CAMENA Early Modern Latin Texts

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.

EPIPOROMA callus dicitur vel thophus in articulis enatus, et induratus, ab e)pipwro/w induro.

EPISARCIDIVM, vel HYPOSARCIDIUM, idem quod anasarca, ex e)pi\ in, super, u(po\ sub et sa/rc caro.

EPISCHION, est os pubis, seu pecten. Os transversum et latum in imo ventre, quod pubi subiacet, et intestina munit, ex e)pi\ super et i)/sxion os coxae. G. Das Schambein.

EPISEMASIA, est ipsa morborum invasio, sive illud tempus, quo morbus primo notatur, et proprie significatio dicitur, ab e)pishmai/nw, significo.

EPISPHAERIA, sunt gyri et anfractus exteriori substantiae cerebri insigniti, uti vasa sanguifera, per cerebri substantiam distributa, ex e)pi\ supra, et sfai=ra globus.

EPISPASTICA, sunt quae derivant liquidum in partem, cui applicentur, tanta vi ut vasa tenerrima, lymphatica, et sudori et materiae perspriabili dicata, rumpant, liquor autem effusus ab epidermide illaesa, in vesiculas elevata, retinetur; hinc illa medicamenta, quae id praestant, constare debent ex partibus tam acribus et renuibus, ut per epidermidem illaesam transeuntes sese lateribus dictorum vasculorum infigant, atque aperiant; epidermedem vero intactam relinquunt; quia vasa, si adsunt, exiguo adsunt numero, et vis vitae ibi valde debilis idem quod attrahentia, ab e)pispa/w attraho.

EPISTOMIA, sunt extrema vasorum oscula, ex e)pi/ ad, et sto/ma os. Chemicis sic dicuntur spiracula in furnis, quae ventilia et registra quoque vocantur.

EPISTROPHAEVS. Sic male vocatur vertebra colli secunda. Graecum est e)pistrofeu/s2. Ergo scribendum epistropheus et paenultima corripienda est. Epistropheus est colli vertebra secunda, sic dicitur a vertendo: nam ex medio eius corpore assurgit appendix instar dentis canini, circa quam caput cum prima vertebra vertitur. Olim prima eodem nomine veniebat, ab e)pistre/fw, circumverto. G. Das andere Gelencke des Halses.

EPITHEMA penult. quidem communiter corripit, quia Dioscoridi, Galeno, et aliis e)pi/qema; Poetae tamen quidam permissere sibi e)pi/qhma, ut

*)=h, kai\ fwriamw=n e)piqh/mata ka/l' a)ne/w|gen. Homer. w. id est,
Dixit et scriniorum opercula pulchra aperuit.

Epithema, est medicamentum externum liquidum, quod partibus corporis nobilioribus, praesertim cordi et hepati, linteo stupave exceptum admovetur, ab e)piti/qhmi impono. G. Ein Umschlag.

EPITHYMBRVM, EPITHYMBRA, est musci species thymbrae adnascens, ex e)pi\ ad, et qu/mbra thymbra.

EPITHYMVMPlinio quoque laudatum, l. 26. c. 8. penult. corr. [abbr.: paenultimam corripit]

Ipse thymum, pinosque ferens de montibus altis. Virgil. 4. Georg.
Pascua, per flores, et chyma summa volant. Ovid. 1. Art.

EPOMIS, est superior humeri pars, quae et Acromivum nominatur, ex e)pi\ supra, et w)=mos2 humerus.

EPOMPHALVM, est emplastrum vel aliud quid, quod extuberantiis umbilici applicatur, ex e)pi\ supra, et o)/mfalos2 umbilicus. G. Nabelpflaster.

EPSEMA, est decoctio musti in defrutum, ab e(\yw coquo: melius scribitur hepsema.

EPVLIS, est in gingivis excrescentia, ad intimos molares contingens, ita ut bris apertio impediatur, ex e)pi/ supra, et ou)=lon gingiva. G. Auswachs des Zahnfleisches.

EPVLOTICA idem quod [correction of the transcriber; in the print quo] Cicatrizantia, ab e)poulo/w cicatricem infero.

EQVISETVM, paenult. [abbr.: paenultimam] producit, sic dictum Plinio, quod pilos habeat equinae setae similes.

Equisetum, est planta duplex, maius aquaticum, ex equisetum minus terrestre vel aruense longioribus setis. Prius habet caules sesqui pedem vel duos pedes altos, rotundos, asperos, excavatos, plurimis tubis in se invidcem inarticulatis instructos, quae articulatio nodos format per intervalla: solia teretia, pyxidatim articulata, cava: flores sunt apetali, staminei, apice fungiformi donati, spicati, fructus in equiseti speciebus, quae floribus carent, sunt grana nigra aspera et fracta: radix est repentissima, nigricans. Haec panta crescit in pratis et circa flumia. Altera equiseti species ab hac tantum differt in eo, quod folia et asparagi sunt longiores, tenuiores, molliores: Gr. e(/ppouris2, est planta caudae equinae aemula. G. Roßschwantz, Pferdschwantz, Schafftheu.