CAMENA Early Modern Latin Texts

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.

ESSENTIA QVINTA, sive CLYSSUS, est medicamentum, ex integris constituentium particulis energeticis sive activis constans, separatis ab inertibus. G. Die Quintessenz.

ESSERE, SORA et SARE etiam nominant: sunt tubercula parva, ad rubrum vergentia, duriuscula, cum insigni pruritu subito universum corpus occupantia, non secus ac si ab apibus, vel vespis vel culicibus, homo demorsus, aut urticis percussus esset. Non ita tamen post longum tempus evanescunt, nulloque ichore vel alia humiditate effluente, cutis pristinam laevitatem et colorem recuperat. Differt ab epinyctide, quod in hoc affectu ichor manat, in essere non item. G. Nesselsucht.

ESTIOMENOS, est herpes exedens, causa est, quod papulae cutis humorem quendam acrem in se contineant, qui ob perspirationem inhibitam corrumpitur, et acrimonia sua non tantum cutim, sed etiam subiectas partes corrodit, ab e)sqi/w comedo, e(/rpw repo. G. Ein Haarwurm, Häuptgründ.

ESVLA, vel EZVLA, paenult. [abbr.: paenultimam] producit, quia non tantum in Lexico veteri legitur: *)/ezoula to\ o)cu/poron, id est, tithymali species; sed Myreps. Antidot. 30. et 180. *)/ezoula h)\ xamai/pitus2. Bodaeus a Stapel in Theophrast. ita: Esulae nomen a pituou/shs2 luxatum videtur, duabus enim syllabis sublatis, remanet ou)=sa, cuius diminutivum usula, et vocali prima mutata esula. Idem creditum Casparo Baubino in Pinace. Nec alia visus existimasse Honterus, cum l. 9. scriberet.

At vero huic opinioni et z praesens repugant, et quantitas tou= sou in usula, quae brevis futura esset, si fuisset diminutivum, ut videmus in pustula, pusula, item in ustulo ab uro, sic in regula, bucula, sportula, albula, etc. cum hic in Lexico veteri, et Myrepso evidenter producatur. Esula, ut iam dictum, est tithymali species, quae distinuitur in maiorem et minorem: haec plures habet caules pedem altos, ramolos, folia gerentes angusta instar pini, lacte turgentia: flos ut in tithymalo maiori, de quo sub titulo tithymali: radix oblonga, esula maiori tenuior, foris fusca, intus ex flavo albescens, lacte acri turgida: dicitur et pityusa. G. Wolfsmilch.

ETHMOIDES, paenultima producta. Sic vocatur os cranii, quod nos hodie octavum numeramus, situm est ad partem inferiorem ossis frontis immediate supra nasum internum, sex apophysibus donatum, et plurimis foraminibus pervium, pro nervorum olfactoriorum transitu, ab h)qmo\s2

cribrum, ei)=dos2 forma. G. Das siebgleiche Bein. Veteres os cribriforme pro parte vel narium vel sphenoidis habeant. Hoc os, ut modo dictum, multas habet cavernulas aut sinulos; an tales licebit vocare, ut vulgo fit, ethmoideas, aut ethmoides? Priori modo esset quasi adiectivum possessionem denotans, factum ab h)qmoeidh/s2 huius forte forma h)qmoeidei=os2. Mihi exempla probatorum desunt: quae dum quaero, malo rem circumscribere, quam rotundo ore ineptire. Dico igitur cavernulae, cavitates, sinus ossis ethmoidis. Idem esto iudicium de sphenoideus, et similibus: ut musculus mastoideus. Posteriori modo efferentes et scribentes contra vim vocis agunt: nam ethmoides significat aliquid, quod est cribro vel colo simile: sed cavitas ipsa nihil habet de haec similitudine.

EVACVATIO, est quaecumque depletio contentorum ex quolibet cavo corporis, Gr. ke/nwsis2, est vel arte vel per se. Arte si sanguis eucacuetur, aut purgando, vomendo etc. vitiosi humores ex ventriculo et intestinis evacuatione, misctione, saecum aluinarum evacuatione etc. G. Ausführung, das Entledigen.

EVAPORATIO, idem quod diaphoresis. Item fit, quando succi, lixivia, alique leni igne evaporando in spissiorem consistentiam rediguntur. G. Ausdämpfen.

EVCHYLOS, est qui sucis bonis abundat. Ita alimenta, quae bonum sucum praebent, dicuntur, esse boni succi, ex eu)= bene, et xulo\s2 cussus. G. Voll von gutem Safft.

EVCHYMIA, est optima succorum temperies et constitutio, ab eu)= bene, et xumo\s2 sucus. G. guter Safft.

EVCRASIA, est temperamentum bonum, sive illa corporis conditio, qua tum solida, tum fluida, pro aetate et sexu, optime sunt disposita, et in se invicem agunt, ita ut sanitas in cunctis obtineat: *)\eukratos2 bene temperatus, ab eu)= bene et kera/nnumi misceo. G. Gut Temperament, Gesundheit.

EVDIAPNEVSTOS, qui bene perspirat et optimam habet diaphoresin, ex eu)= bene, dia\ per, et pne/w spiro. Illi semper sani sunt.

EVECTICA, idem quod gymnastica, sive medicinae pars, qua aptis exercitiis bonus habitus acquiritur, ab eu)= bene e(/cis2 habitus.