December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 569, image: s593RECEPTACVLVM CHYLI, idem quod sacculus chyliferus.
RECEPTACVLVM CHYMICVM, est vas amplum, in quo guttae et vapores destillantes ex rstro vasis, in quo corpus destillandum habetur, excipiuntur: vocatur et recipiens, et excipulum. G. Vorlegeglaß, ein Recipient.
RECEPTVM, idem quod formula.
RECIDIVVS MORBVS, est, quando materia a priore morbo relicta, vel corporis morbosa diathesi non satis mutata in sanitati requisitam conditionem, denuo recrudescit et eundem similemve morbum resuscitat.
RECRVDESCENTIA, est, quando morbus iam desinens, aut mitis factus, denuo ad eundem vigorem redit.
RECTIFICATIO, est destillatio repetita liquorum iam antea destillationi subiectorum, ad eos magis purificandos et exaltandos. G. das Rectificiren.
RECTI MVSCVLI habentur inter externos abdominis musculos: in quibus arteriae et venae epigastricae ab interna parte ascendunt, tum a mammariis interius prope mamillam descendunt. Circa medium abdominis in latitudinem maiores inscriptionibus binis, ternis, interdum et quaternis, in plures veluti maseulos dirimuntur. Ad mucronatam pectoris cartilaginem, costarumque trium vel quatuor cartilagines, exortu carnosi sunt, in osse vero pubis, valido tendinosoque corpore defixi. Duo porro paria dicuntur musculi recti maiores et minores capitis. Par rectum maius, parvum est carnosum et gracile. Oritur a secunda colli vertebra, et desinit in medium occiput, minus rectum sub priori latet, venit a prima colli vertebra, et in medium occiput terminum assequitur. Caput ambo retrorsum leviter ducunt et ad latus.
RECTVM INTESTINVM, est omnium et praecipue crassorum intestinorum ultimum, incipit a coli fine, et desinit in anum, gaudet musculis sphinctere, et duobus dilatatoribus. G. Mastdarm, Affterdarm.
RECVTITVS, sive APELLA, est cui portio praeputii resecta fuit, ut in Iudaeis et Mahometanis. G. Beschnitten.
REDVCTIO, est metallorum ab acido aliquo corrosorum, vel quocumque modo calcinatorum, mediante alcali quopiam aut quocumque inflammabili, in pristinam denuo formam fusio.