December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 553, image: s577PROSPHYSIS, est agnascentia, cohaerentia et coalitio, cum scil. digiti sibi invicem connexi sunt et coalescunt, a prosfu/w agnasci facio. G. Zusammenwachsung.
PROSTATAE, ADSTANTES, sive CORPORA GLANDULOSA, est una, continua conica glandula, quae adnascitur urethrae parti, quae flaccida est ad vesicae urinariae collum, antequam bulbus sive corpus cavernosum ad urethram accedit, circumcincta est fibris muscularibus, et composita duodecim distinctis aggregatis glandularum ita, ut glandulae cuiusque aggregati per emissaria sua desinant in unum sacculum, cui infundunt suum humorem; hinc sacculi duodecim distincti totidem distinctis notabilibus emissariis hiantes in cavum urethrae, ita, ut undique cingant exitum illum vesicularum: unde accurate hic miscentur semen et humor prostatae: dum vesiculae et prostatae eadem membrana musculari cinguntur: humor hic factus, est blandus, pinguis candidus, copiosus: post abstinentiam ab opere venereo diuturnam actione deponendae alui aut reddendi lotii, saepe expressus animalcula, quae in semine adsunt, non continens, ablata testium, et vesicularum seminalium, actione, superstes, nec tamen tunc prolifer. Videtur hinc semen crassius et cineritium diluere, vehere, et forte in primis a coitu momentis nutrire animalcula in vero semine contenta, unde una cum semine eicitur; forte et urethrae lubricationi inseruit, titillationi ansam dare etiam perhibetur: simile quid in femininis reperitur a proi/sthmi, praesum, praesto.
PROSTETHIS, est pectus, sive thoracis anterior facies: Item, pars carnosa in manuum et pedum cavitate, nec non inter digitos nascens, ex pro\ pro, et sth=qos2 pectus.
PROSTHESIS, est pars chirurgiae, quae quod deficit, restituit. Exemplum habemus in folutione continui, ut patet in ulceribus cavis et fistulosis, quae arte chirurgica carne supplentur, a krosti/qhmi appono.
PROTOPATHIA, est morbus primarius, sive idiopathia, quae ab alio morbo non est orta, ex prw=tos2 primus, et pa/xw patior.
PROTVBERANTIA, vide apophysis.
PROVOCATORII DIES, vide critici dies et intercalares.
PRVNA, idem quod anthrax.