December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 552, image: s576

PROLEPTICVS, est morbus semper anticipans: ut si febris hodie hora quarta adveniat, cras vero hora tertia vel secunda, a prolamba/nw anticipo. G. Vorrückend Fieber.

PRONATORES MVSCVLI, alter est rotundus, alter vero quadratus, et ambo radium movent. Primus a forma et munere dictus pronator rotundus, interiori humeri tuberculo alligatus, hinc ad radii medium, cui valido adhaeret tendine, excurrit. Secundus dicitur quadratus, ab interna ulnae ossis parte transversim productus, interno itidem radii lateri annectitur. G. Der herum führende Muscul.

PROPAGO dicitur vitis vetula depressa, atque in terram per inflexos arcus submersa, ut ex una plures emergant. G. Das Einsencken, Fortpflantzen.

PROPHASIS, est praenotio in morbis. Item, occasio et causa antecedens, a profai/nw praeluceo.

PROPHYLACTICA, est pars hygieinae, quae morbos futuros et imminentes avertit, a profula/ssw praeservo.

PROPHYLAXIS, idem quod prophylactica.

PROPOLIS, est crassior apum materia, flava, odorata, styracem, ut scribunt, sed potius resinam odore referens, cerae finitima; gluten in alveorum foribus repertum. Quidam ceram sacram vocarunt. Nihil aliud est quam rudis quaedam resina, nullam habens nec odore, nec sapore, nec consistentia cum cera similitudinem: sapor subamarus est, igni si imponatur, lignum alocs redolet, et consistentia spissior est, imo et colore subnigra. Illa materia lateribus alvei non tantum adhaeret, ne aeris iniuriae apum generi nocuae sint, sed hiemali tempore circa introitum sive alvei portam ob eandem causam, unde et ei nomen; maxime adhaeret. G. Der Vorstoß, das Rebenwachs.

PROPOMA, est potus ex vino et melle vel saccharo paraus, a propi/nw praebibo.

PROPOTISMA, est medicamenti propinatio, propi/nw praebibo.

PROPTOSIS, est partis alicuius procidentia: ut oculi, omenti, uvulae etc. a propi/ptw procido.

PRORAE OS, vide basilare os.

PROSERPINACA, vide polygonum.

PROSPHEROMENA, sunt cibi, vel medicamenta, quae intra corpus sumuntur, a prosfe/rw offero, adhibeo.