iis, quae olei consistentiam fere habent, qualia sunt axungiae, medullae, butyrum, mucilagines; item ex pulveribus, et cera, aut iis, quae ad cerae consistentiam accedunt, ut resina, pix, gummi etc. cuius massa adhuc calida in teretes et longas figura sive magdaleones cylindraceas formatur, ab e)mpla/ssw fingo, formo, illino. G. Pflaster.

EMPLATTOMEA, seu EMPLASTICA et *)emfraktika\, sunt medicamenta, quae applicata corpori humano, illi sua tenacitate adhaerent, meatusque externos ingrediendo constipant simul, id est, perspirationem istius partis una impediunt, ab e)mpla/ssw illino.

EMPNEVMATOSIS, sive INSPIRATIO, est adductio aeris per os, nares, glottidem, tracheam, in pulmones, qua pulmonales vesicae expanduntur, et ab invicem recedunt; causam habens thoracis dilattionem, per musculos subclaulos, intercostales, et depressionem diaphragmatis deorsum in abdomen: per inspirationem conciliatur vasis pulmonalibus libertas aperturae pro sanguine a corde dextroappulso, ab e)mpne/w inspiro. G. Das Athemholen.