December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 615, image: s639SIGILLVM SALOMONIS, vide polygonatum.
SIGMOIDES [1], sunt apophyses ossium semilunares; ut processus ancyroides scapulae, et sinus ossis radii, Graecorum antiquorum C. referentes.
SIGMOIDES [2], sunt valvulae tres arteriae magnae, circa cor foris spectantes, sanguinem ex ventriculo sinistro in aortam quidem admittentes, sed illi regurgitare conanti suo explicatu et immediata clausura resistentes, dictae a littera C. seu sigma et a)=dos2 forma. Vide valvula.
SIGNVM MORBI, Gr. shmei=on, est, quidquid sensibus nostris est obvium, vel aliquid ad ipsum pertinens, quod potest indicare, quare id quod ad curationem necessariam pertinet, indicatur. Signum est morbi causa vol symptoma: est proprium vel commune: hoc separabile; proprium inseparabile sive pathognomonicum, synedreuon, epiphaenomenon, bonum, malum, certum, incertum, salutare, letale etc. Signa sanitatis sunt, actiones integrae, qualitates convenientes, excreta et retenta bene convenientia. G. Die Zeichen der Kranckheiten.
SILER, est ligustici species, et dicitur montanum, hinc corrupta voce, sermontaine appellatur: est planta, quae habet caulem valde altum ad hominis quidem altitudinem, ramosum, pedunculos longos proicientem, qui habent folia ampla, magna in alas extensa in plures partes divisas, quibus tria adhaerent foliola ut in meliloto, sed angustiora et molliora, aliquantulum odora, ubi contunduntur: flos est rosaceus et umbellatus, pluribus scilicet petalis constans in orbem positis, et calici insidentibus: is autem abit in fructum compositum ex duobus seminibus sibi invicem adhaerentibus oblongis, hinc gibbis et sulcatis cum liris veluti foliaceis: inde vero planis, odoris ingrati: radix crassa, longa, rugosa, alba, odora, pastinacae similis: crescit inprimis in iocis calidis in montibus.
SILIGO, est tritici albissimi species. Gr. o)/lwra, et si/lignis2 vel se/lignis2.
SILIQVA [1], penult. corr. [abbr.: paenultimam corripit]
Nec non et lini tunsum, siliquaeque legumen. Seren. tit. praecord. san.
Decoctis potamur aquis, siliquaeque madentes. Seren. tit. digest. med.Siliqua, Gr. kera/tion, Arab. Kirat, est dimidium lupini, et siliquae sex pendent scrupulum. Semen autem in siliqua contentum, non tota siliqua, intelligitur, et id mediocre, non
page 616, image: s640enorme et habitius: neque strigosum et emaciatum; nonnullis est pondus quatuor granorum.
SILIQVA [2], est folliculus sive integumentum, cui grana, leguminum vel herbarum semina concluduntur. Nam non modo legumina, sed et complures quoque herbae et frutices siliquas proferunt.
SILIQVA [3], est etiam folliculus sive integumentum, cui grana leguminum includuntur.
SILIQVAE DVLCES, quarum arbor ceratonia appellatur; quae est mediocris magnitudinis, habens plurimos ramos, magnos, duros, in latum se extendentes: folia pinnata, oblonga, carnosa, nervosa, dura ad costam communem cum impari extremo: flores sunt apetali; numerosis staminibus constantes, ortis ex calicis fissura; in calicis centro fit siliqua oblonga, compressa, paululum intorta, crassa, digito longior, pollice latior, fusca, splendens, coloris obscuri, rubicundi, dorso elatiore includens pulpam carnosam, rufam, dulcem, sub qua intra membranaceos loculos latitat semina plana, subrotunda, compressa, fusca, lucida: dulcedo maior in pulpa quam in cortice. Crescunt in regno Neapolitano, insula Creta, Syria, Hispania etc. Fructus sunt siliquae instar oblongi et plani, extus colore castanei; intus semina fere continent, ut cassia fistula; fructus ipsi dulces sunt, ideoque in morbis pneumonicis usui veniunt. G. St. Johannisbrodt.
SILIQVASTRVM, seu piper Brasilianum, est capsici species, a siliquis siliquastrum dictum: est arbuscula, quae habet ramos a se invicem distantes, corticem purpureum, nigricantem habentes: flores sunt papilionacei, ante folia vere erumpentes, leguminosi, purpurei, plures simul iuncti, pedunculis brevibus et nigris adhaerentes, quinquefidi, ex quibus duo in inferiori parte positi superiores exsuperant magnitudine; post florem sequitur siliqua longa, plana, membranacea, purpurea, seminibus reniformibus et duris feta: folia sola et alterna nascuntur rotunda, asarum referentia, sed maiora, nervosa, in parte superiori viridia, in inferiori albescentia, alae vexillo supereminent: crescit haec arbuscula in regionibus calidis circa flumina.
SILPHIVM, est ex genere ferulacearum. Cyrenensibus si\rfi, aut si/lfi, item se/rfn, unde Gr. si/lfion, Lat sirpe, silpe et serpe, atque porro lac serpitium, unde laserpicium. Vide laserpicium.