December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 514, image: s538

PEGANVM, vide ruta.

PELICANVS, est instrumentum chirurgicum, dentibus evellendis destinatum; forfex est rostro incurvato, dentibusque intus, melioris apprehensionis gratia, munito. Item instrumentum est chymicum circulatorium dictum, a figura pelicarli rostro pectus suum fodientis nuncupatum, amplo ventre sensim in angustius collum vergente, quod retortum et recurvum os rursum in ventrem immittit. Hoc vas in fundo canalem, per quem liquor infunditur, habet, qui, liquore infuso, hermetico sigillo occluditur, et calori admovetur. G. ein Pelican.

PELIDNVS, est color faciei plumheus et lividus, melancholicis frcquens, a pe/los2, niger, fuscus.

PELLICVLA, idem quod membrana vel tunica.

PELLIS cutis est brutorum, pilis aut lana necdum orbata, alias, si praeparationem subiisset, corium appellaretur. G. Die Haut, Fell.

PELTALIS CARTILAGO, idem quod ensiformis cartilago.

PELVIS, est locus ille in ventre imo, quo vesica et uterus continetur, et circumscribitur ossibus ilium, coxendicis, pubis, et osse sacro; in mulieribus haec ossa magis a se invicem distant, et tenuiora sunt quam in viris, praesertim ossa pubis, ut sic cavitatem pelvis, et angulum inter ossa pubis et ischii, maiorem efficiant, pro fetus commodiori gestatione, faciliorique in partu exclusione. G. das Becken.

PELVIS RENVM, est receptaculum membranaceum in utroque rene, quod urinam ex duodecim papillis recipit, et in ureteres effundit. G. Das Nierenbecken.

PEMPHIGODES FEBRIS, est, quae ob calotis intensionem pustulas et bullulas, producit: aliis placet febrem esse ventosam et flatuosam, seu ampullosum, ex pe/mfic flatus, bulla, pustula, et ei)=dos2 forma.

PEMPTAEOS, quintana dicitur febris intermittens, quinto quoque die recrudescens, a pempth\ quinta.

PENICILLVS, est instrumentum chirurgicum ex pilis aut linteo carpto accommodatum, eluendisque ulceribus aliisque medelis destinatum. G. perki/skos2. G. ein Pinsel.

PENICILLA, idem quod turundula.

PENIDIVM, est sacchari clarificati et depurati species; quae in hacillos arte redigitur. G. Penyzucker.