December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 415, image: s439LIEN, idem quod splen.
LIENTERIA, est alui fluxus, seu levitas intestinorum, qua alimenta cruda mutata parum, vel separata, vel permistis faecibus excernuntur, ita tamen ut ab his ista dignoveris. Itaque alimenta non subsistunt in ventriculo, sed mox in alvum propelluntur, cum murmure aliquo, distensione, dolore et nausea. Hic vero fluxus diu perseverans, vires admodum frangit. Ex lei=on laeve, e)/nteron intestinum. G. Der Bauchfluss.
LIGAMENTVM, Gr. su/ndesmos2, est pars solida, et admodum fibrosa, simili fere cum cartilagine duritie, ex multis membranis sibi mutuo impositis et concretis ortum ducens, magnitudine, numero, situ, varia, lata vel rotunda, prout ad cartilaginis aut membranae constitutionem accedit, siccior aut humidior, durior aut mollior, minus, magisque lenta et flexilis, colligandis partibus, maxime ossibus, aut ad faciliorem motum destinatur. G. Ein Band, Spannadern, Sehnen.
LIGAMENTVM CILIARE, oritur ex circumferentia uveae tunicae, ubi duplicata membrana eius posterior se reflectit ad crystallinum, et constituit ligamentum illud seu interstitium ciliare dictum; quae sunt tenuia quaedam filamenta musculosa ex uvea producta, referentia lineas nigras, palpebrarum pilis similes, et vitreum humorem anterius protuberantem coercent, crystallinum connectunt; quamvis autem haec filamenta radiata et libera videantur, cum atrum ex oculo ablutum sit; tamen naturaliter adest membrana, quae fibras has radiantes connectit inter se invicem; radii vero hi ex unea, uti ex circumferentia emissi, coeuntes versus crystallinum humorem, centrum quasi peterent, infinitis gaudent vasculis tum per propriam substantiam currentibus, tum in spatiis intermediis luxuriantibus, et cum invicem communicantibus, quae artificiosa anatomicorum iniectio hoc tempore cum aliis claris inventis, in oculis balaenarum, aliorum animalium, et dein in hominibus detexit: usum vero habere videntur, dum sphaerice anterius protuberent, et postice premantur extrorsum ab humore vitreo, ut dum se contrahant musculorum instar et quidem instar diaphragmatis, fiant filamenta haec radiata planiora, adcoque comprimant vitreum verius posteriora, sed ille resistentiam multo maiorem passus ob inflexiles fere tunicas oculi ambientes, scleroticam et adnatam etc, fertur iterum versus anteriora in crystallinum, ubi minima est resistentia, adeoque crystallini protuberantiam antrorsum conciliant. G. Der Augen Haarband.