December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 314, image: s338EXTRAVASATVM, dicitur de humore vel sanguine, qui e vasis effluxit, sive adhuc haereat intra partes corporis molliores, sive penitus ex corpore effluxerit.
EXTVBERATIO, idem quod apophysis.
EXVLCERATIO, Gr. e(/lkwma, e(/lkwsis2, est solutio continui, a materia erodente originem trahens, in mollibus corporis partibus, cum imminuta magnitudine. Differt ab abscessu, quod abscessus producitur per se, praegressa tantum inflammatione. Exulceratio item est magna, parva, lata; brevis, angusta, recta, transversa, sinuosa, aequalis, inaequalis, etc. G. Verwundung, Versehrung der Haut.
EXVMBILCATIO, est hernia umbilicalis, seu umbilici procidentia. Idem quod exomphalos.
EXVSTIO, est, quando quis ab igne laesus fuerit. Estque triplex, prima laedit cuticulam, et cum vesiculis aquosis elevatur; secunda ipsam quoque cutim; tertia partes etiam cuti subiectas. Gr. e)/gkausis2. Illa exustio saepe studio et arte chirurgica fit, ope cauteriorum candentium. G. Brand, verbrennen.
EZVLA, vide Esula.
F.
F. Significat in fine formularum Fiat.
F. L. A., est, fiat lege artis.
F. S. A., est, fiat secundum artem.
FABA habet caules tres pedes circiter alros, quadratos, excavatos: folia sunt oblonga, obrotunda, crassa, pinnata, bina velut coniugata ad costam, quae in mucronem abit: flores sunt leguminosi, oblongi, coloris aliquando albi, striis nigris instructi, aliquando purpurei, nigricantes: flori succedit siliqua longa, crassa, carnosa, unicapsularis, feta seminibus reniformibus oblongis, elatis vel ovalibus, coloris varii, plerumque albi. radix longa, partim recta, et partim repens, fibrosa. Gr. ku/amos2. G. Bohnen.
FABA SANCTI IGNATII, sunt fructus nucis vomicae legitimae, Serapionis Camelli, habentes carnem amaram, flavam, auellavae nucis magnitudine, variae tamen formae: sunt hi nodosi, durissimi, corneae substantiae, coloris inter album et glaucum medii: Ex India orientali affertur, estque celebre antifebrile in tertiana.