December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 440, image: s464MARTIVS PANIS, vel PASTA REGIA, fit ex amygdalis excorticatis, instar pulmenti crassioris cum aqua rosarum contusis, et saccharo ana, vel amygdalarum partibus duabus, sacchari parte una, tum supra ignem in aheno diligenter agita, usque dum superflua humiditas evaporavit, depseque simul in massam manui non adhaerentem, ex qua deinde lautia praeparantur. G. Marcipan.
MARVM, planta est exotica, maioranae figurae et viribus fimilis; adeo ut pro una eademque herba a nonnullis habeatur. Ex Syria ad nos defertur.
MAS, quid sit, omnibus notum; sed in republica medica instrumentum oblongum est, et acuminatum, quod modiolo sive trepano inditur, ut trepanum in initio firmiter stare possit, vide modiolus.
MASLACH, compositio Turcis est ex opio praeparata, cuius dosis est drachma, imo ad tres quandoque innoxie devorant, praesertim si veneris aut martis proelium sint inituri. Vocatur et Anfion vel Amphion.
MASSA, nominatur saepe omnis sanguis, in toto corpore simul sumptus. Sic et massa dicitur omnis compositio ex pulveribus aliisque rebus siccis cum fluidis in unam substantiam redactis, uti sunt massae pilularum, massae emplastrorum etc. Sie et pro massa habetur carnis quaedam excrescentia. G. ein Teig.
MASSETERES, MANSORII, seu MANDUCATORII et MANDIBULARES, sunt musculi maxillae inferioris, a maxillae superioris osse primo et osse iugali producti, maxillae inferioris margini inferiori, exteriori per spatium quatuor fere digitorum inseruntur; maxillam inferiorem fortiter adducunt ad superiorem, atque eam dextrorsum, laevorsum et antrorsum ob fibrarum diversitatem, commovere posunt, a massa/omai manduco. G. Der Kinbackenmuscul.
MASTICATIO, et MANDUCATIO, est actio, quae maxillam inferiorem versus superiorem adducendo, varie declinando, interceptos cibos dentibus comminuit, et salivae in ore admiscet. G. Das Käuen.
MASTICATORIVM, est medicamentum quod ore detentum, saepius masticatum, salivam prolicit, ex pyrethro, sale, mastiche etc. praeparatum. G. Eine Artzney die man kauet.