CAMENA Early Modern Latin Texts

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.

MISY, est minerale, sive potius chalcitidis efflorescentia, colore aurum imitans, aureisque scintillis, dum frangitur, splendens, natum super chalcitim et ex chalciti, non secus ac aerugo nascitur super aes et ex aere.

MITELLA, est species fasciae sive linteum, in quo brachium laesum sauciumque suspenditur. G. Binde darinnen man den Arm trägt.

MITHRIDATIVM, penult. prod. [abbr.: paenultimam producit] quia Galeno frequens a)nti/dotos2 *miqrida/teios2 l. 2. de Antidotis. Mithridatium, a rege Mithridate compositum, et pro antidoto habitum ad depellenda e corpore venena, ab antiquis plurimi aestimatur, verum nunc temporis non tanti venit. Huius variae dantur descriptiones. G. Mithridat.

MITRALES VALVVLAE, sunt duae, venae pulmonali, ubi se in cordis ventriculum sinistrum exonerat, appositae. Nomen acceperunt, quia ambae simul iunctae mitram episcopalem videntur referre. Ab aliquibus ex causa ea dicuntur episcopales.

MIVA, est caro sive pulpa mali cydonei cum saccharo in consistentiam spissam cocta. Vide marmelata.

MIXTVRA, MISTURA, MIXTIO, MISTIO, CRAMA, CROMA, CHRAMA, est substantia solida vel liquida, ex variis medicamentis commixta. Mixturae pro scopi, quem habet medicus, diversitate variae admodum sunt: Guttis maxime, vel cochlearibus, quandoque haustu usurpandae, conficiuntur vel ex liquoribus solis, quales sunt praecipue aquae destillatae, spiritus et olea, quovis modo inter se mixtis, sic ut aquae misceantur aquis, olea oleis, aquae spiritibus, etc. vel ex iisdem cum syrupis convenientibus, pulueribus, confectionibus, opiatis, sive omnia concurrant, sive unum aut alterum tantum adsumatur. G. Vermischung.

MOCHLIA, est ossium luxatorum restitutio, mo/xlos2 enim vectis est, et moxli/skos2 parvus vectis.

MODIOLVS, est trepanum, sive abaptiston; quo utimur in profundis ossium corruptionibus, contusionibus, fissuris et fracturis. Modus hoc instrumento utendi, cum omnibus

MOGILALOS, est is, qui cum difficultate loquitur, ex mo/gis2 vix et lale/w loquor. G. Der eine schwere Sprache hat.

MOLA, PATELLA, seu ROTULA, est os rotundum et latum, imponitur articulationi femoris et tibiae, ubi genu membranoso ligamento cingitur. Gr. ko/gxh, mu/lh, e)pigonati\s2 G. Die Kniescheibe.

MOLA CARNEA, est substantia carnosa, quandoque etiam fungosa sine ossibus et visceribus; saepe instar sanguinis concreti, nigra; et nonnumquam durissima, loco fetus in utero producta. G. Muttergewächs, Mondkalb.

MOLARES, seu MAXILLARES DENTES, Gr. mu/loi et go/mfioi, vide dentes. G. Die Backenzähne.

MOLLVGO, est aparines species, ob mollitiem dicta, quod praetereuntium vestibus non adhaereat. G. Meyerkraut, Bettstroh.

MOLOPES, vibices, ecchymomata, sugillationes, idem sunt; dicuntur rubores vibicum instar in febribus malignis, et pestilentialibus producti, Gr. mw/lwy, vibex.

MOLY, Gr. mw=lu, est allii aut cepae species; omnia sunt ut in allio, sed odor suavis, aut non graveolens. Fabulis poetarum celebratur, tamquam fascinis et veneficiis contraria. Qualis sit planta, incertum videtur; ut et de etymo antiqua est quaestio.

MOLYBDAENA [1], seu PLUMBAGO, planta est, persicaria, forte dicta ob maculas, quibus maculatur, plumbeas, a mo/lubdos2 plumbum.

MOLYBDAENA [2], seu PLUMBAGO, duplex DIOSCORIDI est: nativa et factitia. Illa nihil aliud esse videtur, quam lapis, sive plumbi minera, seu potius minera plumbi et argenti simul. Factitia est species lithargyrii, videlicet est illud recrementum quod in argenti aurique purificatione cum plumbo, minerave plumbi instituta, fornacibus adhaerescit.

MOMORDICA, est planta, quae habet caules exiguos, sarmentosos, angulosos, striatos, scandentes: folia bryoniae, sed minora, caulibus longis adhaerentia, saporis acris et amari: flores sunt monopetali, campaniformes, quinquefidi, lati expansi, coloris flavi, albescentis: post florem sequuntur elegantes fructus longi vel rotundi, magis minusve turbinati, cavi,

carnosi, elastica vi rupti, et semina explodentes oblonga, vel ovata, rubicunda, obducta calyptra plana, margine denticulato: radix est parva, fibrosa. Haec planta colitur in hortis; est offieinalis, refrigerans et adstringens, cuius fructus pomiformis est in usu. Balsaminae quoad faciem similis, quamvis prorsus ab ea distinguenda. G. Balsamapfel.

MONOHEMERA, sunt morbi, qui uno die curantur, ut ephemera febris, ex mo/nh sola, una, et h(me/ra dies. G. Eintägig Fieber.

MONOPEGIA, est acutus capitis dolor, unum locum occupans, ex mo/nos2 solus, et phgnu/w compingo. G. Hauptwehe an einer Seiten des Haupts.

MONS VENERIS, nominatur superior pubis muliebris pars, prae reliquis nonnihil eminentior, et crispior, quam in veneris castris militaturi omnium primo conscendere debent. G. Venusberg.

MONSTRVM, Gr. te/ras2, nihil aliud est quam fetus, sive homo perverse formatus, hoc est, capite duplici, pedibus aut manibus deficientibus, vel abundantibus, ita ut perfecto homini similis non sit. G. eine Mißgeburt, Wundergeburt.

MORBILLI, quasi parvi morbi, sunt maculae rubrae quae a contagio aereo in sanguine contracto excitantur, quae neque in molem attolluntur, neque suppurantur; sed cum epidermide desquamantur, cum febre, tussicula, etc. decurrentes; a variolis, ut magis et minus tantum differunt, ab Arabibus bothor vocantur. G. Die Masern.

MORBVS, Gr. no/shma, no/sos2, dicitur eiusmodi corporis constitutio, qua actionibus naturalibus, vitalibus, animalibus recte obeundis sumus inepti. G. Kranckheit, eine Seuche.

MORETVM mulierculis Batavis usitatissimum potionis genus aromaticum est, quod parari faciunt, ubi praesumptio impraegnationis adest, persuasum nimirum sibi habent, falsam impraegnarionem eo exturbari, veram corroborari. Moretum dicitur, a moris seu diamoro ingrediente. G. ein Maulbeerentranck.