December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted


image: s000

[gap: illustration (Frontispiz)]

image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.



image: s002

[gap: praeliminaria]

page 611, image: s635

SERIOLA, vulgo scariola: idem quod seris. Hoc nomine hodie dicitur intybi quaedam species, nigra semina ferens.

SERIPHIVM ABSINTHIVM, dicitur marinum absinthium. a Seripho insula nomen habet, in qua copiosissime crescit.

SERIS, SERIOLA, est intubus, sive endivia; nomen Graecum est et in genere complectitur herbas edules lactescentes, ut intybum, taraxacon, lactucam, cichoreum.

SERPENTARIA, dicitur scorzonera, quod serpentum morsibus venenatis medeatur. Item sic bistorta appellatur, sed quare, nescio. Ita quoque ari species maxima vocatur, ob nigras et purpureas, quas habet caulis, maculas. Vide dracontia.

SERPENTARIVM LIGNVM, vide colubrinum.

SERPIGO, vide lichen.

SERPILLVM, SERPYLLUM, thymus silvestris, est planta, quae habet plures caules quadratos, duros, lignosos, rubicundos, humiles, parum villosos, quosdam rectos, alios repentes, folia thymi latiora, cetera cum thymo plane conveviunt. Gr. e(/rpullon, a serpendo tam Graecis quam Latinis dictum: quoniam si qua eius particula terram attingit, inibi radices demittit. Ab e(/rpw serpo. G. Quendel, wild Poley.

SERRA, est instrumentum chirurgicum lamella dentata constans, qua ossa serrando auferuntur. Gr. pri/wn. G. eine Säge.

SERRA VERSATILIS, est instrumentum chirurgicum, tympanis duobus, iisque dentatis, praeditum; utile maxime ad intercidenda duorum vel trium, modiolis factorum, interstitia

SERRATA, vide chamaedrys.

SERRATVLA, est planta, quae habet folia oblonga, ampla, betonica maiora, incisa: caulis ad altitudinem duorum pedum crescit, rectus, striatus, rubescens, in parte superiori in multos ramos divisus, folia gerentes instar scabiosae incisa, et ab inferioribus diversa: flores ut in iacea; his succedunt semina pappis instructa: radix est fibrosa, saporis aliquantulum amari: haec planta crescit in silvis, in pratis, et in locis tenebricosis et humidis. Planta sic vocatur a foliis serram aemulantibus. Vide chamaedrys.