December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 422, image: s446LITHOTOMVS, est chirurgus secandi calculi peritus, ex li/qos2 lapis, et te/mnw seco. G. ein Steinschneider. Apud antiquos erat alia notio eius nominis. Significabat enim virum, qui calculos in vesica maiores, quo facilius extrahi possent, findere et dividere callebat. Vide Cora. Celsum libr. VII. cap. 26.
LITVS idem quo linimentum.
LIVIDVS MVSCVLVS, una cum aliis musculis femur movens, dicitur et pectinaeus, qui ab ossis pubis superiore ad commissuram parte, oblique decurrens, usque in femoris exporrigitur latus externum. G. Der bleyfarbige Muscul.
LIXIVIVM, est sal aqua solutum: praeparatur vulgo ex eineribus, ex quibus mediante aqua sal, quod continent, elixiviatur. G. Lauge.
LIXIVIVM SAL, est alcali fixum, quod mediante aqua ex eineribus, solutum, exficcatum, summas ignis torturas patitur, ut sal tartari, absinthii, etc. G. Laugensaltz.
LOBVLI ADIPOSI, vide sacculi adiposi.
LOBVLI PVLMONVM, sunt fistulae pulmonalis extremitates, quae in lobulos uniformes desinunt, constantque iterum ex plurimis vesiculis et omnis generis vasis.
LOBVS AVRIS, est appendicula quaedam mollis, flexilis, blanda tactu, auriculae appensa, nullo unquam foraminulo naturaliter pertusa, sed a feminis artificialiter perforatur, pro ornamentorum commissione, posita est directe infra antitragum, unde feminarum ornamenta ellobia dicta. G. Das äusserste am Ohr, Ohrläpplein.
LOBVS HEPATIS, aut PULMONIS, sunt eorum viscerum magnae divifiones, et distinctiones.
LOCALIA MEDICAMENTA, sunt quae externe applicantur, ut emplastra, linimenta, unguenta etc. Gr. topika\ G. Aeusserliche Mittel.
LOCH, et LOHOCH, idem quod eclegma.
LOCH SANVM ET EXPERTVM, est eclegmatis species, quae in morbis pectoralibus utilis censebatur, et experta. Nomen ipsi est, quod Mesue illud caput, quo hoc eclegma describit, incipit his verbis: sanum et expertum. Solebant enim veteres, ut ICti hodieque faciunt, initia capitum vel legum adducere.
LOCHIA, sunt puerperarum expurgamenta, post fetus et secundinarum exclusionem, prodeuntia, a le/xomai cubo; unde le/xos2 lectus, et lexwi/des2 w(=rai tempora partus. G. Der Blutfluß, Blutreinigung.