December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 619, image: s643SIRIASIS, est cerebri et meningum, ab ardore solari, inflammatio, seu (rectius) incalescentia; pueris propter tenuitatem cranii, vel fontanellam tenuissimam frequens. G. Das Blatschiessen.
SIRONES, seu CHIRONES, sunt pustulae, quae in vola manus et pedum plantis oriuntur, in quibus minutissimum quoddam vermiculorum genus sub cuticula latet. G. Reitläuse.
SISARVM, et SISER, est planta, quae erescit ad altitudinem duorum circiter pedum: folia plura uni costae adhaerent, ut in pastinaca, sed minora, viridiora, et molliora, leviter in margine incisa; flos est rosaceus, et umbellatus, parvus, quinque petalis ut plurimum constans albis, in orbem positis, odorus: hunc sequitur fructus parvus ex duobus seminibus compositus, oblongis, paululum petroselini seminibus maioribus, angustis, hinc gibbis et striatis, inde vero planis, coloris obscuri: radices ex uno capite plures pendulae, glandulosae, tenerae et fragiles, rugosae, cortice tenui, pallidoque obductae, pulpa candida, digitali crassitudine, pedales quaedam, quaedam breviores multo, dulci et grato sapore nonnihil aromatico. G. Zuckerwurtzel, Zuckerrüblein.
SISYMBRIVM, est planta aquatica, quae habet caules tres pedes altos, striatos, aliquando rubienndos, excavatos: folia oblonga, acuta, profunde laciniata, dentata, alternatim caulibus adhaerentia: flores in summitate ramorum crescentes, pedunculis longis et tenuibus adhaerentes, quadrifidi, flavi, cruciformes: flori succedit siliqua exigua, brevis, divisa in duos loculos continentes semina obrotunda fere: radix oblonga, alba, acris, minimi digiti crassitiei: crescit in paludibus, et locis aquosis, est cardamine, ut et mentha aquatica: dicitur a Sisymbrio, quae fuit veteribus in comoediis meretricula, appellatur etiam corona veneris forte quod caulis articulum per internodia verticillato florum ambitu concinne coronatur.
SITIS, est defectus humoris (salivae nempe) ad irrigationem oris, linguae, labioram, faucium, dein partium internarum, necessarii; quo sensus inde excitatus imaginatur potum esse in auxiliom vocandum, ut id incommodi, quod corpus ex defectu humoris patitur, tollatur. Sitis etiam est ordinaria, quae homini sano obtingit; vel praeterordinaria, et nonnumquam depravata quae aegris Gr. di/yos2. G. Der Durst.