December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 427, image: s451

LVTVM, est materia quaedam glutinosa, aqua subacta, ut farina triticea, secalina, lini seminis, amylum, ovi albumen et similia, qua vasa destillatoria sibi imposita, ne quid exspiret per rimas, probe obsignantur G. Leim.

LVXATIO, seu DISLOCATIO, et ELUXATIO, est recessus ossis e proprio sinu et loco, in alienam sedem, motum arbitrarium impediens. G. Verrenckung.

LVZ, LUS, est nomen Ebraicum amygdalam significans; imponitur ossiculo, forte penitus imaginario et fictitio, quod ex Rabbinorum doctrina nullo pacto destrui potest. Quale sit illud, iam diu disceptatur, forte numquam finienda lite.

LYCANCHE, est angina quae lupos strangulat, vide angina.

LYCANTHROPIA, est rabies hydrophobica, a rabido lupo excitata, in qua homines luporum ululatus imitantur, ex lu/kos2 lupus, et a)/nqrwpos2 homo. Vide hydrophobia.

LYCHNIS, est planta, quae plures habet caules sesquipedem vel duos pedes altos, rectos, rotundos, ramosos, lanuginosos; folia sunt tres vel quatuor digitos longa, sesquidigitum lata, saluia maiora, acuta, lanuginosa alba, coniugata bina simul, mollia: calicem habet tubulosum magnum, latum, longum, multifidum, magis bullatum quam in alsinis, sqammosum: flos caryophyllaeus; floris pistillum fit fructus, utplurimum in conum desinens, qui per maturitatem apice dehiscens fundit semina exigua, subrotunda vel angulata, interdum reniformia; radix fibrosa, simplex: colitur haec planta in hortis: nomen accepisse contendunt, quod tomentosis earum foliis veteres ad lucernarum usum, pro ellychniis uterentur, unde lucernula dicta. Eius sunt variae species. G. Frauenröslein.

LYCIVM, penult. corr. [abbr.: paenultimam corripit] quia nomen ei inde, quod in Lycia frequentissime id genus arboris nascatur, ut ex Dioscor. l. 1. c. 132. constat.

Ille etiam Lycias urbes, Lyciaeque propinquos. Ovid. Met. 4.

Lycium est arbuscula spinosa, sic dicta, quod in Lycia, Asiae regione, crescat. Est quoque sucus extractus et coquendo inspissatus ex ramis ac caudice arboris pyxacanthae sive Lycii, sed cuius sit sucus varii dubitant. Affertur ex variis locis, uti India, Hispania, Creta, Cappadocia, Lycia unde nomen, etc. est medicamentum adstringens.

LYCOCTONVM, vide aconitum.