December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 498, image: s522

OSTRVTIVM, seu ASTRANTIA, vel MAGISTRANTIA, est imperatoria, dicitur et laserpitium. G. Meisterwurtz.

OSYRIS, est linaria, sed illud nomen etiam aliis herbis imponitur.

OTALGIA, sive aurium dolor, is soepe est gravissimus et lacerans, atque adeo nonnumquam, ut non modo somnum omnem impediat, sed delirium inducat. Iam ut hic dolor non fit sine inflammatione, quae aliquando exterius conspicua est, ita frequenter in abscessum transit, pure ex auribus fluente: aliquando iste dolor per vices affligit, et coniunctam habet odontalgiam, imo tinnitum et surditatem, ab ou)=s2 auris, et a)lge/w doleo. G. Ohrenschmertzen.

OTENCHYTA, seu CLYSTER AURICULARIUS, est siphunculus, quo medicamenta auribus immittuntur, ab ou)=s2 auris, et e)gxe/w infundo. G. eine Ohrspritze.

OTICA, sunt medicamenta, adversus aurium morbos, ab ou)=s2 auris.

OVA, in feminis sunt sphaerulae, quae deprehenduntur in superficie ovariorum sub membrana cingente, inferne per calicem crassiusculum concretae ipsi substantiae ovarii, pellucidae, humore lymphatico, ad ignem conerescente, repletae, binisque membranulis concentricis sibique invicem arctissime nexis constantes; chorio scilicet et amnio. Bullulae vero hae, calice suo herent finibus minutissimis vasorum ad ovaria euntium, post usum veneris fere tantum apparent, sensim tumescunt, pedetentim magis pellucent, crassescunt in membranis suis, membranam ovarii elevant, extendunt, in formam papillae sic dilatant, ut emineant, a pedunculo suo pendeant, inde separentur, cicatricem cavam relinquant in substantia et membrana effracta ovarii, sensim iterum coalescentem; tandem et in his bullulis hic loci adhuc haerentibus ovario, fetus inventi fuere, unde nullum est dubium, quin in his conceptus fiat, et sint tantum animalculorum recceptacula, ubi nutriuntur, augentur etc. G. ein Ey.

OVARIVM, est testis muliebris; utero ad distantiam binorum circiter pollicum lateraliter annectuntur per ligamenta valida duo ovaria, quae est ope membranarum aliarum a peritonaeo ortarum obvoluta firmantur. Haec corpora sunt scabra, fere ovata; in superiori tamen parte magis plana quam gibbosa apparent. In horum superficie, sub membrana cingente reperiuntur sphaerulae sine bullulae, ova dictae. Ovariorum

page 499, image: s523

varia magnitudo est pro aetatis et temperamenti ratione, etenim in libidinosis, et aetatis flore constitutis plerumque sesquidrachmam pendent, in vetulis vero exsucca, parva, quasi corrugata, vix ad semidrachmam ascendunt, numquam tamen evanescunt, infantibus adhuc minora quam in decrepitis. Substantia eorum membranosa est, fibrosa, plurimisque intertexta vasis, spermaticis scilicet et hypogastrieis, aliisque ante ingressum suum hic loci ita unitis, et cum nervis commistis et intricatis, ut fabrica haud describi queat. G. Der Eyerstock.

OVIDVCTVS, idem quod tuba sallopiana.

OVVM, est species doloris capitis, quae sentitur magnitudine ovi: et sic a figura, quam ovum occupat, denominationem accepisse videtur.

OXALIS idis: utrumque paenult. [abbr.: paenultimam] corripit:

*)/arktion, o)cali/das2 te, kai\ o(rmeno/enta lu/kayon Nicand. in Ther.

Pharmacopoei acetosam vocant, penult. longa, ut paludosus, strumosus, onerosus, lapidosus.

OXELAEVM, est mixtio aceti cum oleo, ab o)/cos2 acetum, et e)/laion oleum.

OXYACANTHA [1], est berberis; sic dicitur ab acidis baccis, et spinis, ergo ab o)cu\ acidum et a)/kanqa. Vide berberis.

OXYACANTHA [2], est spina acuta, sive vallaris, aut sepicularis; o)cu\ enim est acutum, et a)/kanqa spina. G. Hagedorn.

OXYCEDRVS, sive acuta cedrus, quod cedri folia in acutam desinunt aciem, ex o)cu\ acutum et cedrus.

OXYCRATVM, est aceti cum aqua mistio, pusca vel posca dictum, ac o)/cos2 acetum et kera/nnumi misceo. G. Wasser und Eßig.

OXYCROCEVM, est emplastri cuiusdam nomen quod ex croco, aceto, pice aliisque rebus componitur, ex o)/cos2 acetum et kro/kos2 crocus. G. Saffranpflaster.

OXYDORCICA, sunt medicamenta visum acuentia, ex o)cu\ acutum et de/rkw video.

OXYGALA, est lac acidum, ex o)cu\, et ga/la lac.

OXYLAPATHVM, est lapathum acutum, ex o)cu\ acutum et lapathum. Mengelwurtz, Grindwurtz.