December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 538, image: s562

PLETHORA, est cum sanguis, alendo eorpori utilis, in vasis supra mediocritatem abundat, ita ut a minimo motu vehementiori, in statu sanitatis requisito, statim morbus inducatur: diciturque esse vel ad vasa, cum sanguis ita abundat, ut vasa, quibus continetur, mole sua distendat: vel ad vires quando tanta est sanguinis copia, ut vasa quidem non supra modum repleat; viribus tamen sit gravis. Sed illa differentia, potius ad morbos referri debet quam ad sanitatem: nam si vasa distendantur, crassum sanguinem et obstructiones indicat: et si homines viribus fuerint graves, obstructiones et compressiones vasorum minimorum et nervorum significat, a plh/qw plenus sum. G. Blutreich.

PLETHORICVS, est is, qui multo sanguine et sucis abundat. G. Vollblütig.

PLEVRA, sive MEMBRANA SUBCOSTALIS, est membrana thoracem eiusque viscera intus succingens. G. Das Brustfell, Ribbenfell.

PLEVRITIS, est pleurae et musculorum intercostalium inflammatio, cum febre acuta, continua, punctorio lateris dolore, aucto in inspiratu: in exspiratu, vel animae retentione, mitiori, quare coniungitur cum difficili respiratione, pulsu duro, tussi, sputoque interdum cruento, estque vel vera, ut supra definivimus, vel spuria, a pleura\ latus. G. Das Seitenstechen, Seitenwehe.

PLEVRITIS NOTHA, seu SPURIA, est species pleuritidis, in qua musculi intercostales externi, vel musculi alii his incumbentes, vera inflammatione corripiuntur, cum signis nonnullis pleuritidis modo descriptae.

PLEVRORTHOPNOEA, est lateralis morbus, in que non nisi erecto collo respirare possumus, ex pleura\ latus, o)rqo\s2 rectus, et pne/o spiro.

PLEXVS CHORIOIDES, supra glandulam pinealem, velut supra fibulam suspendi videtur: iste plexus ad hunc modum constituitur: ex utroque medullae oblongatae latere, ubi cerebri limbus ei connectitur, duae arteriae e posterioribus carotidum ramis, ubi vertebralibus uniuntur, oriundae, recta ascendunt; quae statim divisae, velut plures rivi iuxta consiti, versus glandulam pinealem evehuntur, ibidemque mutuo occursu terminari videntur; atque illic loci, e sinu quarto surculi venosi utrinque prodeunt, qui pariter in filamenta divisi, arteriis capillaribus obviam fiunt, inque illos pluribus in locis inosculantur, et varie complicantur; adeoque haec vasa, inter se

page 539, image: s563

plurimum irretita, et glandulis interserta, plexus admirandos constituunt. G. Die Netzgleiche Blutgefässe.

PLEXVS GANGLIOFORMIS, dicitur, quando varii nervi in unum nodum, ganglio sive nodo similem, coalescunt.

PLEXVS NERVOSVS dicitur, cum duo vel plures nervi coeunt, et extuberantiam velut nodum constituunt. G. ein geflochten Sennaderknopf.

PLEXVS RETICVLARIS, seu RETIFORMIS, vide plexus chorioides.

PLICA, est morbus Polonis endemius, quando capilli capitis in unum cirrum, vel plicam concrescunt, instar caudae vaccinae, adhaec etiam gibbi fiunt, laxantur artus, membra conglobat et retorquet, pediculos fundit, aliaque symptomata inde proveniunt. G. Marenflächte, Judenzöpfe.

PLVMACEOLA, idem quod splenia.

PLVMBAGO [1], idem quod molybdaena.

PLVMBAGO [2], est persicaria, dicta quod maculas habeat, plumbeas.

PLVMBVM, est metallum mollissimum, ante ignitionem in igne liquescens, fumando avolans. Diu fusum per vasa pleraque transit, ante ignitionem calcem eicit, vitrescit cito, tum fusum nullo vase in igne contineri ultra potest: cum metallis impuris vitrescit, tumque eadem secum ex cava superficie catilli docimastici abripit, solum aurum et argentum pura a ceteris relinquit, in aqua forti, non in aqua regia, solvitur, salemque dat dulcem, minime sonorum est, coloris linidi specificae gruitatis ad aquam, ut 11345. ad 1000. G. Bley.

PNEVMATOCELE, est ramex seu hernia ventosa; cum scrotum a flatibus distenditur, a pneu=ma ventus, et kh/lh tumor. G. Windbruch.

PNEVMATODES, est anhelosa respiratio, a pne/w spiro, et ei)=dos2 forma.

PNEVMATOSIS, est spirituum animalium generatio, quae fit in glandulosa corticali cerebri substantia, nisi forte vascula ex sanguineis recte oriunda sint nervorum communicatoria: illie arteriolae deplentur, et spiritus extillant, qui postquam cerebri meditullium subierint, totum nervosum genus, motibus actionibusque sensitivis perficiendis, irradiant, a pneu=ma spiritus. G. Geistmachung.