CAMENA Early Modern Latin Texts

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.

IGNIS CIRCVLATORIVS, est tepor, vel talis caloloris gradus, quem digiti facile ferunt.

IGNIS POTENTIALIS, est medicamentum, quod, postquam aliquamdiu parti superimpositum fuerit, vires suas exserit, eundemque effectum ac ignis actualis praestat: ut ruptorium, ceteraque exedentia. Sic potentiali igne solvuntur metalla, lapides etc ope spiritus acidi nitri, vitrioli etc.

IGNIS PERSICVS, idem quod gangraena, sumitur etiam pro carbunculo, seu anthrace.

IGNIS REVERBERII, rotae, est quando in fornacc viva flamma in modum rotae vas destillatorium ambit, estque maximus ignis gradus, dum undique a parietibus fornacis determinantibus reflexus in vas medium agit. G. Reverberirfeuer, sehr starck Feuer.

IGNIS SVPPRESSIONIS, est, quando retortae in arena collocatae infra et supra arenam, ignis fortissimus adhibetur, uti fit in cinnabari antimonii conficienda.

ILE, est cavitas a thorace ad coxae ossa; in animalibus omnibus, homine et ove excepto, intestina omnia ile appellari annotat Plinius, ab ei)le/w circumvolo. G. Der hohle Leib.

ILEX, est arbor glandifera, quercui satis similis, pomi vel pyri magnitudine, eius cortex est fuscus, lignum est durum et compactum; rami lanugine alba repleti: folia sunt oblonga, in margine incisa, superius semper virentia, inferius albescentia et lanuginosa, saporis adstringentis, flos amentaceus, constans multis staminibus ortis ex calice infundibuliformi: fructus quercus. Haec arbor crescit in silvis, praesertim in regionibus calidis. Gr. pri=os2, a pri/w vel pri/zw serra seco. G. Scharlach, Beerbaum, Steineiche.

ILIA, partes dicuntur laterales inanes et molles ipsius abdominis, inter costas breves et pubem: idem quod ile.

ILIACA PASSIO, sive dolor iliacus, miserere mei, volvulus, tormentum , et chordapsus , est dolor in intestino ileo cum pertinaci alui suppressione et horrendo vomitu, quo primum humores, deinde alui faeces fetentes excernuntur, cum insigni anxietate, et periculo mortis tanto, ut rarissime aegri evadant.

Solet haec passio herniae non restitutae saepe supervenire. G. Darmgicht, Grimmen.

ILIACA VASA, est bifurcatio illa truncorum descendentium arteriae magnae, et venae cavae, in abdomine intra pelvis regionem. G. Die Blutgefässe im Unterbauch.

ILIACVS MVSCVLVS, est unus ex iis qui femur flectunt, inseritur tendine, qui psoas musculi tendini connascitur, oritur a tota cavitate interna ossis ilii tenui carnosoque initio. G. Die Darmbeinsmuscul.

ILIVM, est intestinum tertium tenuium: oritur ubi ieiunum desinit, et finem ad caecum assequitur. Longitudine unam et viginti palmas aequat, ab ei)le/w circumvolvo. G. Der lange Darm.

ILIVM OS, est pars ossis innominati: sic dicitur quod intestinum ilium continet. Circumferentia eius circularis est, pars superior latissima, connectitur ossi sacro. Superior pars spina, interior costa, et exterior dorsum appellatur. Amplius est mulieribus, quam viris. G. Das Darmbein, Hüfftbein.

ILLECEBRA, sempervivum minus acre, per antiphrasin sic videtur appellari quod minime propter acrimoniam illiciat. G. Mauerpfeffer.

IMBECILLITAS, est illa conditio corporis humani, qua eius musculi laxi, ob sanguinis vel spirituum animalium deficientium influxum imminutum in illorum fibras carneas nervosasque, ossa annexa non satis pro voluntate animae movere possunt, vel ciro defatigantur; est haec imbecillitas generalis. Verum particularis est, quando quaecumque pars solida cohaerens ex variis particulis sibi appositis composita, eas tam parva cohaesione annexas habet, ut minimae vi ab actionibus in sanitaqte agendis requisitae vel nimis cedant, vel in unione dissolvantur. G. Schwachheit.

IMMERSIO, est quando metalla, vel mineralia rei alicui corrodenti immerguntur, ut tandem in calcem redigantur. Item lotionis species est, quando simplicia aquae immergontur, ut corticem duriorem vel inutilem, aut qualitatem nocivam deponant. Sic calx cerussa, tutia, igne candida aquae iniciuntur, ut a nimia acrimon a liberentur. Estque sicca vel humida. G. Das Einweichen.