December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 612, image: s636

SERRATVS MVSCVLVS, quadruplex est, postici, habentur duo et totidem antici. Posticus primus superior, tenui ac membranoso principio, a tribus inferioribus vertebrarum colli posticis processibus, primaque spinae productus, post in descensu carnosus ad tres quatuorve superiores costas fertur, prout duobus aut tribus dentatis productionibus praeditus fuerit, costas sursum trahere videtur. Alter, posticus inferior, non minus dorso quam lumbis adhaeret. Ab ilii ossis margine, sacri posteriore sede, spinosisque lumborum processibus ortus, a costis, quibus omnibus inferius daplici tendinea insertione, trium circiter digitorum a spinis spatio alligatur, maximum fibrarum accipit acervum. Alterum par anticum est. Istius inferior musculus maior est, latus et undique carnosus, cum abdominis obliquo descendente serratam compagem efficit. Oritur carnosus ex basi interna scapulae, alii a costis duabus supernis usque ad claviculam, quae costae videntur immobiles. Porrigitur tendineis quinque inaequalibus extremis ad costas quinque superiores, nonnumquam et ad inferiores seu breviores duas, quas attolit. Alterum par superius anticum minus sub pectorali musculo latens. Costis superioribus quatuor, prima excepta, totidem extremitatibus adnascitur, hinc ad scapulae processum coracoidem implantatur. Antrorsum ad thoracem scapulam adducit. G. Der Sägengleiche Muscul.

SERTVLA CAMPANA, vide melilotus.

SERVM, Gr. o)r)r(o\s2, est sanguinis humor aqueus, tenuis, subflavus, et subsalsus, constans ex plurima aqua, mediocri sale et pauco sulpure; usus est ut sit vehicalum sanguinis rubri, seu alimenti, deinde ut sanguinem diluat, ut per vasa minima fluat, ea nutriat, et ex illo tenuissimi corporis liquores segregentur. Apud Hippocratem vocatur o)/xhma th=s2 trofh=s2. G. Das Wässerige im Blute, Molcken.

OSSA SESAMOIDEA, sunt ossicula, a figura sesami seminis dicta, quae in internodiis manuum et pedum reperiuntur, ut ossium tendines haec superscandentes maiorem vim in elevanda parte acquirant.

SESAMVM planta haec nomen acccpit ab Aegyptiis quibus sempsem dicitur. Eius oleo veteres tam in culina quam medicina multum utebantur. G. Leindotter, Flachsdotter.

SESCVNCIA, sive SESQUIUNCIA, continet unciam unam et semissem, sive drachmas duodecim.