December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted

image: s000

[gap: illustration (Frontispiz)]
image: s001

STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.


image: s002

[gap: praeliminaria]
page 620, image: s644

SIVM, vide Sion.

SMILAX ASPERA, est planta, quae habet caules longos, flexiles scandentes, spinis instructos, arbusculas vicinas et arbores apprehendentes: folia, rigida, nervosa, spinis non tantum per margines horrentia, sed et secundum nervos, nunc ampla et viridia, modo angustiora, et albis maculis conspersa, acrimoniam aliquam habentia: flores hexapetali, nudi, albi, exigui, in spicas digesti, indodori. Ovarium in fundo floris sphaericum, brevi tuba instructum fit bacca sphaerica, mollis, post maturitatem rubicunda, sub tenui pellicula recondens semina sphaerica, laevia, mollia, exterius coloris rubri obscuri, intus albi; saporis ingrati: radix parva, perennis, repens, fibrosa, alba, saporis subdulcis: haec planta crescit in silvis, Gr. smi/lac. Lat. convolvulus. G. Windekraut.

SMILE, est scalpellum, sive instrumentum chirurgicum, quod utrinque aciem habet, et lineas utrasque, utrinque coruas; sed alteram concavam, alteram vero illi oppositam, gibbam. Cuspis autem acuta est; diversi generis sunt; aliud magnum, aliud parvum, aliud mediocre.

SMYRNA, idem quod myrrha.

SMYRNIVM, est planta, quae habet caules tres pedes altos, ramosos, striatos, aliquantulum rubicundos: folia apii foliis similia, sed maiora, incisa in partes magis rotundas, odoris aromatici, saporis petroselinum referentis: flores rosacei et umbellati, parvi, albi, pentapetali: his succedit fructus fere globosus compositus ex duobus seminibus sibi invicem iunctis crassiusculis, obrotundis, striatis, nigris, saporis amari, odoris myrrhati: radix mediocriter magna, circularis, alba, sucum amarum gustui praebens, et saporem et odorem myrrhae habens unde nomen accepit. smu/rnh enim est myrrha. Vulgo vocatur levisticum.

SOCOTORINA ALOE, vide succotrina.

SODA, idem quod cephalalgia, et ardor ventriculi: item sunt cineres ex herba kali usti, quibus vitra conficiuntur. G. Spanische Sode.

SOL, a chymicis sumitur pro auro; medicamenta solaria sunt ex auro parata.

SOLANVMPlinio l. 27. c. 13. solanum, Officinis etiam solatrum, dicitur et uva lupina, uva vulpis et morella. penult. producetur:


page 621, image: s645

Esula cum betis, solanum, strychnus, oryza. Hont. 4.

Sed de Esulae quantitate consulatur litera E. Solanum, vulgare sive hortense, est planta, quae habet caulem sesquipedem circiter altum, ramosum: folia oblonga, acuta, satis ampla, mollia, nigricantia, aut ex viridi obscura, quaedam angulosa, altera crenata, quaedam integra, saporis herbacei, insipidi, sucum viridem habentia; flores sunt monopetali, quinquefidi, stellae instar expansi, coloris albi, in medio pluribus staminibus donati: calix est monophyllus, quinquefidus, stellatus non vesicarius: flori succedit bacca initio viridis, per maturitatem fit mollis, succulenta, ovata, vel globosa, nigricans, feta seminibus planis, exiguis, flavis: radix longa, fibrosa, albescens. Haec planta crescit iuxta vias, eius variae sunt species, plerumque somnum conciliantes. Gr. stru/xnos2, forte a solamine dictum; quod dolores intensos sopiendo sistat. G. Nachtschatten.

SOLDANELLA alias convolvulum marinum, est brassica marina, habens caules tenues, flexiles, sarmentosos, rubicundos, repentes: folia obrotunda, polita, splendentia, chelidonium minus referentia, sed crassiora, succo lacteo repleta, caulibus longis adhaerentia: flores sunt utplurimum campaniformes, monopetali, ora repanda; his floribus succedit fructus obrotundus, membranosus, includens semina angulosa, nigra aut alba: radix minima, fibrosa: tota planta habet saporem amarum, et salsum; crescit circa mare. G. Meerwinde.

SOLEN chirurgis est instrumentum oblongum, intus cavum, in quod membrum fractum, crus aut femur, imponitur, aut continetur. G. eine Röhre.

SOLEVS MVSCVLVS, est latus et tibiae fibulaeque ossis commissurae posterius insertus, robustissimus exsistit suraeque maximam constituit molis partem. Variam ob tendinum connexionem, varios fingit, ut gastrocnemius, musculos. G. Der Sohlenmuscul.

SOLIDAGO SARACENICA, vide Saracenica solidago.

SOLIDAGO, est herba vulnera consolidans: derivatur a solido, sano. Gr. su/mfuton.

SOLIDVS, est antiquorum pondus, pendens scrupulos quatuor.