December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 464, image: s488

MVCAGO, MUCILAGO, et MUCUS, est extractio viscida mediante aqua ex seminibus, gummi, radicibus etc. facta. G. Schleim.

MVCHARVM, sive MUCARUM, vocabulum est barbarum, quo nonnulli infusionem rosarum per se, alii infusionem cum saccharo in syrupum coctam, intelligunt.

MVCILAGO, idem quod mucago.

MVCRO CORDIS, sive APEX, est inferior pars cordis cuspidata. G. Die Spitze des Hertzens.

MVCRO, est acumen, in quod pars quaecumque desinit. Sic foliorum mulorum, siliquarum quarundam, et spinarum omnium extrema in mucronem acuminantur.

MVCRONATA CARTILAGO, vide ensiformis cartilago.

MVCVS, Gr. mu/ca, ble/nna, ko/ruza, est excrementum liquidum, crassum et viscidum, quod ad nares et palatum defluit, et secretum fuit ex glandulis membranae nares earumque sex cavitates investientis. G. Rotz.

MVCVS INTESTINORVM, est quaedam visciditas, ex glandulis exsudans, interna obliniens, ne intestina facile ab acribus aut duris ingestis laedantur. G. Schleim der Därme.

MVLOMEDICINA, idem quod veterinaria.

MVLSVM, idem quod hydromel.

MVMIA, vox Arabum et Officinarum, quia autem Avicennae est moumija, necesse est penult. produci, cum Latinae civitatis vox iam sit, eoque ob ieinter duas vocales proxime praecedentem syllabam producit. Mumiae habentur quinque species, Arabum nempe, quae est liquamen seu liquor concretus exsudans in sepulcro e cadaveribus conditis. Altera Aegyptiorum est, sive liquamen ex cadaveribus pissasphalto conditis. Nimirum, hoc condiebantur cadavera vilioris sortis, adeoque et ipsamet cadavera nonnumquam eo modo condita prostant. Tertia, pissasphaltum factitium, id est mixtum pici bitumen, quod pro mumia venditant. Quarta, cadaver sub arena solis aestu torrefactum. Fitque in Hammoniorum regione, quae est inter Cyrenarum regionem et Alexandriam, ubi arenarum Syrtes ventorum turbine sublatae incautos viatores obruunt, unde horum cadavera a flagrante solis aestu torrentur et exarescunt. Omnium praestantissima est Persica, species olei terrae seu etrolei, quod ubi aquis diu innatavit, calore solis spissius redditur.

page 465, image: s489

Ceterae omnes abominandis et stolidis officinae sordibus annumerantur et a medicis elegantibus abdicatae sunt.

MVNDATIO, sive PURIFICATIO, est, quando medicamenta a pulvere, corticibus aliisque immundis purgantur. G. Das Säubern, Reinigen.

MVNDIFICATIVVM, est tale medicamentum, quo ulcera a sordibus purgantur.

MVRALIS HERBA, idem quod parietaria.

MVRIATICA ACRIMONIA, est acredo humorum in corporis humani quibusdam morbis peccans, uti in scorbuto, melancholia etc. quae omni signo se accedere ad naturam salis marini, vel ammoniaci manifestat sese, in qua sapor in ore salsus semper, sitis assidua et ingens, siccitas et rigiditas corporis; urina salsa, tarde putrescens, cum sedimento spisso, et cum pellicula tenui pingui innatante.

MVSCARI, est hyacinthi botryoidis species: quae sic appellatur, quod eius flores moschum oleant. Radix vires habet emeticas.

MVSCARIA, in vegetabilibus sunt in orbem radiatae herbarum comae, cacuminaque in fasces coacta, a flabri similitudine, cuius ventilatu muscae in conviviis abiguntur, dicta.

MVSCIPVLA, est species floris armerii, seu viscaria, eo dicitur, quod caules eius visciditate obducuntur, qua de causa muscae advolantes visco illo capiuntur.

MVSCVLVS, est pars corporis animalis organica, vasis sanguineis, lymphaticis, nervis, duobus tendinibus, et fibroso seu carnoso ventre instructa, cuius officium est, membra mobilia, appensa movere. Motio illa seu contractio fit, quando a cerebro, cerebello, vel medulla spinali, per nervos ad fibras musculosas spiritus animales fluunt, et simul in sanguine maior est determinatio ad easdem partes, tum musculi venter incipit tumere, adeoque partes longitudinales abbreviantur, et tendines ad se invicem accedunt, et pars annexa mobilis ad minus mobilem attrahitur. G. ein Muscul.

MVSCVLOSA EXPANSIO, vide myodes platysma.

MVSCVS, Gr. bru/on, et mni/on; Arab. usnea, sunt plantulae parvae sui generis, arboribus, lapidibus etc. accrescentes, forte a mucore appellatur, quod instar mucoris efflorescat. G. Moß.