December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 554, image: s578PRVNELLA [1] sumitur aliquando pro aphthis vel albicantibus, nigris vel puniceis, aliquando pro angina vel febre Hungarica. G. Die Bräune.
PRVNELLA [2], sive brunella, planta haec sic videtur diei, quod conveniat in febribus ardentibus, quando os et lingua prunae instar ardent, recens planta veteribus incognita plane, quae nomen traxisse videtur a vocabula Germanico, die Bräune, quae est species anginae, quae intra paucos dies in gangraenam abit, estque morbus castrensis, et dicitur exercitus quidam hoc morbo fere totus laborasse, multaque remedia esse adhibita, tandem hac planta inventa, omnes aegros hoc morbo laborantes fuisse curatos. Sucum huius plantae in gargarisinate assumpserunt, et foliis pro cataplasmate usi sunt, inde perfecte curati fuerunt. G. Brunellenkraut.
PRVNVS SYLVESTRIS, est arbor cuius cortex est griseus, fere purpureus: folia prunum sativum referunt, sed minora, saporis sunt subadstringentis: calix est monopyllus, quinquifidus; flos est albus, rosaceus, pentapetalus, staminibus triginta vel ultra praeditus: ovarium in fundo calicis fit fructus niger, subcaeruleus, ovatus, vel globosus sub tenui, glabra tunica pulpam mollem condens, in suo medio continentem ossiculum oblongum vel ovale, compressum, utrimque acuminatum, unico intus nucleo fetum: pediculus satis longus fructui suppositus: fructus caro est dura, viridescens, saporis stiptici: radix lignosa, nigra, se undique extendens: haec arbor crescit in locis incultis: Gr. prou/nh. G. Schlehenbaum.
PRVRITVS habet aliquid ex titillatione, dolore et voluptate: sed illud proprium est, ut ad scalpendum incitentur. Definitur quod sit cutis inaequalitas sicca, cum difficultate pruriginosa, ortum habens a particulis salino fixis acriter pungentibus, in cutis glandulosis acinis et poris ab aliis tenacioribus retentis, quae circuitum absolvere, vel per diaphoresin emanare non possunt. Gr. knismo\s2, knhsmo\s2, cusmo\s2. G. Das Jucken der Haut.
PSAMMISMVS, est balneum ex arena sicca et calida, quo hydropicorum pedes exsiccantur, a ya/mmos2 arena. G. ein Sandbad.
PSAMMODEA, sunt urinarum contenta arenosa et sabulosa, ex ya/mmos2 arena, et a)=dos2 forma. G. Harn mit Grieß.