December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 327, image: s351FONTALIS, idem quod potamogeton.
FONTICVLI, idem quod Fontanellae.
FORAMEN OVALE, dicitur apertura magna, media inter cordis fetus sinum venosum dextrum sinistrumque, quorum paries intergerinus hoc foramine perforatus est: quo fit, ut sanguis ex sinu et aure dextra exire hoc foramine possit in sinum sinistrum, eique additam auriculam: e sinistro autem sinu aureque in dextrum sinum et aurem facile penetrare nequit, impediente membrana quadam valvulae officium praebente. Membrana haec ex maiore parte ambitus foraminis e parte sinus sinistri orta, totique praetenta foramini in duo quasi cornua abit, quae ultra anteriorem foraminis partem procurrunt aliquantum similiter a parte sinus sinistri, evanescuntque in eandem partem parietis intergerini sinuum. Itaque tali hoc foramen obductum est membrana, ut per se numquam valde pateat; si vero sanguis sinus sinistri urgeat parietem intergerinum sinuum, urgeat etiam membranam, explicet, tendat, obtendatque foramini exquite ut nihil elabi possit; si contra urgeat sanguis sinus dextri, pellat membranam aliquantum in sinum sinistrum, ac sic viam sibi obliquam aperiat inter cornua eius anterioremque foraminis partem, totum enim foramen aperiri nequit, quoNiam e maxima parte ambitus eius valvula nascitur. Valvula tenuis est, ut explicari facile posset, repellique a sanguine sinus dextri: densa simul est, et quasi tendinea, ut sat haberet roboris. Foramen ovale etiam dicitur, quod et fenestra ovalis vocatur, apertura a figura ovalis dicta, in parte posteriori et superna conchae internae e regione membranae tympani posita, habens situm stapedi parallelum, et configurationem ipsius basi respondentem. Foramen illud stapes replet sua basi, et membranulae tenuissimae tenerrimae illud occludenti accrescit, servata interim mobilitate requisita.
FORAMEN ROTVNDVM, quod et fenestra rotunda dicitur, est altera apertura, quae in tympani supernis partibus reperitur: scilicet in tympani cavitatis parte posteriori, e regione tympani membranae sita, paulo inferior quam fenestra ovalis; versusque occiput, priori minor et declivior, figuram incertam, nunc ovalem, nunc circularem habens, rotunda tamen vulgo dicta, sic sita in foco quasi elliptici huius spatii centro membranae tympani opposito, patet in scalam inferiorem cochleae, clauditur membranula tenui, pellucida, tenera, tensa, elastica, tremula, infixa striae excavatae in medio meatu. Amplius de his consulendi sunt anatomici.