December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 309, image: s333EVPHORBIVMDioscoridi, l. 3. c. 46. eu)fo/rbwn, paenult. [abbr.: paenultimam] corripit, quia vocalis adest ante vocalem, sine ulla diphthongi suspicione: hinc:
Conveniunt acidis euphorbia mista fluentis. Seren. tit. letharg. expell.
Euphorbium, est gummi concretum acerrimum, ex sauciata herba eiusdem nominis extractum; quae est frutex hominis longitudinem superans, cuius cortex est durus, et spinosus: folia digitum longa, crassa, figura quadrangulari, in singulis angulis multas exiguas spinas habentia: flores pentapetali, coloris viridis subflavescentis, succedit fructus pisi magnitudine triangularis, in tria loculamenta divisus, unico feta semine oblongo. Nascitur in modum ac si singula folia repraesentarent aculeatos cucumeres; totum enim folium spinis albis obsitum est; ita ut manibus praehendi absque laesione non possit. Gummi igitur ex incisis foliis emanans sole induratur, illud debet esse purum, aliquando et spinas aliasque festucas admixtas habet, flavescit aliquomodo, aliquando albescit. Admodum et naribus et linguae acre est, et vehementer alvum ducit Venit ex Lybia, Mauritania, Peru etc. Adinvenit primum Iuba, Lybiae rex, in monte Atlante ultra Herculis columnas, appellavitque Euphorbium medici sui nomine, et fratris Musae, a quo divus Augustus fuit conservatus.
EVPHORIA, idem quod eupathia, a eu)fore/w facile tolero. G. ein erträglicher Zustand.
EVPHRAGIA, EVPHRASIA, vel EVFRASIA, recentiorum vox, crediturque antiquorum fuisse euphrosyne; paenult. [abbr.: paenultimam] corripit, ex regula Gramm. generali, ut colocasia, athanasia, armoracia, acacia, etc. Euphrasia, est parva planta, quae plures habet caules tenues, villosos, nigricantes: folia parva, oblonga, venosa, minutim incisa: flos monopetalus, anomalus, personatus, in duo labia distinctus, quorum superius surrectum, et multifariam sectum; inferius vero in tres partes dividitur, quae singulae quoque bifidae sunt, coloris albi, multis punctis purpureis et flavis notatus: ex calice surgit pistillum posticae floris parti ad instar clavi infixum, quod abit in fructum seu testam exiguam, oblongam, in duo loculamenta divisam, seminibusque fetam exiguis et albis: radix exigua, lignosa: crescit haec planta in locis incultis circa vias. Ophthalmica quoque vocatur. G. Augentrost.