December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed - corrections from the errata list not integrated
06/2007 Katharina Meiszus, Reinhard Gruhl markup
TERMINI Markup added - spell check partially performed
01/2008; 03/2010; 11/2010 Reinhard Gruhl markup
some corrections inserted
image: s000
[gap: illustration (Frontispiz)]
image: s001STEPHANI BLANCARDI LEXICON MEDICUM VIRI CELEBERRIMI IOANN. HENRICI SCHULZII OPERA INSIGNITER AUCTUM ET EMENDATUM NUNC DENUO RECOGNITUM VARIISQUE ACCESSIONIBUS LOCUPLETATUM CURANTE MICH. GOTTL. AGNETHLERO SAXONE TRANSILVANO. PRAEFATIONEM PRAEMISIT ANDREAS ELIAS BUCHNER POTENTISS. PRUSS. REG. A CONSIL. SANCTIOR MEDICIN. ET PHILOS. NATURAL. IN ACADEM. FRIDERICIANA PROF. PUBL. ORDIN. ET IMPERIAL. ACADEM. NAT. CURIOS. PRAESES. CUM PRIVIL. POTENTISS. POL: REG. ET ELECT. SAX. HALAE MAGDEBURGICAE, APUD IO. GOTTL. BIERWIRTH CIC IC CC XXXX VIII.
image: s002
[gap: praeliminaria]
page 637, image: s661STERNVTAMENTVM, vide ptarmica.
STERNVTATIO, Gr. ptarmo\s2, a ptai/rw sternuto. Est fortis ac subita aeris inspirati et diu retenti efflatio per nares potius quam per os; sed ita, ut in altum sublatis visceribus abdominis, imo altius quam solent, per convulsionem musculorum abdominalium, tum etiam et pulmonibus fortius constrictis, valida ac subita exspiratio subsequatur, cum forti pene totius corporis concussione, atque ita fit sternutatio, quae raro una vice, plerumque bis vel pluries successive contingit, sed cum saepius repetit, admodum molesta est non modo naribus, a quarum vellicatione incipit, sed toti corpori et maxime ventri ex illa concussione, aliquando cum tussi illis in morbis reperitur. Sunt etiam sani, nares humidas habentes, qui saepius de die sterntant. Sic a sternutatoriis frequens est sternutatio. G. Das Niesen.
STERNVTATORIVM, STERNUTAMENTUM, Gr. ptarmiko\n, est medicamentum quod naribus inditum, membranae Schneiderianae nervos in motus convulsivos concitando per sternutationem quicquid in lacunaribus propinquis haeret, expurgat. G. Niespulver.
STERTOR, Gr. ro(/gxos2 a re(/gxw sterto, est sonus insolitus, qui inter respirandum auditur, maxime vexat quosdam moribundos, cum, viribus detritis, loquela abolita est. Sed etiam multi inter somniandum stertunt, sic ut alios secum dormientes excitent; iisque molesti sint. In asthmate vero, apoplexia et epilepsia frequens est stertor. Sed asthma numquam sine stertore, aut si gradus minor sit, sine sibilo, sive sonitu paulo arctiore respirationem difficilem facit: cum tussi denique etiam, stertor saepe auditur, et tum asthmatis initium; et in tussi etiam sonus auditur, qui tamen non est stertor. G. Das Schnarchen.
STIBIALIA, sunt ex stibio seu antimonio parata.
STIBIVM, Dioscoridi l. 5. c. 99. sti/mmi, et sti/bi, penult. corr. [abbr.: paenultimam corripit] ob vocalem ante vocalem sine diphthongi suspicione. Sic dentalia, balaustia, coccognidium, saccharum penidium, ac dipenidium, et similia. Stibium idem quod antimonium.
STICTICVM EMPLASTRVM, vox Officinarum; rectius stypticum, quomodo medicamenta styptica (id est adstringentia) laudantur Plinio l. 24. c. 13. paenult. [abbr.: paenultimam] corripit, ut hecticus, practicus, ictericus. Sic Umbricus, unde in Officinis terra Umbrica. Sticticum emplastrum est vulnerarium, fortificans, desiccativum, consolidans.