December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 594, image: s618SAPA, vide apochylisma et defrutum.
SAPHAENA, est venae cruralis ramus internus, qui per interius cruris latus sub cute fertur ad malleolum internum, ubi cum aliorum ramulis varie inosculatur: hanc antiqui in uteri affectibus frequentissime secabant. G. Die Frauen - oder Rosenader.
SAPHATVM, est exulceratio crustosa in capite, non absimilis achori. Vide achor.
SAPHIRVS gemma penulr. prod. quia Dioscoridi l. 5. c. 157. sa/pyeiros2. Sapphirus est gemma caeruleo colore, pellucida et diaphana. Sunt aliquae colore caeruleo albidae, aliae caeruleo saturo: hae mares, illae feminae appellantur; aliae omni colore carent, albaeque vocantur. Orientales inneniuntur in Calecut, Cananor, Bisnagar, Zeilan, et praestantissimae in regno Pegu. Occidentales, variis in locis reperiuntur. Confinia Bohemiae, et Silesiae satis praestantes ferunt. Praestantiores tamen sunt orientales. Color in igne facile aufertur. G. ein Saphir.
SAPIENTIAE DENTES, vide dentes.
SAPINVS, est abies, sive ipsius arboris infima pars, quae enodis est.
SAPONARIA, planta officinalis, lychnidis species: quae plures habet caules tenues, rotundos, nodosos, rubicundos, valde teneros: folia sunt ampla, nervosa, plantaginis foliis similia, sed minora: flores crescunt in lummitate ramorum pentapetali, ut plurimum coloris pulchre purpurei, interdum rosei, aliquando albi, odoriferi; floribus succedunt fructus plurimis seminibus tenuibus, obrotundis, rubris, feti; radix est longa, rubra, nodosa, oblique repens in terra: sic dicitur, quod saponis loco substitui potest ob sucum ei insidentem vere saponaceum. Gr. strouqi/on, lanaria. Vide struthium. G. Waschkraut, Seiffenkraut.
SAPO, onis, penult. prod. [abbr.: paenultimam producit]
Attrito sapone genas purgare memento. Seren. tit. cut. vit.
Sapo est compositum ex sale alcalino et oleo expresso vel destillato, coctione unitis, et redactis ad materiam consistentem vel plane solidam, virtutis miscendi oleosa aquosis, et abstergendi quasuis sordes: qui cum oleo expresso fiunt vulgares sunt; qui cum destillatis oleis, sapones philosophorum nuncupantur. G. Seiffe.